Upp í mót.....

Ég fór með Möggu upp á Esjuna í dag. Nánast alla leið upp var ég að spá hvaða dauðans vitleysa þetta væri í mér að vera að paufast þetta. Ég gæti setið heima í stofu, horft á Friends og prjónað.......Gott ef ég átti ekki einhversstaðar súkkulaði líka.

Svo komst ég yfir verstu andnauðina og þá fór ég að spá í hvað það yrði nú auðvelt að fara niður aftur! En ég get alveg trúað ykkur fyrir því að það að fara niður er ekki einfaldara en að komast upp! Meiri dauðans vitleysan að vera að þessu ströggli. Magga skondraðist þetta á undan mér eins og fjallageit, grillaði lítið lamb á toppnum og kom svo niður á móti mér til að fylgja mér síðasta spölinn aftur upp. Mig langar að nota þetta tækifæri og koma því enn og aftur að að það eru engar myndir til af mér frá því að ég var lítil og ég er þess fullviss að ég er tökubarn. Ég hefði aldrei borðað allt nestið ein.........

Þetta var samt hrikalega gaman - nema á þeim kafla þegar ég var að míga í mig og gat hvergi pissað því umferðin þarna upp er eins og um þjóðveg númer eitt á góðum sumardegi! Magga stakk upp á því að við fengjum okkur skikkjur sem við gætum sveipað í kringum okkur eins og sturtuhengjum og ég nánast meig í mig við tilhugsunina að vera í skikkju með mynd af  Wonder Woman á bakinu í fjallgöngum framtíðarinnar. En það er kannski ekki fáranlegra en gaurinn á táslunum sem við mættum. Kannski var hann að æfa sig fyrir Indverskt jóga. Hugsanlega var hann að vinna veðmál eða kannski meiddu skórnir hann svona hrikalega? Hvað veit maður - fáfróð húsmóðir utan af landi.......

Í fyrramálið er svo vatnsfimi hjá Betu þannig að það er eins gott að fara að kúra sig undir rúmi hvað á hverju.

Þakka þeim sem hlýddu

Athugasemdir

[Jóna Kolbrún Garðarsdóttir, 19.5.2009 kl. 00:06]

  Skemmtileg frásögn. 

[Einar Indriðason, 19.5.2009 kl. 04:32]

Ein spurning (og þó... ég veit amk eitt löglegt svar; segi ekkert til um hversu mörg ólögleg svör ég veit)

AF HVERJU Í ÓSKÖPUNUM?

(og... var þetta gjört með "fé á fæti"?)  (Ok, tvær spurningar, þá.)

[Birna Dis Vilbertsdóttir (IP-tala skráð) 19.5.2009 kl. 10:51]

 gastu svo pissað bak við runna/klett?Eða léstu það lagó? Kom ljónshjartað með eða var hann að hvíla sig?Þú ert svo dugleg kona

[www.zordis.com, 19.5.2009 kl. 11:38]

Þú hefur alla mína aðdáun og Magga líka. Knús á þig mín kæra!

[Jenný Anna Baldursdóttir, 19.5.2009 kl. 20:54]

Þú ert krútt Hrönn.  Vissir þú það? Ekki?  Ókei, þá veistu það núna aulinn minn.

[Fanney Björg Karlsdóttir, 19.5.2009 kl. 23:30]

Ó Hrönn, ó Hrönn..... maður hefur alltaf varann á þegar maður leggur í svona fjallaferðir..... sjálf set ég ávallt upp þvaglegg... það er betra að vera við öllu búin....

Mundiru eftir að skrifa í gestabókina sem er á toppnum.....

[Stóra systir (IP-tala skráð) 19.5.2009 kl. 23:56]

Hrönn, það er ekki ofsögum af frásagnarsnilld þinni. Flott hjá þér, fjallgangan líka. Við undirbúum okkur fyrir næstu ferð fljótlega, tökum þá skikkjurnar með eða smellum upp þvaglegg.

[Marinó Már Marinósson, 20.5.2009 kl. 20:18]

Ja það sem ég segi.  Frábær lýsing hjá þér að vanda.   

[Hrönn Sigurðardóttir, 20.5.2009 kl. 21:13]

Takk Jóna Kolbrún :)

Einar! Er það þess vegna sem þú heitir Einar? Alltaf þessi EINA spurning.... Vitaskuld fórna ég ekki fé á fæti í fjallgöngur. Magga sér alfarið um það....  Og svarið er: Það er svo flott útsýni þarna uppi!

Birna Dís! Ljónshjartað þurfti að hvíla sig..... og vitaskuld hélt ég bara í mér! Ég ER dama júnó....

Knús til baka á þig Zordis.

Jenný! Tek þig með næst - og það verður ekki stoppað í smók.

Fanney! Hvernig gat ég klikkað á þessu. Uppalin í legg þvagsins Ég opnaði gestabókarhulstrið og það var fullt af tómum plastpokum, tómum kókómjólkurfernum og fleira rusli. Það hafa greinilega fleiri en Magga þurft á bíða á toppnum

"Stóra" systir!  Við saumum okkur svona skikkjur fyrir næstu ferð Þetta var ferlega skemmtilegt. Alveg allra harðsperranna virði.

Marinó! Þeinkjú

[Einar Indriðason, 21.5.2009 kl. 21:08]

Það er meira athyglisbrestur hjá mér... Ég man aldrei meira en EINA (ok, kannski tvær) spurningar í einu :-)