Hvítleit hringaskorðan huggar manninn trautt

Við Stúfur Stubbalings vorum sammála um að við fyndum lykt af vori í morgungöngunni - hefur samt líklega verið hugarburður. Snjórinn að villa á sér heimildir........

Hinsvegar fann ég lykt af flatkökum - einhver var að baka flatkökur á svona rafmagnsplötu úti í bílskúr. Velti því örstutt fyrir mér að ganga á ilminn og banka uppá. Svakalega langaði mig í svona heimatilbúna flatköku með smjöri og hangikjöti - slurp.... Hætti samt við á síðustu stundu, það er nógu mikil hætta á að fólk hringi á vini mína með bláu ljósin þegar það sér mig standa hreyfingarlausa og mæna inn um gluggana. Ekki vegna þess að í mér blundi leyndur hæfileiki til að leika jólasvein og því síður vegna þess að ég sé svona mikill perri, þó óhjákvæmilega hafi ég stundum svolítið gaman af því sem ég sé inn um gluggana...... en það er allt önnur saga sem verður ekki sögð hér. Nei það er vegna þess að hundurinn gleymir sér stundum gjörsamlega og týnir trýninu alveg í holu í snjónum, þá arka ég fram úr honum og þarf svo að hinkra og þá kemur fyrir að ég gleymi mér við að horfa inn um glugga og ranka ekki við mér fyrr en ég sé að einhver starir á mig á móti...........  Kannski leynist í mér lítill perri??

Komst að því í morgun að ég er búin að léttast um tvö eða þrjú kíló síðan ég byrjaði í nýju vinnunni. Ég enda há og grönn

Loftnetið fauk af hjá mér í rokinu í gær og útsendingar versnuðu til muna. Ég þarf eiginlega mikið til að gizka á hvað fer fram í sjónvarpinu síðan, sem gerir það aftur að verkum að dagskráin lagaðist verulega

Einhver sem getur sagt mér hvað fyrirsögnin fyrirstillir?

pís

Athugasemdir

[Fanney Björg Karlsdóttir, 28.1.2008 kl. 11:06]

engin er verri þótt hann sé perri Hrönnslan mín........

[Hrönn Sigurðardóttir, 28.1.2008 kl. 11:10]

Sumsé þessi týpíska íslenska kona Dúa.......?

Var að vona að einhver mundi segja þetta Fanney

[Ingibjörg Gunnarsdóttir, 28.1.2008 kl. 11:14]

Líklegast er þetta föl húsfreyjan sem getur lítið huggað bóndann!

[Hrönn Sigurðardóttir, 28.1.2008 kl. 11:51]

Skemmtilegt Hallgerður! Ég þarf að hugsa þetta.

Líklega Ingibjörg......

[Hugarfluga, 28.1.2008 kl. 13:14]

Og hvað giskar nettur perri á að sé í sjónvarpinu? *held fyrir augu og eyru og vil ekki vita*

[Jenný Anna Baldursdóttir, 28.1.2008 kl. 13:44]

Brátt er allt búið.  Búrið autt.  Nanananana

Ég er fokking brilljant (með aðstoð google).

Love u

[Steinunn Helga Sigurðardóttir, 28.1.2008 kl. 15:43]

Bless

steina 

[Markús frá Djúpalæk, 28.1.2008 kl. 15:51]

Þetta orti Kristján frændi forðum daga, í miklu þunglyndiskasti...

[Ásthildur Cesil Þórðardóttir, 28.1.2008 kl. 16:55]

Hó hó hó Hrönn mín, nú sé ég þig fyrir mér standandi fyrir utan bílskúr með slefu og mænandi á dyrnar

[Ásdís Sigurðardóttir, 28.1.2008 kl. 18:39]

Hrönn það er þá svona grennandi að þekkja mig,  ég hef þyngst um þessi kíló sem þú hefur misst.   Rock on thin woman.

[Huld S. Ringsted, 28.1.2008 kl. 19:39]

Þú spyrð alltaf svo erfiðra spurninga!!!

En er hægt að fá vinnu á sama stað og þú? mig vantar að losna við nokkur kíló

[www.zordis.com, 28.1.2008 kl. 20:16]

Hvítleit hringaskorðan huggar manninn trautt .... þú segir nokkuð;

Björt faðmar þreyttan mann

.... ekki gott að segja en eitt er víst að flatkökulykt laðar fram innri konu!

 

[Hrönn Sigurðardóttir, 28.1.2008 kl. 21:20]

Hallgerður!! Ég var búin að hlakka til í allan dag...... af hverju er Bílda = sauðamóðir fylgsni fríð?

Markús! Eru ekki öll beztu verk skáldanna framin í miklu þunglyndi og helst með ívafi af heimþrá?

Cesil! Ekki fyrir utan.... heldur uppá!!

Nebbs Huld! Ég ætla sko að sitja ein að þessum vinnustað! Tími ekki öðru!!!

Þórdís! Enginn er verri þótt hann flötköku éti á meðan hann perrist.....

Elísabet, Ásdís, Fluva litla, Steina og Jenný! Smjúts á ykkur - já og líka þig Gulli, ég veit þú varst þarna

[Heiða Þórðar, 29.1.2008 kl. 00:22]

Hrönnsla....er ekki komin tími til að taka batterýin úr honum Stubbaling?

[Ágúst H Bjarnason, 29.1.2008 kl. 07:38]

Aftur kíkti ég í stóru orðabókina Islandsks-Dansk Ordbog eftir Sigfús Blöndal. Algjör gullnáma. Þar eru gefin upp orð (skáldamál) fyrir konur sem byrja á hring-: hringa-gefn, -gunnur, -hlín, -hrund, -lín, -lind, -ná, -nanna, -norn, rein, -skorða, -slóð, -sól, -tróða, -þilja, -þöll.

Úr Þorraþræl: 

Hjúin döpur hjá
honum sitja þá.
Hvítleit hringaskorðan
huggar manninn trautt:
Brátt er búrið autt,
búið snautt.

Allur matur í búrinu búinn. Húsmóðirin (föl af hungri og þreytu) huggar varla (trautt, trauðla) hjúin.        Hummm?

[Ólafur fannberg, 29.1.2008 kl. 07:54]

[Hrönn Sigurðardóttir, 29.1.2008 kl. 08:34]

ég skil þetta þannig að bóndinn getur ekki einu sinni haft gaman af kerlu sinni - hann er svo aðframkominn.........

[Ágúst H Bjarnason, 29.1.2008 kl. 08:52]

Miklu betri skýring Hrönn

[Ásthildur Cesil Þórðardóttir, 29.1.2008 kl. 11:01]

Cesil! Ekki fyrir utan.... heldur uppá!!

Hahahahaha þarna slóstu mér við

[Markús frá Djúpalæk, 29.1.2008 kl. 11:16]

Jú, bezt að leggjast í þunglyndi til að gera enn betur...

[Steingerður Steinarsdóttir, 29.1.2008 kl. 15:52]

Mér fannst eitt andartak að þú værir að lýsa mér á göngu með tíkina þarna. Hef orðið fyrir því að menn kippi gluggatjöldunum fyrir með snöggum rykk þegar ég hef gleymt mér svona.

[Hrönn Sigurðardóttir, 29.1.2008 kl. 16:49]

 Gott að við erum fleiri "þarna úti....."

[Víðir Ragnarsson, 29.1.2008 kl. 20:26]

Ánægjulegt að sjá (altént þegar þetta er skrifað) að 100% svarenda segjast "borða þorramat og finnst hann góður" í spurningahorninu þínu.

[Hrönn Sigurðardóttir, 29.1.2008 kl. 20:30]

Víðir! Ert þú hann?

Þessi eini?

[Halldór Egill Guðnason, 30.1.2008 kl. 14:06]

Búinn að spá mikið í þetta orð "hringaskorðu". Þorði náttúrulega ekki annað en að bíða og sjá hvort einhver mér gáfaðari kæmi ekki með meininguna og sé að svo er hér að ofan. Er semsagt eiginmaður þá "hringabora"?

[SigrúnSveitó, 30.1.2008 kl. 16:42]

Ég elska flatkökur!  Sérstaklega þær sem Begga á Melnum bakar og þær sem amma hans Einars bakar!

Slafr... 

[Hugarfluga, 30.1.2008 kl. 19:31]

Hvartagera?

[Hrönn Sigurðardóttir, 30.1.2008 kl. 21:33]

Halldór! Skammastín!!

Flórens! Já heimagerðar flatkökur eru oft þær beztu.

Fluva! Akkúrat þegar þú spurðir var ég í leikfimi! Hví?

[Marta B Helgadóttir, 31.1.2008 kl. 00:34]

Heimagerðar flatkökur .....mmm lostæti

[Kristín Katla Árnadóttir, 31.1.2008 kl. 09:55]

Þú er nú alveg frábær. Hrönn mín.

[Jenný Anna Baldursdóttir, 1.2.2008 kl. 01:10]

Hvernig væri að svara mér sem sennilega var með rétt svar

[Hrönn Sigurðardóttir, 1.2.2008 kl. 12:43]

Sorrý Jenný mín. Hvernig gat ég gleymt þér? Ég lofa að ég skal ALDREI láta þetta koma fyrir aftur. Og auðvitað varstu með rétt svar ;)