fósturvísir....

Í "gamla daga" þegar ég var lítil var vísir að leikskóla þar sem barnaskólinn er nú til húsa. Tjah.... annar þeirra allavega

Ég "fékk" að fara - ekki það að ég vildi það endilega. Ég vildi bara vera heima og leika mér við krakkana í götunni eins og venjulega en sjálfsagt hefur þetta þótt mikil bylting og öll börn haft gott af því að fara á leikskóla. Það eina sem ég man frá þessum dögum er hve mikið mér var mál að pissa en þó ég hefði átt líf mitt að leysa þorði ég ekki að segja fóstrunni frá því eða eiga við hana nokkur önnur samskipti. Ég hef sjálfsagt verið eitt af þessum afskaplega "þægu" börnum þótt í reyndinni væri ég svo feimin að ég þorði ekki að eiga nein samskipti, hvorki við önnur börn á leikskólanum né margumrædda fóstru. Nú er ég í leikfimi með þessari sömu fóstru tvisvar í viku og þegar ég segi henni frá því hve mikið ég þjáðist í den af feimni við hana og aðra þá hlær hún eins og tröllskessa í afmæli!!

Er það nema vona að maður hafi verið hræddur?

Mér þykir samt voða vænt um hana kjéddlinguna

Athugasemdir

[Ragnheiður , 14.1.2008 kl. 21:04]

Þorirðu að pissa í kringum hana í dag ? Hehehe líklega orðin nógu stór til að geta sjálf

[Hrönn Sigurðardóttir, 14.1.2008 kl. 21:10]

 Hún hafði það einmitt á orði, þegar ég sagði henni frá þessu, hvað laugin hefði hitnað.......

[Ásdís Sigurðardóttir, 14.1.2008 kl. 21:10]

Ef þig vantar hjálp þá hringirðu bara.    

[Hrönn Sigurðardóttir, 14.1.2008 kl. 21:22]

hihi geri það Ásdís......

[Dísa Dóra, 14.1.2008 kl. 22:03]

[Jenný Anna Baldursdóttir, 14.1.2008 kl. 22:34]

Veistu ég var svo lítil í mér að ég var einu sinni látin á gæsluvöll í ca klukkutíma og það er lengsti klukkutími sem ég hef upplifað, bæði í skelfingu og þeirri vissu að mér yrði gleymt og enginn kæmi og næði í mig.  Svo þorði ég ekki að segja að mér væri mál að pissa og pissaði niðurúr.  Ég var ekki látin aftur á viðlíka stofnun

[Huld S. Ringsted, 14.1.2008 kl. 23:08]

Ég var nú aldrei feimin við konur en karla!! OMG tróð mér einu sinni á bak við gamla Rafha eldavél og náðist ekki aftur nema draga eldavélina fram sem betur fer rjátlaði kallafælnin af mér

[Heiða Þórðar, 15.1.2008 kl. 01:03]

Tek undir með Elísabetu...en trúi þér samt alveg Hrönn.

Samanber mig sjálfa...opna fyrst kjaftinn á mér um tólf ára aldur...hef ekki lokað honum síðan...kannski eigum við það sameiginlegt...

[www.zordis.com, 15.1.2008 kl. 10:31]

Vont að vera feiminn, litill eða stór!  Gott að þú náðir að verma afmælisskessunni í djúpu lauginni!  Góð buna þar ....

[Kristín Katla Árnadóttir, 15.1.2008 kl. 11:06]

Ég var líka feimin sem barn og er það en.

[Bryndís R (IP-tala skráð) 15.1.2008 kl. 15:59]

Hehe ég var sko ekki feiminn krakki. Ef að þú hittir dóttur mína einhvern tímann þá sérðu svona um það bil hvernig ég var.