Dægurflugur

Stundum missi ég mig algjörlega í að stúdera dægurlagatexta. Ég leggst í meininguna, flæðið, hvort að textinn segi mér eitthvað eða hvort hann algjörlega missi marks. Velti því stundum fyrir mér hvort ég sé ein um þetta eða hvort aðrir eigi við þetta "vandamál" að stríða.

Stebbi Hilmars, t.d. hefur margan textann átt sem segir ekki mikið við fyrstu kynni en er svo hyldjúpur þegar kona leggst í þessar pælingar....... eða ekki!!   Þessi hérna: ".....fyrst um sinn stólar og borð, seinna meir tvö atviksorð....." eða þegar hann hnýtir málsháttum inn í textagerðina í ergi og gríð: ".....enginn verður óbarinn biskup....." og fleiri og fleiri. Ég er algjörlega að meina að ég missi mig í þessari pælingu!!! Svo eru textarnir sem eru svo uppfullir af ádeilum eins og þegar Ríó Tríó söng: "....mikið er mjúkur, malbikaði spottinn...." Svo vottar fyrir ööööörlítilli biturð í þessum texta: ".....Gunni hann er frægur, hann söng sólóplötu. Þeir segja að konur þekki Helga Pé á götu. Kornabörn í vöggu, þau kunni á Gústa skil en kannist ekki við að ég sé til....."

Hins vegar datt í mig texti á fimmtudaginn var, nánar tiltekið þegar við Stubbalingur stóðum úti og migum upp við tré, um níuleytið um kvöldið...... sem ég næ engum botni í og er helst á því að ég hljóti að muna textann svona kolvitlaust, veit ekki einu sinni hverjir sungu, en textinn hljóðar svona - allavega í mínum huga og ég losna ekki við hann: ".....aha, ójá, eins var líka settur hæll undir tá....." HÆLL UNDIR TÁ? Til hvers? Hverjum dettur þetta í hug? Var það Barði - Bang Gang þeirra tíma?  Pabbi hans kannski, eða Afi? Eða man ég textann svona hrikalega rangt?

Getur einhver leyst úr þessu máli fyrir mig svo ég nái að sofa í nótt? Ég er orðin baugótt og illa sofin!!! Það gengur náttúrulega bara alls ekki á þessum tímum æskudýrkunar þegar allt snýst um útlit og ekkert um innri mann

PS. Ég sé að í könnuninni minni - vó mikið af ennum - hafa 52 tekið þátt og sá fimmtugasti og annar gaf McCormick sitt atkvæði. Nú langar mig til að sá hinn sami gefi sig fram. Það gætu verið verðlaun í boði

Athugasemdir

[Jenný Anna Baldursdóttir, 11.11.2007 kl. 22:48]

Er alveg blönk með þennan texta.  Annars finnst mér íslenskir textar sjaldan góðir, oft einhver salöt bara.  Nema Megas, Súkkat og nokkrir aðrir.

[Kristín Katla Árnadóttir, 11.11.2007 kl. 23:45]

Stundum er ég svo skrýtin á texta. Mér finnst íslensk lög sum góð og sum léleg. Þú ert frábær elsku Hrönn mín.  Sorry Hrönn mín, Megas er mjög skildur mér.

[Hrönn Sigurðardóttir, 11.11.2007 kl. 23:57]

Súkkat og Megas eru endalaus uppspretta pælinga..... "Guð býr í garðslöngunni, amma......."

[Ólöf Anna , 12.11.2007 kl. 00:21]

Heyrru þú ÞARFT að sjá leikritið ÁST í borgarleikhúsinu. mér finnst mjög gaman að pæla í textum. Sá þessa sýningu og þarna eru ´þekkt lög sett í samhengi og Ósamhengi.

úf farin að sofa

[Heiða Þórðar, 12.11.2007 kl. 11:48]

Velkomin í baugahópinn. Ekki amalegur félagskapur það, að þú sláist í lið með okkur hinum...

[Ásthildur Cesil Þórðardóttir, 12.11.2007 kl. 18:21]

Elsku stelpan, hæll undir tá, beats me.  Man ekki eftir þessum texta.  En vonandi fáið þið Heiða báðar lausn á baugamálunum.  hehehehe  bara Bauga, á baugfingur ef ekki vill betur til.  Það er allavega "betra að hafa bauga á fingrum en í auga".  Spakmæli í boði Ásthildar.

[Hugarfluga, 12.11.2007 kl. 20:25]

*fliss* Hæll undir tá? Hvað ertu að tala um, kona? Varalitadiskódís!!

[Rebbý, 12.11.2007 kl. 20:37]

ég hef nú oftar en einu sinni og oftar en tvisvar bara sungið það sem mér hefur heyrst tónlistarmennirnir gaula í hátölurunum, best var þó þegar ég söng með Sálinni "engin verður ellimaur eftir klukkan 3"
"Ellimaur" hefur síðan verið mikið notaður í mínum vinahóp yfir vel eldri menn sem eru að reyna við ungu glæsilegu stelpurnar á ballinu.

[Hrönn Sigurðardóttir, 12.11.2007 kl. 20:43]

......heyrst hefur líka "það ku vera fallegt í Kína, Keisarans appelsína...."

[Ásdís Sigurðardóttir, 12.11.2007 kl. 21:05]

Aha ójá, þennan á ég að þekkja, ætla að spurja húsbandið þegar hann kemur heim, en hæll undir tá er örugglega vitlaust.  Ég á nú til að rugla textum út og suður og mörg vitleysan sem kemur upp úr manni.  Sendi línu ef ég finn lagið.

[Marta B Helgadóttir, 12.11.2007 kl. 21:59]

Stend alveg á gati með textann

[Hrönn Sigurðardóttir, 12.11.2007 kl. 23:15]

Mig minnir að Lási skó komi eitthvað við sögu sem er ekki ótrúlegt úr því hann setti hæl undir TÁ!!!! Veit hins vegar ekki hvort ég mundi fara með mína skó til hans en ég er nú líka svo kreðsin á skósmiði...............

[Jóna Á. Gísladóttir, 12.11.2007 kl. 23:30]

hahahaha þið eruð ruglaðar. ég þarf að fá meira úr þessum texta til að átta mig.

[stóra systir (IP-tala skráð) 13.11.2007 kl. 20:42]

Var að lesa bloggið þitt Hrönnsa, man alveg eftir Lása skó en ekki hvort hann setti hæl undir tá eða skó. En manstu eftir textanum "þegar ég á æskuárum ungur var,átti ég mér fagrar ljúfar minningar" eða eitthvað á þá leið. Óborganlegur!

[Hrönn Sigurðardóttir, 13.11.2007 kl. 21:09]

hahahaha já stóra systir ég man!!! Hins vegar hef ég þig grunaða um græzku, miðað við símtal okkar í morgun og hverju þið Elsa hlæið að..........