Haustlitir í peysu og pottum.

Margir hafa komið að máli við mig - Ókei, báðir vinir mínir  hafa hvatt mig til að setja linka á uppskriftir frá mér inn á síðuna. Eldaði hrikalega góða gúllassúpu í gær og bakaði brauð með. Fæ vatn í munnin við tilhugsunina um vel heppnaða máltíð í gærkvöldi! Ekki slæm hugmynd. Þá eru þær á ákveðnum stað líka og ég get gengið að þeim vísum. Málið er í vinnslu. Er að stúdera hvernig ég linka á uppskrift. Það getur ekki verið flókið.

Ljónshjartað hitti aftur tíkina, niðri við á í morgun, spurning hvort samband þeirra er að komast á það stig að ég þurfi að fara að hitta "mömmu" hennar .....

Ég var samt voða stolt af honum því að þegar ég tilkynnti honum að nú væri komið nóg og við þyrftum að halda áætlun, skokkaði hann á eftir mér. Fyrsta skipti sem ég þarf ekki að draga hann í burtu frá öðrum tíkum.

Keypti mér garn í haustlitapeysu í gær. Er að dunda mér við að prjóna í rigningunni, alltaf svo gaman að byrja á einhverju nýju!

Fariði vel með ykkur

Athugasemdir

[Kristín Katla Árnadóttir, 3.10.2007 kl. 10:46]

Já haustlitirnir eru fallegir, og gaman að þú ert að dunda þér við að prjóna.Knús

[Fanney Björg Karlsdóttir, 3.10.2007 kl. 11:23]

Ég ætti kanski að fara að mæta með prjónana mína.... þó ekki væri til annars en að smakka ..tja.. td súpuna góðu......

knús

[Hugarfluga, 3.10.2007 kl. 11:24]

Þú ert svo mikill hreiðursnostrari!! Love it!! Gúllassúpa mannsins míns er líka mitt uppáhald ... geggjað á rökkvuðum haustdögum.

[Heiða Þórðar, 3.10.2007 kl. 12:25]

Líst vel á hugmyndina Hrönn. Því hjá mér á borðum er annaðhvort kjúklingur nú eða kjúklingur...

[Jenný Anna Baldursdóttir, 3.10.2007 kl. 13:16]

Þetta er svo kósí blogg hjá þér Hrönnsla.  Ég fæ alveg hlýju í hjartað við lesturinn.  Er farin að baka.  nanananana

[Huld S. Ringsted, 3.10.2007 kl. 13:53]

Mér líst vel á hugmyndina með uppskriftirnar áður en ég geri familíuna vitlausa á sama matnum aftur og aftur

[Ásthildur Cesil Þórðardóttir, 3.10.2007 kl. 16:57]

Já þetta er góð hugmynd Hrönn mín, með uppskriftirnar.  Þú ert svoddan nostrari og matarfræðingur mikill.  Love it.

[Marta B Helgadóttir, 3.10.2007 kl. 17:39]

Líst vel á þessa hugmynd. Matseðillinn hjá mér síðan sonur fór er farinn að líkjast því sem Heiða talar um þarna... kjúlli bara út í eitt... fer að gagga bráðum og verpa sveimér