Skellitöflur úr ljóði dagsins

Ég skellti niður kartöflum í gær! Ég ÆTLA sko að bjarga hagvextinum - var ekkert að grínast með það. Er að vísu u.þ.b. tveimur vikum á eftir áætlun og kannski má rekja nýjustu hækkanir á benzínverði beint til þess?

Næst liggur fyrir að versla kál hjá Ingibjörgu í Hveragerði - sem er eini Hvergerðingurinn sem ég verzla við og stinga niður við hliðina á kartöflunum. Kálinu sko - ekki Hvergerðingum! Ekki viljum við nú að þeir fari að fjölga sér........

Fordómar! Skordómar.......

Sáði líka kryddjurtum í potta - aftur..... Var nefnilega svo til nýbúin að því hér um daginn og ákvað svo að láta pottana út á pall í góða veðrið þannig að moldin gæti hitnað í sólinni og vöxtur hafist og allt það þegar jörð hóf að hristast og skjálfa og pottarnir hentust eitthvað út í garð og tæmdust Ef ég er heppin þá næ ég að slá steinselju og myntu í haust!

Er að reyna að ná sambandi við Pólland en það svarar mér ekki nokkur maður! Vitiði hvað klukkan er í Póllandi? Er matur hjá þeim líka?  Eru þeir kannski eins og Seyðfirðingar og breyta klukkunni bara ef þeir eru svangir eða langar í sól?

Birti hér eitt vísukorn enn úr ljóðinu sem enginn hver orti! Nema ég Þetta er úr kvæðinu Jörð eftir Einar Ben. 

 

Þín sanna dýrð, hún skín í hilling hæst,

þar hvelfast skýjaborgir. Og þær standa.

Á meðan grjót og múrar hrynja í sanda,

rís munans höll þeim trausta grunni næst.

þann skáldagrunn, sem lýsir loftin fjærst,

er lengst að má úr heimsins dánarsögum.

Því verður list vors lífs hið fagra að dreyma

í lit, í máli, í hljóms og sjónar brögum.

— Þín fegurð öll er undir djúpum lögum,

sem andinn veit, en hjartað þarf að gleyma.

 Njótiði dagsins - hann er ekki sem verstur

Athugasemdir

[Markús frá Djúpalæk, 11.6.2008 kl. 12:36]

Ömurlegur dagur!

[Hrönn Sigurðardóttir, 11.6.2008 kl. 12:39]

Hvaða hvaða! Ertu illa staddur í tíðahringnum Markús?

[Jenný Anna Baldursdóttir, 11.6.2008 kl. 12:58]

Alver óþolandi leiðindadagur, og sólin skín

Á ekki að gefa mér afleggjara af steinseljunni?

[Ragnheiður , 11.6.2008 kl. 13:10]

Haha já nú koma upp heilu steinseljubreiðurnar á Selfossi. Gott að þú fórst ekki að stinga niður hvergerðingum...ómögulegt að vita hvernig það hefði endað

(ég má segja svona, bjó í Hveró þegar ég var lítil )

Meira að segja brenndi mig og allt...en ekki í hver, það hefði auðvitað verið einfaldast. Ég þvældist fyrir mömmu sem var á labbi með hraðsuðuketilinn...

[Gunnar Páll Gunnarsson, 11.6.2008 kl. 13:12]

Cool dagur hérna! Erum að pakka niður og förum til Sáms frænda í Washington. Næstum allt komið niður í garðinn og svo á að rigna í þrjá daga. Hversu meira getur maður óskað sér? Annars eru kryddjurtir alltaf snöggar að taka við sér ef þú ert með góðann sólarglugga.

Gunni Palli kokkur og westurfari. 

[Anna Einarsdóttir, 11.6.2008 kl. 13:17]

Þú ert nú ekki venjuleg.  Ræktar Hvergerðinga, slærð myntu og ert með skordóma.  Fólk myndi ekki trúa þessu þótt ég segði frá. 

[Hrönn Sigurðardóttir, 11.6.2008 kl. 13:27]

Myntusláttur gæti líka reddað hagkerfinu........

Nei Ragga! Þú ert náttúrulega ekkert einföld að neinni gerð

Góða ferð Gunni Palli kokkur!

Jenný! Viltu ekki frekar afleggjara af mynt?

[Kristín Katla Árnadóttir, 11.6.2008 kl. 14:01]

Eigðu góðan dag Hrönn mín. Frábært ljóð

[Linda litla, 11.6.2008 kl. 14:14]

Það borgar sig að rækta allt sjálfur á Íslandi í dag... þarf endilega að búa mér til kartöflugarð hérna á svölunum mínum upp á 3 hæð.....

Gangi þér vel í steinseljuslættinum í sumar.

[Markús frá Djúpalæk, 11.6.2008 kl. 14:32]

Ég er að spá í að fara að rækta kjúklinga...

[Bergljót Hreinsdóttir, 11.6.2008 kl. 15:43]

Ég pant fá afleggjara af mynt...en bara ef ég get fengið hana í dollurum og evrum...vil alls ekki krónur því þær eyðast svo fljótt....

Vona að sólin sé líka að skína þarna hinum megin heiðarinnar.....

PS: Er til hreinræktaður Hvergerðingur? Er það þá Húrígúri?

[Birna Dis Vilbertsdóttir (IP-tala skráð) 11.6.2008 kl. 16:10]

Hveragerði eða er hvergi .Ég var þar um síðustu helgi.Sá ekkert kál.Mynt-afleggjara takk fyrir

[Huld S. Ringsted, 11.6.2008 kl. 17:25]

Ég frussaði kaffinu mínu yfir tölvuna....................................sá þig í anda stinga niður Hvergerðingum og hausana standa upp úr

[www.zordis.com, 11.6.2008 kl. 19:43]

Eins gott að þú ræktir ekki steinsmugur .... gæti nú haft góð áhrif á vaxtarkippi!

Vona að uppskeran verði ríkuleg og að hagkerfið batni þér og þykkvabæjarböndum til sóma og mikils þakklætis! 

Eitt sinn hannaði ég peningatré og þau ruku út pliss og bang!

[Brattur, 11.6.2008 kl. 20:38]

Lestu þetta ljóð fyrir karöflugrösin í sumar og munu gleyma því að þau eru hálfum mánuði á eftir...

[Helga Magnúsdóttir, 11.6.2008 kl. 22:12]

Rosalega ertu ræktarleg.

[Hrönn Sigurðardóttir, 11.6.2008 kl. 22:18]

Já Helga! Ég segi nú bara eins og í ljóðinu hér forðum daga...... "ekkert skil ég því, þeim ósköpum í, að ég enn skuli ógefin veeeeeeera.........." ;)

Brattur! Ég kem til með að reyna.......... allt til vinnandi að vinna upp glataðan tíma ;)

Þórdís! Ég hef trú á því að allt sem þú hannir, rjúki út

Huld! Ekki drekka kaffi þegar þú lest bloggið mitt......... ;)

Birna Dís! Ég hef þig í huga ;)

Bergljót! Já, já - þeir eru til. Eru meira að segja bestu vinir mínir..... báðir

Markús! Af hverju kjúklinga? Er ekki aðvænlegra að rækta stóðhesta?

Linda, Hallgerður og Katla!

[SigrúnSveitó, 11.6.2008 kl. 22:35]

oooohhh, þekki þessa fordóma...mér líður svipað gagnvart eskfirðingum...útsæðisætur!!!

Kyss.. 

[Solla Guðjóns, 12.6.2008 kl. 11:25]

Nú flissaði mín.....sagt er að Hvergerðingar séu fljótir að skjóta rótum