Mikið að gera í sveitinni....

 Sló suðurtúnið í gær! Fór svo með mömmu og við keyptum rafmagnssláttuvél - alltaf gaman að eyða annarra manna peningum... fórum svo í Hveragerði og keyptum sumarblóm í garðyrkjustöð Ingibjargar - ég missi mig alltaf í svona garðyrkjustöðvum. Mér finnst öll blóm flott og vil taka þau með mér heim.

Sá þar appelsínugul blóm sem ég féll algjörlega fyrir......´

 Búin að vera rosa duglega að æfa fyrir kvennahlaupið sem við Magga ætlum að KEPPA í á morgun. Ath!!!! Ég sagði KEPPA ekki TAKA ÞÁTT - mikill munur þar á. Ég er búin að stúdera leiðina svo við villumst nú örugglega ekki. Það er svooooo erfitt að vera í forystunni  Gott að það eru rauðir bolir - því ég, eins og danskurinn segir verð "selv lysende, en fin egenskab at udnytte i mørke som advarsel til andre" Þegar við erum búin að vera úti að hlaupa...... Vitaskuld er hann að djóka!!!!!

Sáuð þið hana systur mína í fréttunum áðan? Ég er svo stolt af henni alltaf hreint (þ.e. þegar hún gerir eitthvað sem mér þóknast..... ) Hún skýrði frá því að hún - ok ok eða sveitastjórnin sem hún vinnur fyrir hefðu ákveðið að setja bremzu á Urriðafossvirkjun að svo stöddu.

Fór svo í langan labbitúr með stubbaling, löbbuðum alla leið út í skóg, fórum svo stóran hring í skóginum - hittum Rauðhettu og úlfinn - og flýttum okkur heim. Þar biðu þá eftir okkur Eygló, sem er svona okkar eigin Flórens - alltaf gott að hafa eina í fjölskyldunni..... Stebbi og Mamma og vildu fá okkur í heimsókn upp á sjúkrahús að heimsækja pabba sem var að koma úr mjaðmakúluaðgerð og er svo stálheppinn, að sögn Reykvíkinga, að búa úti á landi þar sem héraðssjúkrahúsið getur tekið á móti honum. Hann fær að liggja þar næstu tíu daga í stað þess ef hann byggi í Reykjavík hefði hann verið sendur heim í dag - á fjórða degi eftir aðgerð....

...ansi kalt eitthvað. En svo er hann búinn að fá inni á NLFÍ í Hveragerði eftir spítalavistina. Hann er sko algjör hetja hann pabbi minn. Eftir áralanga baráttu við krabbamein, og allar þær meðferðir sem því fylgja, þar sem stefnir í hans sigur!!!! skellir hann sér í mjaðmakúluaðgerð. Ekki margir, held ég sem hefðu þrek í þetta.

Well bezt að fara að sinna labbakút, hann vill fara út - eða bara fá athygli mína.... skrýtið hélt hann mundi kannski athyglismettast þegar ég færi í sumarfrí en hann vill alltaf meir og meir..... sem er sossum í lagi... hann á það alveg skilið - þetta krútt

smjúts

Athugasemdir

[Hugarfluga, 15.6.2007 kl. 22:42]

Kudos til pabba þíns! Sönn hetja þar! Sammála með appelsínugul blóm ... eeeelska'ðau! Og svo hleypur þú eins og byssubrandur á morgun. Lovlí alveg hreint, darling!!

[Jenný Anna Baldursdóttir, 15.6.2007 kl. 22:44]

Hurru þessi sæta í hvítu blússunni.  Helvíti flott kona.

[Fanney Björg Karlsdóttir, 15.6.2007 kl. 22:50]

Hey ég stend á hliðarlínunni og hvet þig áfram...... och tummen upp för farsan... hvílík hetja.....þannig að þú hefur nú ekki langt að sækja hetjuskapinnn Hrönnsla mín

[Hrönn Sigurðardóttir, 15.6.2007 kl. 23:22]

ææææ takk  Ef ég væri veikgeðja væri ég núna að skæla

hehehehehe

[Hrönn Sigurðardóttir, 15.6.2007 kl. 23:29]

jamm Jenný! Við erum fallegar systurnar, allar sem ein

tíhí

[Kristín Katla Árnadóttir, 16.6.2007 kl. 11:06]

Því miður sá ég ekki fréttirnar í gær, en þú dugleg að nenna að fara í kvennahlaupið í dag.

Og vonandi verður allt í lagi með pabba þinn.

Hafðu það svo gott Hrönn mín. Knús til þín frá mér.

[Guðný Anna Arnþórsdóttir, 16.6.2007 kl. 23:40]

Svo þú ert bóndakona? Ber óendanlega virðingu fyrir þeim. Ykkur. Bara að þú vitir það. Kem í kaffi til þín einhvern daginn