Prjónar og diskar

Fór í dag og keypti mér garn. Eldrautt! Nú skal prjónað.

Ætla að prjóna mér rauðar grifflur - eða nornahanska eins og ég kýs að kalla þær..... Prentaði líka út uppskrift af peysu með berustykkjamunstri, langar að prjóna hana líka, kannski ég geri það bara. Get allt sem ég vil - vil allt sem ég get

Spurði einn sem ég þekki hver hefði eiginlega verið að spila Chicago blues, þarna um kvöldið, þegar ég dvaldi í mínu hásæti og hlýddi á og lýðurinn klappaði fyrir mér.... eða var það ekki fyrir mér?

Hann heitir Glenn Kaiser, er á hljómleikaferð um landið. Mæli eindregið með því að þið skellið ykkur ef hann spilar í ykkar hverfi! Ætla að kaupa mér disk með honum ef ég næ nokkursstaðar í hann. Mér er sagt að hann reki heimili, úti í hinum stóra heimi, fyrir fíkla og alkóhólista í bata og allur ágóði af tónleikahaldi og geisladiskasölu renni til þess starfs. Maður með mission.

Æ vúdd sey

Athugasemdir

[Guðný Anna Arnþórsdóttir, 1.6.2007 kl. 23:38]

Þína heill, duglega prjónakona.

[Hrönn Sigurðardóttir, 1.6.2007 kl. 23:46]

Þakka þér yndisfríða borgarkvendi

[Jenný Anna Baldursdóttir, 2.6.2007 kl. 01:58]

Ég kaupi líka þennan disk ef hann verður á vegi mínum.  Hurru er ekki prjónað á veturna?

[Hrönn Sigurðardóttir, 2.6.2007 kl. 12:34]

Jú Jenný - og á sumrin þegar úti er veður vott og vont

[Guðríður Haraldsdóttir, 2.6.2007 kl. 14:33]

Þessi hannyrðaáhugi um hásumar er soldið undarlegur. Ég keypti mér garn um daginn og er á kafi að velja heklmynstur með aðstoð Saumakonunnar!

[Hrönn Sigurðardóttir, 2.6.2007 kl. 14:52]

...en voða gaman samt  

[Guðný Anna Arnþórsdóttir, 2.6.2007 kl. 23:34]

Fyrst á réttunni, svo á röngunni, tjú, tjú, tra-la-la.

[Katrín Snæhólm Baldursdóttir, 3.6.2007 kl. 13:48]

Maður prjónar ekki grifflur um hásumar...prjónaðu þér frekar rautt bikiní og vertu smartari en Marta.

[Hrönn Sigurðardóttir, 3.6.2007 kl. 17:03]

  verð án efa smartari en Marta í rauðu bikiníi. Hins vegar viðrar bara til griffla hér um stundir. Prjóna hitt næst......