Dömukvöld eru frábær kvöld

Ég fór með þá félagana, Ljónshjartað og kisustrák í félaginu kúkur og piss út að ganga í morgun, setti svo á mig maska gerðan úr ösku Eyjafjallajökuls á andlitinu, drakk engiferleyndarmál og hugsaði um hvað dömukvöldið í gær var gott.

Þessi dömukvöld urðu til fyrir algjöra tilviljun - ef maður vill trúa því að tilviljanir séu til.... Þannig var að ég ákvað - eitt föstudagskvöld í sumar að hafa kósíkvöld - þrátt fyrir að vera bara ein heima. Elda góðan mat og fá mér hvítvín með. Á meðan ég var að elda hringdi vinkona mín til að láta vita að hún væri komin heim úr langri útlegð og ég bauð henni að koma og borða með mér. Stuttu síðar hringdi önnur vinkona mín - sem svo skemmtilega vill til að er einnig systir mín og ég bauð henni líka í mat. Einhver - ég nefni engin nöfn, en fyrsti stafurinn er Heiðdís :) - kom svo með þessa snilldarhugmynd seinna um kvöldið - að við mundum endurtaka þetta einu sinni í mánuði og ég er ekki frá því að þetta sé einhver bezta hugmynd sem sú kjéddling hefur fengið.

Magga eldaði frábært grænmetislasagne í gær og svo sátum við lengi frameftir og spjölluðum þrjár saman.

Takk fyrir frábært kvöld

 

Athugasemdir

[Ásthildur Cesil Þórðardóttir, 19.9.2010 kl. 11:57]

Þetta hljómar bara ansi vel Hrönn mín.

[Magga (IP-tala skráð) 20.9.2010 kl. 22:34]

Þetta er algjör snilld hjá okkur, skemmtilegt, rólegt, notalegt, menningarlegt....

[Ía Jóhannsdóttir, 21.9.2010 kl. 14:57]

Snilld hjá ykkur og svo næringaríkt fyrir sál og líkama, vort sem þessu fylgja leikfimiæfingar eða bara góðar hlátursrokur.

[Steingrímur Helgason, 21.9.2010 kl. 23:03]

Gaman hjá ykkur keddlíngunum, en hvar & hverjar voru þezzar 'dömur' ?

[Hrönn Sigurðardóttir, 22.9.2010 kl. 07:57]

Svona dömukvöld eru snilldin ein. Endurnæra bæta og kæta!

[Hrönn Sigurðardóttir, 22.9.2010 kl. 07:58]

Passa þú á þér munninn og rassinn Steingrímur. Það kemur að því að þú átt leið um Suðurlandsundirlendið.

[www.zordis.com, 23.9.2010 kl. 07:43]

Hressandi

[Birna Dis Vilbertsdóttir (IP-tala skráð) 27.9.2010 kl. 16:53]

Góður félagsskapur og góður matur (tala nú ekki um tertur og vín fyrir þá sem kunna með það að fara) er unaðurinn einn (ég kann með hvorugt að fara.Verð vitlaus af hvoru tveggja)

man eftir endir á "ljóði"sem endaði einhvern veginn svona ertu þá félagi í félaginu kúkur og piss.Kunni það þegar ég var villingur hehehehe

[Hrönn Sigurðardóttir, 27.9.2010 kl. 18:02]

hehehe þeir eru þá líklega fullgildir félagar þar :)