Ég hlakka svo til.........

Ég skrapp í höfuðstaðinn í morgun - í eftirskoðun. Augnlæknirinn er svo ánægður að maður nánast roðnar...... Ég stundi því upp, að stundum á morgnana, gæti ég ekki opnað augun þau væru svo samanlímd.

Í staðinn fyrir að drífa mig aftur inn í aðgerðarstofuna og endurtaka leikinn, eins og ég óttaðist mest. Kinkaði hann kolli, eins og væri hann Doddi í Leikfangalandi og sagði mér að það væri fullkomlega eðlilegur fylgifiskur aðgerðarinnar. Þetta væri hvarmabólga og ég skyldi vera dugleg að nota tárin....... Ég sagði honum ekki að ég grenja bara úr frekju. Fannst það einhvern veginn ekki alveg viðeigandi Segiði svo að ég kunni mig ekki!

Ég erindaðist síðan lítillega í Reykjavík og á leið minni heim ákvað ég að koma við í Garðheimum og skoða ljósaseríur. Ég setti náttúrulega upp sólgleraugun - því á leiðinni í gegnum Bústaðahverfið ákvað sólin að gægjast aðeins í gegnum skýin - og það var eins og við manninn mælt! Ég var umkringd sérsveitarlögreglumönnum og mótórhjólalöggum með blá blikkandi ljós.

Díses ég hlakka svo til þegar ég verð gömul og ljót og löggan hættir að elta mig

Athugasemdir

[Birna Dis Vilbertsdóttir (IP-tala skráð) 16.12.2009 kl. 19:27]

Gott að þú sérð eitthvað,annars mundir þú þurfa að þukla jólapakkann frá mér

[Sigrún frænka (IP-tala skráð) 16.12.2009 kl. 19:41]

Suss þú verður aldrei of gömul og ljót til að löggan eða aðrir myndarmenn hætti að elta þig!! Þú ert með svo góð gen góða!!!

[Sigrún frænka (IP-tala skráð) 16.12.2009 kl. 19:44]

Þeir elta þig vegna eindreginnar aðdáunar!!!!

[Garún, 16.12.2009 kl. 21:01]

Paparazzi á eftir onassiss

[Ásthildur Cesil Þórðardóttir, 18.12.2009 kl. 18:09]

Ég sagði honum ekki að ég grenja bara úr frekju. Fannst það einhvern veginn ekki alveg viðeigandi Segiði svo að ég kunni mig ekki!

Annars var ég með svona hvarmabólgu eða eitthvað álíka þegar ég var táningur.  Þetta læknaði lýsið alveg ég get svo svarið það.  Ég mundi eftir því bara um daginn, að ég var alltaf með einhverskonar augnbólgur, hornhimnubólgu og fullar ennisholur og ég veit ekki hvað.  Síðan ég fór að taka lýsið hefur þetta algjörlega horfið. 

[Sigrún Jónsdóttir, 18.12.2009 kl. 20:44]

Love you

[Halldór Egill Guðnason, 18.12.2009 kl. 23:34]

Ætlaði að benda þér á lýsið, en sá að Ásthildur var búin að því, þannig að ég vil bara benda þér aftur á það. Taktu það úr skeið. Þá grenjar þú vegna óbragðsins og hefur þar með slegið tvær flugur í einu höggi.

[Hrönn Sigurðardóttir, 19.12.2009 kl. 09:18]

Lýsi já..... Þið segið nokkuð! Takk :)

[Ía Jóhannsdóttir, 19.12.2009 kl. 15:27]

Já er hann kallaður Doddi þinn þá erum við með sama gaurinn.  Alveg frábær strákur.  Segi strákur hann er svo ungur ja alla vega miða við mig hehehh