Til hamingju með daginn..

...sagði ég við fyrrum vinnufélaga minn þegar ég hitti hann úti í bakaríi hjá Guðna í okkar venjubundna föstudagskaffi. Við höldum nefnilega þeim ágæta sið að hittast í kaffi og slúðra um menn og málefni ásamt því að flissa góðlátlega að heimsku náungans

Í dag viðrar þó ekki jafnvel til jarðskjálfta og fyrir ári síðan en ég er þó búin að stinga niður kartöflunum - svona just in case......... Kryddjurtirnar lifa sæmdarlífi og bíða helspenntar hvort þær endi villtar í garðinum eins og systur þeirra í fyrra. Tómatplantan sem mér áskotnaðist um daginn er hinsvegar í gjörgæslu í eldhúsglugganum þar sem ég gleymdi henni úti hjá jarðarberjunum sem mér voru líka gefin um daginn. Hún er nú öll að koma til, sýnist mér.....

Maðurinn í næsta húsi hringdi í mig, rétt í þessu, og spurði hvort það væri í lagi að hann sagaði niður greinarnar af grenitrjánum í garðinum hjá mér - sem mig vantaði einmitt að losna við. Ég var búin að plana að setja gróðurhús þar og var svona að veltast með það með sjálfri mér hvernig ég færi að því að saga niður þessar greinar og koma þeim burt. 

Mömmusinnardúlludúskur er komin með vinnu hjá sveitarfélaginu - allavega í sumar. Svona hafa nú hlutirnir lag á að leysast

Eina sem mig vantar er góð pikkuplína! Enívonn?

 

Athugasemdir

[zappa (IP-tala skráð) 29.5.2009 kl. 11:49]

"ertu bensínlaus,ég er á hjóli"prófaðu það....

[Hrönn Sigurðardóttir, 29.5.2009 kl. 12:00]

neeee... nenni ekki að tengja hana við efnahagsástandið....

[Þórbergur Torfason, 29.5.2009 kl. 14:57]

Þú átt góðan nágranna sem les hugsanir. Oft er það nú á hinn veginn, samvinnan við nágrannana.

[Þröstur Unnar, 29.5.2009 kl. 15:16]

Hef ég ekki séð þig einhvers staðar áður?

Jú, það er þess vegna sem ég er hættur að fara þangað

[Hrönn Sigurðardóttir, 29.5.2009 kl. 15:22]

Já Þórbergur við vinnum undir slagorðinu: Allt má leysa nema ráðaleysi ;)

Þröstur! Kallarðu þetta pikkupplínu? Ég er ekki hissa að þetta gangi ekkert hjá þér

[Þröstur Unnar, 29.5.2009 kl. 15:35]

Ó

[Einar Indriðason, 29.5.2009 kl. 15:44]

Bíddu... áttu við að tómatplantan gæti verið ófrísk eftir jarðarberin?

Pikkupplína... hmm... Ef þú værir ljóska, þá væri línan... "mikið ... svakalega... er ég .. *HIKK* full... Eigum við að koma heim?"

[Hrönn Sigurðardóttir, 29.5.2009 kl. 16:54]

hmmmm.... en Einar! Nú er ég það ekki!! :Þ

[Einar Indriðason, 29.5.2009 kl. 17:00]

Þú gætir samt prófað?  Gáð hvort þetta virki?

[Valgerður Ósk (IP-tala skráð) 29.5.2009 kl. 17:03]

Karlmenn eru ekkert hrikalega flóknir finnst mér svo:

"Viltu?"

...ætti að nægja

[Hrönn Sigurðardóttir, 29.5.2009 kl. 17:07]

hmmmmmmmmmmmmmmmmmmmmmmmmmmmmmmmmmmmmmmmmm

[Jenný Anna Baldursdóttir, 29.5.2009 kl. 17:11]

Til hamingju með afmælið.

Hver var það sem lyfti upp símanum og hringdi í sína um leið og hún hafði rifið þakjárnið úr hárinu á sér (eða þannig)?

Moi.

En svaraðir þú?

Nei, hlaupinn út, skíthrædd.

Munur en ég.

[Hrönn Sigurðardóttir, 29.5.2009 kl. 17:21]

hahah góð!

[Hrönn Sigurðardóttir, 29.5.2009 kl. 17:54]

Hey! Þarna er loksins ein vitræn!! Takk Valgerður Ósk :)

[www.zordis.com, 29.5.2009 kl. 19:35]

Lovjú ... virkar sennilega ekki sem pikkupp lína.

Mér detta ýmsar aðgerðir til hugar sem pikköppaðgerð en það er svooo dónó að ég segi ekki boffs meir!

[Hrönn Sigurðardóttir, 29.5.2009 kl. 19:51]

...enda ert þú í afar vafasömum bókmenntum ;)

Lovjútú

[Guðný Anna Arnþórsdóttir, 29.5.2009 kl. 23:12]

"Má bjóða þér að skoða nýja gróðurhúsið mitt...?"

eða

"Viltu sjá nýju tómatplöntuna mína...?"

[Jóna Kolbrún Garðarsdóttir, 30.5.2009 kl. 03:46]

Getur þú hjálpar bjargarlausri konu?   Er það ekki pickuplína dauðans???????????

[Hrönn Sigurðardóttir, 30.5.2009 kl. 09:32]

Líst vel á þínar Guðný Anna.

Jóna Kolbrún! Óver mæ ded boddí!! Svona mundi ég aldrei segja!!

[Garún, 30.5.2009 kl. 13:15]

Gerðu bara eins og ég:  Ekki segja neitt!  Horfðu í augun á fórnarlambinu, brostu þínu breiðasta og blástu svo toppnum til hægri!   Virkar alltaf!  Bros fer með mann þangað sem maður vill fara!  Orð eru fyrir! 

[Hrönn Sigurðardóttir, 30.5.2009 kl. 13:23]

Garún alltaf góð! Eini vandinn er sá að ég kann ekki muninn á hægri og vinstri.... en það er kannski ekki ástæða til að láta það velkjast fyrir aðalatriðinu?

[Anna Einarsdóttir, 30.5.2009 kl. 13:58]

Notaðu tækifærin sem gefast.

Nú getur þú t.d. hoppað í fangið á einhverjum um leið og þú hrópar JARÐSKJÁLFTI !

Síðan áttar þú þig á að það er enginn jarðskjálfti (og hann líka) en þá heldur þú bara áfram utan um hann..... hreyfir höfuðið þokkafullt um leið og þú lítur í augun á honum með blik í augum og hvíslar seiðandi röddu..... fyrirgefðu. 

[Garún, 30.5.2009 kl. 13:58]

Og þá get ég notað tækifærið og ruglað þig enn meira í rýminu!!!  Það er fórnarlambsins hægri 

Og PLÍS segðu mér hvað þið eruð alltaf að gera á sunnudögum...hélt ég myndi gubba af hlátri!

[Hrönn Sigurðardóttir, 30.5.2009 kl. 14:14]

Anna! Það hafði hvarflað að mér svo ótrúlegt sem það má virðast......

Garún! Spurning um að hnykkja bara höfðinu hægri, vinstri þar til fórnarlambið biður mig að hætta þessum hávaða?

[Fanney Björg Karlsdóttir, 30.5.2009 kl. 19:38]

..ég kann enga pikkupplínu.... ég pikka þá bara upp.... ekkert vesen....

 en en.... hvað gerðiru við greinarnar sem sagaðar voru af trénu þínu.... þarf nebbla svona greinar....call me...

[Hrönn Sigurðardóttir, 30.5.2009 kl. 23:02]

jamm.... hringi í þig á morgun! Klukkan er orðin svo margt ;)

[Einar Indriðason, 31.5.2009 kl. 10:15]

En, sko.. ef þú hnykkir höfðinu .. hægri... vinstri... er þá ekki mikil hætta á að "fórnarlambið" misskilji hreyfinguna, og haldi að þú sért núna að leika í auglýsingu um sjampó fyrir hárið?  Sérstaklega ef þú gerir þetta í hægri .... þokkafullri ... hægri... og vinstri .. hreyfingu ?

[Hrönn Sigurðardóttir, 31.5.2009 kl. 10:31]

Jú Einar - það er mikil hætta á því... Sérstaklega vegna þess að ég hef alveg hárið í það