Ég hef..

..verið hrikalega dugleg í dag!

Ég sló Suðurtúnið eftir vinnu! Hvar er svo mikið að gera að ég tók mér bara hálftíma í mat og ekkert kaffi Það er alltaf verið að svindla á manni Skilaði svo af mér verkefni dagsins við óskipta ánægju annars míns yfirmanns - alltaf gott að vera metin að verðleikum Það bætir næstum upp svikin með mat og kaffi......

Man að vísu ekki hvað ég gerði fleira í dag til að verðskulda titilinn starfsmaður mánaðarins en ég veit að ég á eftir að ryksuga - og ég veit líka að ég nenni því ekki.

Ég fann einn saum í Ljónshjartanu sem dýralæknirinn hefur gleymt að fjarlægja - kippti honum úr og hef vonandi náð honum öllum Merkilegt hvað þessi hundur leyfir mér að komast upp með - maður gæti hreinlega haldið að honum þætti vænt um mig  

Ég fór á allt öðrum tíma en vanalega í gönguna með þau systkinin Ljónshjarta og Biðukollu. Það var miklu meira um að vera. Við hittum fjóra veiðiþjófa - sem sýndu okkur, afar hróðugir,  ál sem þeir höfðu veitt! Ég sagði þeim, og glotti innra með mér, að þeir yrðu bara að gúggla áluppskriftir og vera svolítið exótískir í matargerð - úr því að þeir tímdu ekki að borga veiðileyfi..... 

Við hittum líka austur-evrópskar konur sem voru í lautartúr og voru ekki par hrifnar af þeim systkinum. Ég get hins vegar huggað mig við það að þær skrifa ekki klögupistil um okkur í dagsskrána.... Þær hafa ekki nægilegt vald á tungumálinu til þess

Nú ætla ég að hreiðra um mig í sófanum og horfa á sjónvarpið og gleyma því að ég á ryksugu hér einhversstaðar í horni.

Athugasemdir

[www.zordis.com, 20.8.2008 kl. 23:01]

Væri möguleiki að fá lánaða hjá þér ryksugu til 20.sept??

Ég rétt vona að þú sért að horfa á olympíuleikana, mikill keppnisandi þar!

[alva (IP-tala skráð) 20.8.2008 kl. 23:07]

Harkan í þér!

[Bergljót Hreinsdóttir, 20.8.2008 kl. 23:13]

Alltaf sami krafturinn á þínum bæ...

[Sigrún Jónsdóttir, 20.8.2008 kl. 23:15]

Mjög fjölhæf kona hún Hrönn.  Megum við bloggvinir kjósa í valinu á "starfsmanni mánaðarins"?

[Tína, 21.8.2008 kl. 05:56]

Var einmitt í klippingu í gær í næsta húsi við þig og var þá að hugsa hvort ég ætti ekki að sjá til þess að þú fengir í það minnsta kaffitíma, en varð því miður að drífa mig heim. Eins gott kannski því ég hefði þá jafnvel truflað þig í miðri aðgerð á Ljónshjartanu .

Farðu vel með þig yndislega kona og sjáumst vonandi fyrr en síðar.

[Heiða Þórðar, 21.8.2008 kl. 10:02]

Hrönn; þú ert brjáluð! Farðu að slaka á konurassgat! Þetta endar einsog ég sagði þér....við að prjóna

[Katrín Snæhólm Baldursdóttir, 21.8.2008 kl. 10:17]

ertu til í að senda mér e mailið þitt Hrönnsla mí[e-mail]

[Fanney Björg Karlsdóttir, 21.8.2008 kl. 10:44]

andsk. kæruleysi er þetta í þér..... viltu gjöra svo vel að spretta á fætur og munda ryksuguna..... engin húsmóðir sem vill láta taka sig alvarlega liggu í leti í sófanum yfir hábjargræðistímann.... svona upp með þig kona......

[Hrönn Sigurðardóttir, 21.8.2008 kl. 11:02]

[Kristín Katla Árnadóttir, 21.8.2008 kl. 11:51]

Þú ert nú meiri dugnaðar konan Hrönn mín. Flott síðan þín knús á þig

[Steinunn Helga Sigurðardóttir, 21.8.2008 kl. 15:33]

það er bara gott að slappa af, hef gert það í allan dag, enda gunni ekki heima til að blanda sér í það hehehe

kærleikur til þín

steina 

[Ásdís Sigurðardóttir, 21.8.2008 kl. 15:47]

Rosalega ertu með flotta síðu kona, ertu búin að panta bolina? ég ætla að fá einn.  Svo mikið hef ég séð til þín og Ljónshjarta, að það er alveg á hreinu að dýrið elskar þig út af lífinu.