Aðfangadagur

Tvöfaldur uppáhaldsdagur kom í gær. Sunnudagur og Þorláksmessa sem ég held alltaf uppá! Ég fékk góða gesti. Í fyrradag kom Ellen til mín færandi hendi með blóm og cd. Takk Ellen  Jössi Björling er aldeilis frábær!! Í gær komu svo Magga og Snæbjörn við hjá mér á leið heim úr skötuveislu.

Ég tók forskot á skötuna og fór í hana á laugardaginn. Ekki góð lykt  og ég þorði ekki að smakka einn einasta bita. Borðaði bara þess meira af rófum og rúgbrauði! Nokkurskonar R dagur hjá mér, vantaði bara rauðvín og rósakál

Var að sækja jólatréð niðri í kjallara og nú stendur það úti á tröppum og viðrar sig áður en ég slaka því inn fyrir og skreyti það. Sauð hangikjöt í gær og ætla að sjóða rauðkál í dag. Mér finnst alltaf jólin vera komin þegar rauðkálslyktin fyllir hvern krók og kima

Úti er hvít jörð og öðru hverju skellur hann á með éljum. Nú ætla ég út í kirkjugarð og tendra þar á nokkrum kertum og fara síðan í afmæli! Vonandi er Halla búin að baka nóg af sörum  

Gleðileg jól allir 

Athugasemdir

[Huld S. Ringsted, 24.12.2007 kl. 12:23]

Gleðileg jól Hrönn og hafðu það sem allra best um jólin, takk fyrir skemmtilega bloggvináttu á árinu

[Ásdís Sigurðardóttir, 24.12.2007 kl. 12:30]

Gleðileg jól elskið mitt. Hittumst vonandi fljótlega. 

[Kristín Katla Árnadóttir, 24.12.2007 kl. 14:07]

Gleðileg Jól mín kæra og hafðu það gott um jólin.

[Gunnlaugur B Ólafsson, 24.12.2007 kl. 15:30]

Gleðileg jól, Hrönn og takk fyrir endurnýjuð kynni hér í bloggheimum.  

[SigrúnSveitó, 25.12.2007 kl. 00:17]

Gleðileg jól, mín kæra

[Jenný Anna Baldursdóttir, 25.12.2007 kl. 08:58]

Er með seinni skipunum vegna barnsfæðinga og annara anna fyrir jólin.  Þorláksmessa, minn uppáhaldsdagur, var í merki Erils vinar míns, nema hvað allir voru bláedrú.