Fallegur og kaldur sunnudagur

 Það var kalt á okkur stubbaling í morgungöngunni en við létum okkur hafa það.....

Lá mestmegnis í leti í gær, nennti ekki út í vetrarveðrið. Annars hefði ég farið og skoðað glerlistmunina hjá Jónu Kristínu, vinkonu Ásdísar. Nennti ekki heldur á flugeldasýninguna enda hefði stúfurinn ekki viljað koma með mér. Sýningin sást líka ágætlega úr glugganum mínum. Hvar ég horfði á meðan stubburinn leitaði skjóls...... Mér finnst þessar flugeldasýningar snúast mestmegnis um hávaða nú til dags - sagði gamla konan  - en ekki ljósasjóv. Það drynur í fjallinu á hverri sýningu en minna fer fyrir fallegum ljósum.

Í síðustu viku hringdi í mig maður að westan vegna viðskipta sem hann átti við fyrirtækið. Hann datt svo í spjallgír. Sagði mér að hann væri á leiðinni á fjall, í göngur og spurði hvort ég mundi kæra mig um að koma með. Ég sagði honum að ég væri lofthrædd og fjöllin fyrir vestan væru há..... ég reyndi að láta mér nægja fjöllin mín hér fyrir sunnan.....

Hann kvaddi mig svo, eftir gott spjall, með þeim orðum að hann ætti hér afa og frænda og næst þegar hann kæmi að heimsækja þá mundi hann kíkja á mig og jafnvel skoða líka vélarnar okkar. Hver veit nema ég verði ráðsett bóndakona fyrir westan næsta haust

Jaaaaa það sem manni dettur í hug á sunnudögum. Eins gott að það er bara einn sunnudagur í hverri viku

 

Athugasemdir

[Rebbý, 16.9.2007 kl. 12:06]

  svona hugrenningar á sunnudögum fá mann til að óska eftir minnst 4 sunnudögum í viku.
flott að heyra að aðrir eru í daðurgírnum í gegnum símann í vinnunni

[Hrönn Sigurðardóttir, 16.9.2007 kl. 12:17]

Jamm Rebbý daður er alltaf skemmtilegt, sérstaklega þegar aðalleikendur kunna hlutverk sitt vel

[Huld S. Ringsted, 16.9.2007 kl. 13:47]

Örugglega ekki slæmt að vera bóndakona í Willta Westrinu

[Hrönn Sigurðardóttir, 16.9.2007 kl. 14:20]

Örugglega ekki Huld  Sérstaklega ef bóndinn kann að leika sér!

[Heiða Þórðar, 16.9.2007 kl. 16:59]

Við semsagt mestmegnis lágum saman í leti í gær elskan. Ekki amalegur félagskapur það. Njóttu kvöldsins og vikunnar framundan...

[Kristín Katla Árnadóttir, 16.9.2007 kl. 17:14]

Það er sosum ekki dónalegt að verða bóndakona Hrönn mín.

[Jenný Anna Baldursdóttir, 16.9.2007 kl. 17:58]

Hrönn, pælduíðí, karlinn að westan með pælingar um vinnuvélar.  Þetta er match made in heaven.

[Ásthildur Cesil Þórðardóttir, 16.9.2007 kl. 19:00]

Hvursu nálægt MOI myndirðu verða elsku Hrönn mín

[Hrönn Sigurðardóttir, 16.9.2007 kl. 19:22]

 Sjáið þið mig virkilega fyrir ykkur sem RÁÐSETTA?? Ég veit ekki Cesil mín, er afspyrnuléleg í landafræði, en hann sagðist búa ekki langt frá Patró?? Minnir mig....

Þið eruð nú meiri kjéddlingarnar, búnar að selja mig westur fyrir eitt símtal!!

Takk Heiða mín og sömuleiðis

[Steinunn Helga Sigurðardóttir, 17.9.2007 kl. 17:49]

frábært ! strax í giftingarhugleiðslum !!!

heldurðu hann vilji ættleiða ljónshjartað !

AlheimsLjós til þín

Steina

[Hrönn Sigurðardóttir, 17.9.2007 kl. 18:26]

Tjah Steina mín. Ef hann færi út í þá vafasömu aðgerð að láta mig velja á milli. Þá vel ég ljónshjartað - ekki spurning

[Fanney Björg Karlsdóttir, 17.9.2007 kl. 19:17]

Hvað er að heyra... maður bregður sér aðeins á milli landshorna...og þú bara komin á bullandi séns.......norðanmaður segiru...... jú veistu.... þeir voru þó nokkrir þarna fyrir norðan sem voru allveg þess virði að maður horfði amk tvisvar..... 

[Hugarfluga, 17.9.2007 kl. 20:01]

Þú gætir kannski bjargað einhverjum ágætum manni úr hinum hyldjúpu táradölum lífsins. Hugsaðu þér bara!?

[Hrönn Sigurðardóttir, 17.9.2007 kl. 20:23]

 Já stelpur mínar. Það má ekki líta af mér........