Verslunarmannahelgarhamingja

Þessi verslunarmannahelgi er með þeim betri sem ég hef upplifað. Fékk frábæra heimsókn í gær og fór í stórgóða heimsókn í dag.

Engar áhyggjur vegna afkvæma á útihátíð! Engin útilega hjá mér! Beit það í mig í ár að ég ætlaði ekki að vinna þessa verslunarmannahelgi. Held svei mér þá að ég hafi verið að vinna þessa helgi sl. sjö ár!!

 Í gær var bankað hjá mér, úti stóð Linda með Auði Erlu! Við fórum saman að heimsækja mömmu og pabba. Þangað komu svo Eyfi og Viktor

Börnunum var sagt að þau fengju engar vöfflur ef þau týndu ekki saman alla krossa á gólfinu. Þau voru rosa dugleg - svona til að byrja með......

Við Linda fórum síðan út á róló með börnin á meðan Eyfi málaði - alltaf duglegur Eyjólfur!!! Góður dagur - takk fyrir að sækja mig Linda mín

Við labbakútur fundum þessa ferðalanga í kvöldgöngunni okkar, þeir voru búnir að tjalda undir brúnni, er ekki viss á hvaða útihátíð þeir voru......  

Í morgun vöknuðum við labbakútur snemma, fórum út í skóg að hlaupa og skelltum okkur svo austur fyrir Þjórsá í heimsókn til Heklu litlu, sem er algjör dúlla, og "mömmu hennar og pabba" sem eru líka dúllur  Labbakútur réði sig í vist hjá Trausta bónda og fékk að leika smalann - fann sig alveg þar...... á meðan ég drakk kaffi og úðaði í mig vöfflum.....

  Þau voru þarna "rétt áðan" 

Þarna ákvað myndavélin að batterýin væru búin og ekki yrðu teknar fleiri myndir í sveitinni. Þau Fanney og Trausti rækta hreint ótrúlega fallegar rósir sem ég steinféll fyrir. Fanney nestaði mig svo upp með hamingjusöm egg úr hamingjusömu hænunum sínum áður en við skunduðum heim á leið.

Nú kraumar gúllassúpan í pottinum og Loki litli steinsefur. Hann hefur varla hreyft sig síðan við komum heim.

Takk Fanney mín fyrir góðan dag. Nú rata ég til ykkar og kem ábyggilega aftur. Var ég búin að segja þér hversu glöð ég er með að þú ákvaðst að heilsa upp á mig í Nóatúni í vor?

 

Athugasemdir

[Kristín Katla Árnadóttir, 6.8.2007 kl. 20:56]

En gaman hjá þér í dag og í gær skemmtilegar myndir sem þú tókst og er vissum að gúllassúpan er góð bið að heilsa. Loka litla.

[Hrönn Sigurðardóttir, 6.8.2007 kl. 21:07]

Gúllassúpan var hrikalega góð. Og Loki litli biður að heilsa til baka......

[Jenný Anna Baldursdóttir, 6.8.2007 kl. 22:04]

Ekki leiðinlegt hjá þér kona frekar en vanalega.  Hm... voðalega er þetta lélegt batterí í vélinni.  Örfáar myndir og abupp.

[Hugarfluga, 6.8.2007 kl. 22:21]

En góð helgi ... vantar samt alveg mynd af þér!!

[Hrönn Sigurðardóttir, 6.8.2007 kl. 22:27]

aaaaaa það er vegna þess að ég er konan á bak við tjöldin......

[Fanney Björg Karlsdóttir, 6.8.2007 kl. 23:30]

Takk sömuleiðis Hrönn mín fyrir komuna í dag... svo gaman að sjá ykkur Loka í sveitinni...  Ég er svo glöð og hamingjusöm yfir að hafa fundið þig aftur..... úff... er þetta hræðilega væmið ... skítt með það... ég meina það sem ég segi..... komdu sem oftast.........

[Guðný Anna Arnþórsdóttir, 7.8.2007 kl. 11:31]

Samgtleðst ykkur, elsku kellur. Gaman hjá ykkur!!

[Guðný Anna Arnþórsdóttir, 7.8.2007 kl. 11:32]

Þetta átti að vera samgleðst, en ekki samgtleðst..... ég veit ekki hvað er hlaupið i þessa tölvu...

[Jóna Á. Gísladóttir, 7.8.2007 kl. 13:41]

Greinilega yndisleg helgi hjá þér Hrönn mín. Þið hafið ekki bankað upp á hjá tjaldfólkinu?

[Hrönn Sigurðardóttir, 7.8.2007 kl. 18:45]

Fanney!! Allt í lagi að vera væmin - stundum.....

Takk Guðný Anna - þetta var afar skemmtilegt og þú hefðir átt að koma með!

Jóna! Nei þau voru greinilega farin að sofa - búið að draga fyrir og allt!

[Hugarfluga, 7.8.2007 kl. 20:48]

Það er nú hægt að leggjast ofan á tjöld.

[Ásthildur Cesil Þórðardóttir, 7.8.2007 kl. 21:53]

Greinilega mjög skemmtileg helgi hjá þér Hrönn mín og skemmtilegar myndir.  Verst að batteríin voru búin áður en þér tókst að taka mynd af rósunum. 

[Hrönn Sigurðardóttir, 7.8.2007 kl. 21:57]

Já Cesil - þær eru verulega fallegar!