Ég.....

 ....er lítið gefin fyrir þjóðhátíð, þannig að ég tók daginn ekki sérlega hátíðlega. Var á leið í langa göngu með litla stúf, þegar við mættum skrúðgöngunni. Við dokuðum við á meðan hún rann hjá, fyrst var hann spakur að bíða bara rólegur hjá "mömmu" sinni. Svo varð hann hræddur við trommusláttinn (kom mér verulega á óvart, því nú er hann bróðir hans Ljónshjarta ) og leitaði skjóls hjá mér, sem var nú í lagi ég var meira en tilbúin að vernda hann fyrir þessum hræðilegu hljóðfærum. Svo sá hann að það voru hundar á ferli í skrúðgöngunni og mannaðist (eða segir maður hundaðist....?) nú heldur, restaði á því að hann bauð einum Rottweiler í fighting - þá nefndi ég við hann að það væri þjóðhátíð og maður snapaði ekki fighting þennan dag. Hann lét sér segjast.....

Kom svo heim og fór að taka til og þvo þvotta- enda ekki vanþörf á - hef ekki nennt að taka til síðan ég byrjaði í sumarfríi. Nú er allt hreint og fínt, eins og í bók eftir Snjólaugu  Braga, stubbalingur steinsefur og ég gleymdi að fara í plöntuskoðunarferð út að Vatnsenda á degi villtra planta. Af hverju minntuð þið mig ekki á það?

Dízes, hvernig gat ég gleymt þessu? Þetta var það eina sem ég ætlaði að gera í dag..... Vell það er huggun harmi gegn að það vottar ekki fyrir harðsperrum eftir hlaupið í gær!

Svona er að vera húsmóðir.....

 

 

Athugasemdir

[Jenný Anna Baldursdóttir, 18.6.2007 kl. 00:29]

Ef ég man rétt þá var alltaf eldað læri eftir tiltektir hjá Snjólaugugerðir þú það?  Bið að heilsa barninu.

[Kristín Katla Árnadóttir, 18.6.2007 kl. 00:38]

Æi litla greyið, ég skil þetta svo vel.Þú ert eins og ég er líka litið gefin fyrir þjóðhátíð . But we have to live with it.

[Hrönn Sigurðardóttir, 18.6.2007 kl. 00:48]

Já já Jenný...... og svo sultaði hún niður á meðan, jafnvel þótt rabbarbarinn væri ekki reddí....

[Hrönn Sigurðardóttir, 18.6.2007 kl. 01:07]

..... og saumaði þrjá kjóla úr afgöngum og prjónaði eina peysu og þrennar hosur - allt meðan lærið var í ofninum.....

.....en samt var aðalpersónan alltaf ákaflega mikil glyðra, gat sig engan vegin hamið í návist karlmanna.....

....come to think of it - ekki ólík mér

[Steinunn Helga Sigurðardóttir, 18.6.2007 kl. 14:24]

sætur þessi hundur, ljónshjartað

ljós til þín

steina 

[Páll Ingi Kvaran, 18.6.2007 kl. 20:16]

Er þetta ekki Boarder Collie?
Ég á eins, hann er algjör kettlingur, forðast vatn eins og heitan eldinn og líkar illa við hávaða. 

[Hrönn Sigurðardóttir, 18.6.2007 kl. 22:02]

Jú, að vísu blanda af border collie, ísl. og labrador trúi ég, svona soldið golden farmer.....

Heyrir svo vel að hann heyrir grasið gróa, er verulega hneykslaður þegar honum er boðið að dýfa loppu í vatn og að flestu leyti huglaus en yndislegur er hann - bróðir minn Ljónshjarta....