Sjúkraþjálfun og önnur þjálfun

Ég varaði sjúkraþjálfarann minn við því að ef hann meiddi mig yrði ég að ráða fólk til að meiða hann.... Ekki vegna þess að ég megi ekkert aumt sjá heldur vegna þess að ég get það ekki Ég fór sumsé í sjúkraþjálfun í dag í fyrsta skipti eftir aðgerð. Hann var samt ósköp ánægður með mig og ástandið í impingmentinu við abduction..... já, já, ég hef engu gleymt  

Ég er líka voða dugleg að taka verkjatöflurnar mínar og leggja mig...... Hann var líka ánægður með það - ég er svo aftur ánægð með val mitt á sjúkraþjálfara

Á morgun á svo að taka saumana. Þá get ég hætt að hafa áhyggjur af því að flækja öxlina í öllu mögulegu. Í höfði mínu er spiluð hryllingsmynd með öllu því helsta sem ég gæti hugsanlega flækt saumana í... og þá skiptir engu máli að vitaskuld eru umbúðir yfir herlegheitunum.

Hér voru bíladagar í bland við fornbílaklúbbsviðburð einhvern um helgina - ég fór ekki, á Eyrarbakka var Jónsmessunæturbrenna í fjörunni - ég fór ekki, í Hveragerði voru svo blóm í bæ og þangað fór ég. Mjög fín blómin þeirra í bænum

Þetta voru helstu fréttir af Suðurlandsundirlendinu - þakka þeim sem hlýddu

 

Athugasemdir

[Ásthildur Cesil Þórðardóttir, 27.6.2011 kl. 22:54]

Elsku kerlingin mín hef ég misst af einhverju, hvað er þetta með öxlina á þér dastu ofan í kjallara eða hvað?? knús og kram og nokkrir sálmar frá vinum í næsta húsi... eða þannig

[Hrönn Sigurðardóttir, 28.6.2011 kl. 08:16]

Jamm - datt ofan í kjallara.... Allt knús vel þegið og sálmar úr næstu húsum líka

[Margrét Birna Auðunsdóttir, 29.6.2011 kl. 00:19]

Ég hlýddi - ég er svo hlýðin Bara leggjast fyrir og taka pillur, þú getur allavega sagt að þér hafi verið sagt að gera það Farðu vel með þig dúlla og hlýddu sjúkraþjálfaranum

[Valgerður Ósk (IP-tala skráð) 29.6.2011 kl. 23:09]

Ég lifði í lyfjavímu í október og nóvember....já og eiginlega líka í desember á seinasta ári eftir smá rúll í bílnum mínum heitnum....komst að því að það var miklu skemmtilegra að hlusta á fréttir á lyfjum en án þeirra...

[Ragnheiður , 30.6.2011 kl. 00:29]

Maður á að nota tröppurnar og lappirnar, ekki tröppurnar og öxlina frú Hrönn. Nú lagast þetta áreiðanlega eða sko þegar hryllingsmyndin verður tekin af dagskránni.

[Ásthildur Cesil Þórðardóttir, 30.6.2011 kl. 10:30]

[Jóna Kolbrún Garðarsdóttir, 1.7.2011 kl. 01:16]

[Birna Dis Vilbertsdóttir (IP-tala skráð) 6.7.2011 kl. 10:09]

Eftirmálar kjallarabyltunnar eru miklir.Og mæli með því að dömugöngulag verði notað niður tröppur eftirleiðis en ekki sjóaralandlegugöngulag

Góðan bata kæra Hrönn

[Ásthildur Cesil Þórðardóttir, 6.7.2011 kl. 10:10]

 Þar hefurðu það!!!