Ekkert 2007

Ég man þegar ég hljóp mína fyrstu 10 km. í Reykjavíkurmaraþoni. Það var árið 2007 og þegar ég kom heim um kvöldið átti ég í vandræðum með að komast upp tröppurnar hér heima vegna þess hve stirð og þreytt ég var.......

Í gær hljóp ég í 3ja sinn 10 km í Reykjavíkurmaraþoni og fór svo í brúðkaup seinni partinn. Athöfnin fór fram í Laugarneskirkju hjá þeim stórkostlega presti Bjarna Karlsyni. Pálmi Gunnarsson söng við undirleik bróður og vinkonu brúðarinnar. Athöfnin var svo falleg að formaður félags kaldlyndra kvenna - þ.e. ég - missti tár af stað niður aðra kinnina.

Veislan sem í hönd fór var einhver sú skemmtilegasta sem ég hef farið í lengi. Enda slógum við systur í gegn með þaulæfðu skemmtiatriði. Gott ef við verðum ekki beðnar að skemmta í brúðkaupum framtíðarinnar......

Ég fyllist hamingju innra með mér þegar ég hugsa til þess hve ánægð og hamingjusöm brúðhjónin voru með daginn  

...en það sem ég ætlaði að koma á framfæri var að í nótt þegar ég staulaðist upp tröppurnar heima hjá mér, 20 tímum eftir að ég fór að heiman, var ég miklu minna stirð heldur en árið sem ég hljóp fyrst.

Mæli með því að þið takið þátt í Reykjavíkurmaraþoni. Það er eins og blár Opal. Bætir - hressir - kætir!

Athugasemdir

[www.zordis.com, 23.8.2009 kl. 21:30]

Stollt af þér og hvorki efins né annað með árangur milli ára. Æingin skapar meistarann og þú ert sko æði.

Hlakka til að knúsa þig darling.

[Jenný Anna Baldursdóttir, 23.8.2009 kl. 21:34]

Gætir þú vinsamlega rúllað í gegnum skemmtiatriði ykkar systra í stuttu máli?

Þarna hefur maður misst af uppákomu ársins án þess að hafa hugmynd um það.

Ég hefði EKKI verið svona ánægð með lífið í gær hefði ég vitað af þessu.

[Hrönn Sigurðardóttir, 23.8.2009 kl. 21:39]

Zordis! Ég er hrikalega spennt - hjartaknús.

Jenný! Þú hefðir þurft að vera þar. Þetta var svona eitt af þeim kvöldum ;)

[Ásthildur Cesil Þórðardóttir, 23.8.2009 kl. 22:16]

Ætlaði einmitt að segja sama og Jenný.  Þarna hefur maður misst af einhverju sem skiptir máli

[Ragnheiður , 24.8.2009 kl. 14:16]

[Sigrún Jónsdóttir, 24.8.2009 kl. 15:06]

Þú ert dugleg Hrönn, til hamingju með hlaupið

[Garún, 24.8.2009 kl. 16:53]

Mér heyrist að við þurfum að fá að sjá videó upptöku af kvöldinu!  Réttið upp hendi sem vilja sjá videó af skemmtiatriðinu, sko þessu í miðjunni í brúðkaupinu ekki hlaupinu eða að labba upp tröppurnar.  En aðal spurningin er, hvernig varstu daginn eftir?  Eða er hann ekki komin?

[Ía Jóhannsdóttir, 24.8.2009 kl. 17:17]

[Hrönn Sigurðardóttir, 24.8.2009 kl. 18:26]

Ég var fín daginn eftir Garún og í dag líka -

[Helga Magnúsdóttir, 24.8.2009 kl. 19:45]

Dugnaðarforkur ertu.

[Einar Indriðason, 25.8.2009 kl. 09:59]

Heyrðu, já... og 09.09.09 er að nálgast!  Við HEIMTUM videó frá þeim degi!!!

(hvíti sundbolurinn er valkostur að eigin vali....)

[Fanney Björg Karlsdóttir, 26.8.2009 kl. 12:38]

spurningin sem eftir stendur og ég krefst svara við áður en ég kaupi þetta með samlíkinguna við Ópalinn... er sú..... hvaða vökvi var notaður til að væta kverkarnar nú.... og hvaða vökvi var notaður til að væta kverkarnar þá... ég meina í fyrra skiptið.... Skiluru hvert ég er að fara ???  

[Hrönn Sigurðardóttir, 26.8.2009 kl. 17:57]

Vatn - við öll tækifæri