Stefán..

...heitir maður sem ég þekki ekki svo mikið. Ég vona hins vegar að systir mín þekki hann betur því hún sefur hjá honum Þá sjaldan ég rekst á hann segir hann mér samt að ég eigi að nota kúmen í súpur.... og ég sýni honum þá virðingu að hlusta á hann því betri kokk hef ég ekki enn rekist á!

....En þá við að efninu. Ég eldaði hrikalega góða súpu í kvöld. Gunn-uppskriftin var frá Himneskri hollustu og er grænmetissúpa - en vegna þess að ég þarf alltaf aðeins að experímenta við eldavélina þá breyttist hún aaaaaðeins í meðförum mínum og heitir núna Kjúklingabauna - nautakjöts - grænmetissúpa. Vitaskuld bakaði ég brauð með. 

En Stefán!! Ekkert kúmen í þessari súpu. Ég notaði Cumin - sem er allt allt annað krydd og ekki einu sinni skylt!

Umm ég sleiki enn út um er ég hugsa um hvað hún er góð þessi súpa.....

Athugasemdir

[Birna Dis Vilbertsdóttir (IP-tala skráð) 26.3.2009 kl. 20:49]

Ég nota kúmen í súpur enda einn besti kokkur þessa lands,nota cumin líka.Kem í mat fljótlega

[Hrönn Sigurðardóttir, 26.3.2009 kl. 20:50]

[Helga Magnúsdóttir, 26.3.2009 kl. 20:56]

Maðurinn minn búr til dásamlegar rússneskar súpur. Það er æðislegt að koma heim af kvöldvakt í svona alvörusúpu. Nú er ég búin að slefa  yfir lyklaborðið.

[Vilma Kristín , 26.3.2009 kl. 20:59]

Ohhh, ég vildi að ég kynni að elda súpur.. kann að elda næstum allt annað

[Jenný Anna Baldursdóttir, 26.3.2009 kl. 21:06]

Uppskrift takk.

[Anna Einarsdóttir, 26.3.2009 kl. 22:00]

Skrambinn.  Nú er ég orðin svöng. 

[Hrönn Sigurðardóttir, 26.3.2009 kl. 22:07]

Grænmetissúpa - einföld og fljótleg

 

1 msk. ólífuolía eða kókosfita
2 laukar, skornir í þunna strimla
3 hvítlauksrif, pressuð
½ kg allskonar niðurskorið grænmeti - ég notaði: gulrætur, púrrulauk, blómkál og brokkoli

um 1 tsk. salt
1 tsk.töfrakrydd

1 tsk. season all

½ tsk. pipar

1/2 tsk. chilikrydd

1 tsk. cumin

1 tsk. pastakrydd

nokkrir dropar af extra hot pepper sauce

 
2 msk tómatpúrré
1 ds niðursoðnir tómatar
800 ml vatn
2-3 msk gerlaus grænmetiskraftur
2 dl soðnar baunir – t.d. kjúklingabaunir eða linsur

- hitið olíuna í potti og mýkið lauk og hvítlauk þar í
- bætið grænmetinu útí og kryddið
- setjið að lokum tómatmauk, niðursoðna tómata, vatn og grænmetiskraft útí og sjóðið í 20 – 25 mín. Ég átti kalt nautakjöt sem ég sneiddi niður og setti út í súpuna alveg síðast - þegar um 5 mín eru eftir af suðunni bætið þið baununum útí.
 

[Steingrímur Helgason, 26.3.2009 kl. 23:41]

Bruðl á góðu konudýri, þetta mannleyzi, segji ég & vil meina, en velmeinandi.

[Anna Einarsdóttir, 26.3.2009 kl. 23:50]

Einföld ?

Hvernig gerir þú eiginlega flókna súpu ? 

[Birna Dis Vilbertsdóttir (IP-tala skráð) 27.3.2009 kl. 10:48]

Takk ummmmmmmmmmm .þetta verður í matinn hjá mér fljótlega

[Ásthildur Cesil Þórðardóttir, 27.3.2009 kl. 11:06]

Súpur eru unaðslegar.  Þessi er fyllilega þess verð að prófa.  Slurb!!!

[www.zordis.com, 27.3.2009 kl. 19:16]

Kvikyndisnóri geturu verið að koma mér í svona stuð! Ég ætla að hrissta fram Lasaña (frosið frá Mercadona) finna til vínberjasafa og vera í letistuði fram eftir kvöldi!

Panta svona súpu þegar ég heimsæki þig, ég skal koma með Koriander krydd og Hierba buena.

Lovjú honn hehhe Hrönn honn ....

[Fanney Björg Karlsdóttir, 27.3.2009 kl. 19:41]

svei mér .... ef ég stofna ekki bara matarklúbb þar sem þú verður heiðursfélagi...... en samt þannig heiðursfélagi sem eldar..... ég skal vaska upp.....

[Hrönn Sigurðardóttir, 27.3.2009 kl. 19:59]

Takk Steingrímur - það er ekki oft sem ég er svona sammála þér

Anna! Geri ekkert flókið......

Lovjútú Zordis 

Fanney! Það yrði sko örugglega skemmtilegur klúbbur

[Marinó Már Marinósson, 28.3.2009 kl. 11:53]

Meiri þrjóskan í ykkur. Hann að hætta ekki þessu rausi og þú að prófa ekki fjandans kúmenið.    

[Hrönn Sigurðardóttir, 28.3.2009 kl. 12:38]

Ég hef smakkað kúmen - það er hrikalega vont

[Stóra systir (IP-tala skráð) 28.3.2009 kl. 17:05]

Ég fékk vægt sjokk þegar ég las innganginn, kannaðist ekki við að sofa hjá einhverjum Stefáni en mundi svo að við eigum aðra systur.

Vona að súpan hafi farið vel í þig og hlakka til að fara með þér til Spánar og kaupa rauða kjóla á útimarkaði.

[Hrönn Sigurðardóttir, 28.3.2009 kl. 18:48]

eheheheheh.... Hlakka líka til