Dagurinn í dag....

....verður dagurinn sem ég kem til með að muna eftir þegar ég verð orðin arfarugluð á hjúkrunarheimili fyrir aldraða! Þetta var ótrúlegur dagur. Einstök upplifun!

Hávaðinn, samstaðan, samkenndin! Ólýsanlegt!! Mótmælendur með grímur, mótmælendur án gríma. Mótmælendur í rauðum úlpum, mótmælendur í appelsínugulum bolum....... Ef þetta kemur ríkisstjórninni ekki í skilning um að þaum séu persona non grata í þessu húsi - þá skilja þau líklega ekki neitt!

Nú er klukkan langt gengin í ellefu og enn eru læti þarna fyrir utan. Það kæmi mér ekki á óvart að ég þyrfti að fara aftur í bæinn á morgun og klára sleifina mína - en það er hvort eð er ekki svo mikið eftir af henni.......... 

Ég ákvað að verða á undan og tók myndir af löggunni - sko áður en þeir tækju myndir af mér! 

Lifi byltingin 

Athugasemdir

[Fanney Björg Karlsdóttir, 20.1.2009 kl. 22:51]

Ég segi það ekki öðruvísi en hágrátandi...."Þarna átti maður að vera..."... en ég var það í huganum....demit.......

[Anna Einarsdóttir, 20.1.2009 kl. 22:52]

Frábært framtak hjá þér frú mín góð.    Ég ætla að mæta á laugardaginn.

Sjáumst þá !

[Hrönn Sigurðardóttir, 20.1.2009 kl. 23:00]

Gerum það Anna! Ég er yfirleitt vestan megin við styttuna af Jóni.......

Já Fanney! Þarna var þí pleis tú bí in!! Einstök upplifun! Ég er ekki að grínast með það að þetta verði það sem ég kem til með að muna í hárri elli - kem ekki til með að muna hvað ég heiti.... en mun tala út í eitt um þennan dag 2001 2009! Dagurinn sem breytti öllu! 

[Brattur, 20.1.2009 kl. 23:03]

... já, með sleifunum einum að vopni skulum við koma þessari stjórn frá...

[Helga Magnúsdóttir, 20.1.2009 kl. 23:07]

Ohh. Mikið vildi ég hafa varið deginum þarna í staðinn fyrir hjá tannsa og í vinnunni.

Sendi baráttukveðjur.

[Unnur Sólrún (IP-tala skráð) 20.1.2009 kl. 23:25]

Það er ekki sleifarlag á hlutunum hjá þér, svo mikið er víst.  Hafðu nú pottinn fullan með.  Grautarslettur þykja fremur óskemmtilegar, en mun ódýrari en skyr.  Já.  Þetta var merkisdagur og þú stendur þig vel eins og við er að búast.

Finndu þér fallega drauma í nótt.  Engar sleifar og enginn grautur.

Knús

[Jenný Anna Baldursdóttir, 20.1.2009 kl. 23:28]

Það var ofsalega gaman að hitta þig loksins töffarinn þinn.

Hvert fóruð þið í kaffi?  Dem, hvað ég hefði viljað koma með.

[Anna Benkovic Mikaelsdóttir, 21.1.2009 kl. 00:10]

Tek undir..."Ef þetta kemur ríkisstjórninni ekki í skilning um að þaum séu persona non grata í þessu húsi - þá skilja þau líklega ekki neitt!"

[www.zordis.com, 21.1.2009 kl. 00:10]

Eru Stúlkurnar á myndinni HH og KS svona líka baráttuglaðar! Væri nær að vera hjá ykkur núna.

Vona að þú sofir í nótt ég ætla allavega að gera heiðarlega tilraun og er búin að fitja drauma uppá silkiþráð. GN

[Steingrímur Helgason, 21.1.2009 kl. 00:15]

Hrönnzla, ég spurðizt fyrir í heilbrigðizgeiranum um hvort að til væri virkilega virkandi afruglari á fólk einz & þig.

'Try Star Trek' var svarið.

En ég skil þig vel ...

[Vilma Kristín , 21.1.2009 kl. 02:26]

Þarna var ég líka! VÁÁ! Ólýsanlegt! Ótrúlegt! Hefði ekki viljað missa af þessu!

[Lilja Guðrún Þorvaldsdóttir, 21.1.2009 kl. 02:52]

Og þarna var ég líka, og það var ólýsanleg upplifun, þar til óeirðalögreglan ruddist allt í einu fram og gasaði fréttaljósmyndaranna, sem voru að mynda kurteisa mótmælendur. - Þá varð mér allri lokið.  -

 Ég hefði ekki getað ímyndað mér að ég ætti eftir að upplifa svona árás á eina stétt manna.

[Gudrún Hauksdótttir, 21.1.2009 kl. 10:15]

Ég fylgdist med á netinu en fekk ekki tessa fílingu sem ég hefdi viljad finna.....Tarna hefdi ég viljad vera.

àfram vor tjód og burt med hiskid.

[Rebbý, 21.1.2009 kl. 15:54]

já maður hefur misst af miklu og þetta enn ein stundin sem fólk mun spyrja ... "hvar varst þú?"
gott hjá öllum sem fóru - ég verð með síðar

[Ragnheiður , 21.1.2009 kl. 17:14]

Frábært hjá þér skvís...

Er enn að berjast við að sjá þig ekki  fyrir mér á elliheimili skutlandi hlandkoppum í starfsfólkið og æpa : VANHÆF RÍKISSTJÓRN !!!