Ég er soddan blúnda.....

Ég vaknaði frekar snemma, enda fór ég snemma að sofa í gær - eiginlega jafnsnemma og gamla fólkið.....

....gekk með hundana upp með á. Birtan var blá - Úúúú ég er talandi skáld - Ólýsanlega fallegt að horfa á hvít fjöllin í þessum sérkennilega bláma. Öðru hverju sáldraðist yfir okkur él eins og glitrandi töfraduft. Ég gekk stóran hring, alla leið upp á golfvöll.

Tók svo skyndiákvörðun um að mæta í messu. Rétt slapp inn fyrir lokun.... ;) Það voru svo margir bílar fyrir utan kirkjuna að ég þorði ekki annað en spyrja kirkjuvörðinn hvort það væri uppselt Hann vildi meina að það væri alltaf pláss fyrir einn enn ;)

Settist á bekk og hlustaði á sönginn. Presturinn var góður. Hún talaði um aðventuna og sagði okkur frá því að hún og maðurinn hennar notuðu aðventuna til að skrifa jólakort með skrautskrift við kertaljós á meðan börnin þeirra fimm lékju sér svo stillt og prúð í skini ljóssins og reyndu að finna út hvernig þau gætu orðið betri............

.....ég flissaði og presturinn sagði: "sjor...." - og ég flissaði meira... svo skírði hún barn og ég byrjaði að skæla. Ætlaði aldrei að geta hætt, síst af öllu þegar kórinn söng svo á eftir. Næst hef ég sko með mér tissjú!!

Ég hélt ég væri töffari en svo græt ég eins og griðungur yfir skírn og kórsöng í messu  

Þetta endar með trúarofstæki

Athugasemdir

[Ragnheiður , 7.12.2008 kl. 14:13]

Haha en hvað gerðirðu við hundana á meðan þú skrappst í messuna ? Sko þú endar þarna á að skrifa um göngutúr hins talandi skálds og svo swussssssssssssss .....komin í messu.

Það er ofsalega notalegt að fara í messu.

[Hugarfluga, 7.12.2008 kl. 14:26]

Hahaha uppselt í kirkju!! Tókstu rósirnar með þér??

[Marinó Már Marinósson, 7.12.2008 kl. 14:34]

æj ég ætlaði líka að spyrja um göngufélagann  á meðan þú varst í messunni en geri ráð fyrir að þú hafir gefið þér tíma til að skipta um skó.     

Þú þarft að undirbúa þig betur næst þegar þú tekur svona skyndiákvörðun um að fara í messu.  

En mikið skemmtir þú mér með þessum pælingum þínum.    Yndislegt bara. 

[Anna Einarsdóttir, 7.12.2008 kl. 15:02]

Hún Hrönn getur talist ráðgáta
með húmor, það verð ég að játa
en rétt í þessu
hún fór í messu
og kórinn fór allur að gráta.

[Anna Einarsdóttir, 7.12.2008 kl. 15:03]

Ég geri bara ráð fyrir að þú hafir smitandi grát. 

[Jenný Anna Baldursdóttir, 7.12.2008 kl. 15:16]

[Sigrún Jónsdóttir, 7.12.2008 kl. 15:56]

aaaaaah, ég haf alltaf talið mig vita að þú værir ljúf og meir

[Birna Dis Vilbertsdóttir (IP-tala skráð) 7.12.2008 kl. 16:48]

Já hvar voru snatarnir?trúarofstækismanneskjan þín

[Ásdís Sigurðardóttir, 7.12.2008 kl. 17:56]

Ég heyrði klukkurnar hringja um hálf ellefu, þá hefur þú verið að detta í guðshús.  Vonandi er stytt upp.  Kveðja í austurbæinn

[www.zordis.com, 7.12.2008 kl. 19:27]

Það þarf víst að skola sálina eins og annað fyrir hátíðina! Knús á þig heillakjéddling!

[Anna Ragna Alexandersdóttir, 7.12.2008 kl. 19:43]

[Helga Magnúsdóttir, 7.12.2008 kl. 19:43]

Þú ert bara svona lítið viðkvæmt blóm.

[Hrönn Sigurðardóttir, 7.12.2008 kl. 20:17]

Já - ég stökk heim og skipti um skó ;) Skildi vitleysingana eftir.... og rósirnar líka ;)

Anna! Smitandi grát Ég skal viðurkenna að maðurinn sem sat við hliðina á mér leit á mig en hugsanlega var hann fremur hissa en voteygur......

[Hrönn Sigurðardóttir, 7.12.2008 kl. 20:19]

Sko mér datt ekki Guð í hug fyrr en um hálfellefu - þess vegna mætti ég örlítið of seint.....

Zordis! Já spurning um að vera bara í einrúmi á meðan- ætli ég geti fengið einkamessu?

[Fanney Björg Karlsdóttir, 7.12.2008 kl. 23:51]

einkamessu segiru..... og myndiru þá mæta með fótastrímið....???

[Bergljót Hreinsdóttir, 8.12.2008 kl. 00:35]

Oft er stuttt milli hláturs og gráturs...eða hláts og fráts eins og unglingarnir orða það...en ég skil vel þetta með flissið og tárin...bin there...

Skrapp reyndar austur í VeraHvergi áðan og fattaði svo þegar ég var byrjuð að gæða mér á smákökunum að það var jarðskjálfti þarna í gær....úffamæ...svo ég gúffaði í mig góðmetinu á mettíma...

[Bergljót Hreinsdóttir, 8.12.2008 kl. 00:36]

ohhh...á að vera hláts og gráts....

[Ásthildur Cesil Þórðardóttir, 8.12.2008 kl. 12:19]

[Solla Guðjóns, 8.12.2008 kl. 12:26]

[Guðný Anna Arnþórsdóttir, 8.12.2008 kl. 22:01]

- ógnarlega held ég að sé gaman að vera með þér í kirkju, þú ert eitthvað svo myndræn og lífræn, hugræn og tilfinningaræn ... en þannegin

[Guðný Anna Arnþórsdóttir, 8.12.2008 kl. 22:02]

.. átti náttúrulega og auðvitað og að sjálfsögðu að vera .... eða þannegin ....