Álftirnar görguðu geðvonskulega....

.....þegar ég arkaði, með Stubbaling í snjónum, upp með á. Þar sem ég skundaði meðfram árbakkanum í tunglsljósinu og lét geðvonskuna í álftunum sem vind um eyrun þjóta, fékk ég þá flugu í höfuðið að mig langar að æfa blak. Það eru bara engar blakæfingar í minni sveit. Eða tennis, langar líka að æfa tennis.........

Er að spá í að stofna tennis- og/eða blakfélag. Þá vantar mig nafn, dettur í hug..........Blak- og tennisfélag miðaldra húsmæðra í Árborg og nágrenni - eitthvað svona þjált og þægilegt  félagsliti...... rautt er alltaf góður litur, svona í stíl við andlit iðkenda...... og einhverja til að æfa með. Þurfa ekki endilega að vera bara stelpur. Strákar velkomnir - strákar eru alltaf velkomnir  Vantar líka æfingasal............

Kíkti á heimasíðu umfs. Þar er hvorki blak né tennisdeild!! Furða mig svolítið á því. Í sveitarfélagi af þessari stærðargráðu hljóta einhverjir að vera að æfa annaðhvort. Getur verið að það hafi bara gleymst að láta mig vita af því? Æ vonder.......

Stelpur og strákar, ef ykkur langar til að æfa blak eða tennis, eða ef þið eruð nú þegar að æfa og langar að fá mig í ykkar lið, böt ver afreid tú ask, hikið þá ekki við að hafa samband. 

læfisgúd

 

Athugasemdir

[Fanney Björg Karlsdóttir, 29.10.2007 kl. 09:10]

Komdu bara með mér að æfa blak á Laugalandi...... æfing þar í hverri viku

[Dísa Dóra, 29.10.2007 kl. 09:36]

Alveg væri ég til í að prófa að æfa blak - svona ef það vantar eina sem kann lítið í þessu með í hópinn

[Ásthildur Cesil Þórðardóttir, 29.10.2007 kl. 10:38]

Greinilegt að þú hefur góðan tíma fyrir þér núna Hrönn mín.  Þetta er rétti andinn, duglegt ertu eins og venjulega. 

[Jenný Anna Baldursdóttir, 29.10.2007 kl. 12:52]

Þú ert krúttsprengja

[Halldór Egill Guðnason, 29.10.2007 kl. 14:04]

"Álftirnar görguðu" . Biddu....Varstu ekki bara byrjuð að raula bí bí og "blaka" og gleymdir þár smá stund? Það er altso ekki verið að meina blak, Hrönn. Hvað ætlarðu svo líka að gera við alla hlaupaskóna, ha?

[Kristín Katla Árnadóttir, 29.10.2007 kl. 17:02]

Þú ert yndisleg Hrönn mín þú ert svo dugleg. Takk fyrir mig elskan

[Huld S. Ringsted, 29.10.2007 kl. 19:21]

Dugnaðarkona!!! þú ert gjörsamlega að farast úr orku sem þig vantar að losna við

[Marta B Helgadóttir, 30.10.2007 kl. 00:34]

Þú ert uppfull af orku síðan þú hættir í hinni vinnunni. það er að gera þér gott að vera laus þaðan - heppin varstu stelpa

[Hugarfluga, 30.10.2007 kl. 08:12]

Orkan, kona!! Mundu bara , að ber er hver í blaki nema sér tennispils eigi!