Í fréttum er þetta helst......

Það er búið að vera HRIKALEGA mikið að gera hjá mér. Ég er alveg búin að sjá það út að það fer mér vel að vera atvinnulaus, engar áhyggjur af bunkum sem bíða mín eftir "frí"....... Fór út að skokka í gær í fyrsta sinn í langan tíma - alltof langan tíma. Fannst ég hafa endalaust úthald og hljóp og hljóp - enda að drepast úr harðsperrum í dag. Stubbaling fannst samt voða gaman, enda fjórhjóladrifinn!! Skil ekkert í mér að vera ekki lööööngu búin að láta reka mig

Minn nýji atvinnurekandi hringdi í mig í dag og vildi fara að kýla á ýmis mál. Ég sagði honum að þessi lífsstíll hentaði mér bara svo vel............ Vakna snemma, fara út að hlaupa eða í leikfimi, koma svo heim og lesa blöðin á meðan ég fæ mér morgunmat í rólegheitum. Geyspa svo yfir síðustu blaðsíðunum á heimshörmungunum og leggja mig aðeins aftur...... Mér fannst hann ekki sýna mér aaaaalveg nógu mikinn skilning. Dreif samt í ýmsum málum í dag - keypti mér bæði nýjan sundbol og hlaupaskó................

Ljónshjartað er afar hamingjusamur að hafa mig svona heima - alltaf - allan daginn. Hann fær aldrei nóg af mér................

Fór í sextugsafmæli til Lólar frænku í dag, át á mig gat af kökum og kruðeríi. Ætli ég verði ekki að hlaupa extra langan hring í myrkrinu í fyrramálið til að jafna þetta út? Vona bara að myrkrið endist............

lov&pís

Athugasemdir

[Ásdís Sigurðardóttir, 9.10.2007 kl. 22:15]

Þú verður þá bara að fara fyrr út að hlaupa sem myrkrið endist.  Góð lýsing á deginum hjá þér, nýji finnuveitandinn verður bara að byrja á því að setja þig í frí á launum.   

[Hrönn Sigurðardóttir, 9.10.2007 kl. 22:18]

Góð hugmynd!!

[Fanney Björg Karlsdóttir, 9.10.2007 kl. 23:27]

bíddu við var ég að missa af einhverju....... ertu búin að fá vinnu ???..... Og ég sem hélt að við ætluðum að slæpast með prjónana þegar og ef ég næ heilsu

knús á þig stelpa....

[Kristín Katla Árnadóttir, 10.10.2007 kl. 08:27]

Mér finnst þú alltaf svo dugleg að hlaupa ,gangi þér vel í nýju vinnunni knús

[Dísa Dóra, 10.10.2007 kl. 08:56]

Þú ert ekkert smá dugleg að fara út að hlaupa.  Verður svo bara að vera atvinnulaus reglulega

[Ásthildur Cesil Þórðardóttir, 10.10.2007 kl. 09:15]

Hrönn !! ég frussaði kaffinu út um allt, fjórhjóladrifinn, hehehehe góð.

En ég óska þér alls góðs í nýju vinnunni.  Þú verður örugglega betur metinn og gott að komast í burtu frá svona vinnuveitanda, ég er ennþá að hugsa um hve litlir karlar sumt fólk af báðum kynjum getur verið. 

[Erla Björg (IP-tala skráð) 10.10.2007 kl. 10:46]

Ohhhh.... ertu komin með vinnu?? Ég sem var að vonast til að þú myndir slæpast með okkur systrum í Árósum í atvinnuleysinu!!

Til hamingju með nýju vinnuna elskan... við systur bíðum bara þolinmæðar eftir að móðan okkar komi í heimsókn.

Ég er aaaaaalveg að fara að taka þig til fyrirmyndar og fara út að hlaupa ... aaaalveg rétt bráðum ...

knús

erla sín.

[Katrín Snæhólm Baldursdóttir, 10.10.2007 kl. 11:38]

HA hahaha..mér finnst að það ætti bara einhver að ráða þig til að bloggga svona heilsublogg..Hláturinn lengir lífið og léttir lundina og er þar með Heilsuhvetjandi. Þú mátt svo hlaupa í myrkrinu eins og þú vilt..ég læt mér nægja heilsuskokk á þessari litríku og hláturhvetjandi bloggsíðu þinni.

[Jenný Anna Baldursdóttir, 10.10.2007 kl. 12:39]

Að hlaupa eftir ofát á ullabjökkum hefur fengið nýtt nafn.  Sukkjöfnun.  Þú sukkjafnar bara í hlaupinu með stubbaling.  Auðvitað fékkstu ekki að vera í lausagöngu lengi Hrönnsla mín, þú ert svo flottur starfsmaður.

[Rebbý, 10.10.2007 kl. 18:14]

til lukku með nýja starfið  og duglegust að hlaupa
75dagar til jóla, hverjum datt í hug að fara að telja niður á netinu ... fer að finna fyrir jólaundirbúningspressu

[Hugarfluga, 10.10.2007 kl. 19:19]

Dáist að fítonskraftinum og jákvæðninni í þér. Þú ert BARA flott, Hrönn! 

[Hrönn Sigurðardóttir, 10.10.2007 kl. 19:36]

Takk stelpur mínar, þið eruð ágætar

.....og Erla! Ég kem, lofa því, það styttist með hverjum deginum..... Knúsaðu alla frá mér

[Guðný Anna Arnþórsdóttir, 11.10.2007 kl. 22:18]

Mikið er langt síðan ég hef kíkt á þig, hef bara ekki haft tíma til að blogga, og þó er ég ekki atvinnulaus. Hvar ertu búin að fá vinnu? Þetta tók ekki langan tíma. ´

Allra bestu kveðjur og góða nótt.

[Marta B Helgadóttir, 12.10.2007 kl. 01:31]

Þú stendur þig vel.