Var að lesa.....

.....hljóðfæri hugans. Elska svona greinar þar sem ég get drukkið í mig íslenskuna! Þar stendur m.a. ...."so. krefjast stýrir eignarfalli og kvenkynsorð sem enda á -ing fá eignarfallsendingu -ar......:" Hvílík vizka. Ég þurfti að vísu að lesa þetta tvisvar áður en ég náði inntakinu en það var bara betra  Takk Njörður fyrir að halda úti þessum pistli. Las líka ljóð um daginn sem greip mig svolítið og hljóðar svo:

Meðan Gunnar á Hlíðarenda

stökk hæð sína

í hugum okkar

sem lékum með trésverð

í snjónum

voru önnur börn

minnt á tækni nútímans

með dauða sínum.

Annars bara góður dagur framundan. Enn ein helgin  með allar sínar dásemdir og ég ætla að vera trú mínu mottói og gera sem minnst á sem lengstum tíma.

Nú þori ég ekki annað en að lesa yfir hjá mér svo ekki slæðist nú inn villur hjá íslenzkunördinum

smjúts

Athugasemdir

[Katrín Snæhólm Baldursdóttir, 13.5.2007 kl. 08:48]

Þetta mottó að gera sem minnst á sem lengstum tíma er alveg prýðilegt mottó..og ljóðið er sterkt.

Hugsa um það meðan ég læt renna í baðið og passa mig aðs stíga ekki fæti fram úr rúmi fyrr en baðið er til.

[Hrönn Sigurðardóttir, 13.5.2007 kl. 18:21]

Nei Bergþóra þetta hefði nú mátt fara betur.

Kannski helst til frjór jamm en reddar því með hinu öllu

[Ásthildur Cesil Þórðardóttir, 13.5.2007 kl. 22:22]

Já ég ætla að tileinka mér þetta líka heheh....

[Hrönn Sigurðardóttir, 14.5.2007 kl. 07:22]

Já Cesil þetta er góður taktur - allavega um helgar..... Verst hvað það er erfitt að rífa sig upp úr honum....

[Jenný Anna Baldursdóttir, 14.5.2007 kl. 22:34]

Hvaða Framsóknartal er þetta?  Fyskamm.  Fruuuuussssss!

[Hrönn Sigurðardóttir, 14.5.2007 kl. 22:36]

framsókn? Þú veist að Guðni er góður granni

tíhí