Viðburðarríkur dagur

Alltaf gaman að sýna útlendingi landið! Þessum sem ég er búin að vera með í dag finnst svo frábært að hér eru engir skógar til að spilla útsýninu. Get nú ekki leynt því að ég er sammála honum. Mér finnast þessir sandar, öll þessi auðn svo dásamleg.

Byrjaði daginn á því að sýna honum Þingvelli, fór svo með honum í reiðtúr - jamm, aðeins að bæta á harðsperrurnar sem eru að verða beztu vinkonur mínar þessa dagana..... er bæ þe vei að drepast í óæðri endanum, veit ekki hvort ég kem til með að geta sest á morgun og hinn......  

Tókum svo strikið upp í Landssveit og gengum upp að og aðeins áleiðis á Heklu - hún urraði aðeins á okkur og ég spurði hann hvort hann hefði skilið hana, það kom úr kafinu að Hekla talar dönsku! Vissuð þið það? Ég meina hvað er hún búin að búa hér lengi?

Langt síðan ég hef gert svona margt á einum degi. Ætla núna að fara að halla mér með minn auma afturenda í eftirdragi

Athugasemdir

[Ólafur fannberg, 7.5.2007 kl. 08:25]

hahaha....

[Katrín Snæhólm Baldursdóttir, 7.5.2007 kl. 08:51]

Ísland er svo frábært. Ég tekst alveg á flug þegar ég segi fólki hér frá landinu okkar..þá er ég að tala um landslagið ekki pólítíkina sko. Yndislega fallegr myndirnar með þessum pistli Hrönnsla mín. Takk takk og takk fyrir innlitin hjá mér og hlýleg orð alla tíð!!!

[Guðríður Haraldsdóttir, 7.5.2007 kl. 09:02]

Ég tek undir með ykkur útlendingnum, þetta útsýni sem við höfum er frábært ... engir skógar sem hindra það!!!

[Hrönn Sigurðardóttir, 7.5.2007 kl. 10:39]

Já Gurrí - ég er nú ennþá svo uppnumin eftir Heklu ferðina.... Þetta var eins og að vera á tunglinu. Engir fuglar, engir menn, ekki neitt nema ég og náttúran og svo danskurinn auðvitað  

[SigrúnSveitó, 7.5.2007 kl. 15:21]

Hljómar sem þið hafið átt góða ferð.  Ég er einmitt að fá danska vinkonu í heimsókn á fimmtudaginn (þessi sem ég er að skrifa lokaritgerðina með) og við ætlum að taka þennan klassíska hring; Þingvellir, Gullfoss, Geysir...  Hlakka til að sýna henni landið okkar, sem er - að mínu mati - fallegasta land í heimi.

Mér finnst samt Danmörk falleg líka, sérstaklega á vorin þegar skógurinn er ljósgrænn.  En það er allt öðruvísi fegurð. 

[Hrönn Sigurðardóttir, 7.5.2007 kl. 15:35]

Já þetta var alveg frábær ferð

[Ásthildur Cesil Þórðardóttir, 7.5.2007 kl. 20:12]

Vá hvað þetta eru flottar myndir Hrönn mín.

[Hrönn Sigurðardóttir, 7.5.2007 kl. 21:03]

já Cesil mín, það eru fleiri staðir fallegir en Ísafjörður.....  En verð ég nú að játa það að ég tók ekki þessar myndir, gúgglaði þær bara því ég á "bara" svona filmumyndavél - annars tók danskurinn myndir sem hann ætlar svo að senda mér - þannig að kannski skelli ég þeim inn síðar - þ.e. ef ég myndast vel

[SigrúnSveitó, 7.5.2007 kl. 22:35]

[SigrúnSveitó, 7.5.2007 kl. 22:35]

elskulegur stjúpfaðir minn segir alltaf; "myndavélin lýgur ekki", en ég neita að trúa honum...amk. stundum!!!  Og hana nú!!!

[Ásthildur Cesil Þórðardóttir, 8.5.2007 kl. 10:16]

Já ég veit Hrönn mín.  Ahem ég veit.

[Jenný Anna Baldursdóttir, 9.5.2007 kl. 14:54]

Flottar myndir.  Það er aumingjalegt af Helku að leggja sig ekki aðeins fram í íslenskunni.  Búin að búa hér mjög lengi.  Aulafjall.