Í neyð....

Ég var að koma úr vatnaþreki! Var vitaskuld í útiklefanum eins og sönnum Íslending sæmir.

Þar sem ég stóð undir sturtunni sá ég hvar búið var að koma fyrir stórum rauðum neyðarhnapp á veggnum. Nánast á því augnabliki fór mig að klæja í fingurnar að slá á hnappinn.... Ég meina hann er stór rauður og beinlínis hrópar á vink!

Hvenær er maður í neyð í útiklefanum? Þegar sjampóið gleymist heima? Þegar strákar koma inn í klefann? Eða lesbíur? Þegar kuldinn er svo mikill að maður frýs við gólfið, sem þó á að heita upphitað,  þegar maður vippar sér undan sturtunni? 

Ég gekk fram hjá hnappinum í þetta sinn án þess að slá í hann, lét duga að horfa, en hugsanlega slæ ég í hann næst.... Ég get þá lagt þessar spurningar fyrir þann sem kemur æðandi og ætlar að bjarga mér með munn við munn aðferðinni sem bæ þe vei ég er með afar strangar reglur um. Það fær ekki hver sem er að blása í mig lífi. Ég er alltaf með A3 blað samanbrotið eins og harmonikku um hálsinn þar sem þeir sem fá ekki að blása eru taldir upp

Blaðið er geymt í vatnsheldum staut sem á stendur: Í neyð - brjótið glerið

Athugasemdir

[Birna Dis Vilbertsdóttir (IP-tala skráð) 22.2.2010 kl. 21:43]

Endilega lemdu á hnappinn ef lesbía kemur í klefann 

Sé fyrirsögnina fyrir mér í DV.

Kona á Selfossi ................ hehehehehehe.Þú reddaðir annars leiðinlegum flensudegi

[Hrönn Sigurðardóttir, 22.2.2010 kl. 22:01]

hahahha ég geri það Birna Dís. Nú lít ég allar konur sem koma í klefann mjög tortryggnum augum...

[Brattur, 22.2.2010 kl. 22:11]

En hvernig vissir þú að þetta væri neyðarhnappur... kannski er þetta bara hnappur til að hleypa vatninu úr lauginni... eða til að panta kaffi og samloku... eða biðja um óskalag... eða fyrir þingmenn kjördæmisins að greiða atkvæði á Alþingi... hmm...

[Hrönn Sigurðardóttir, 22.2.2010 kl. 22:21]

hihihihih ég gæti notað það sem afsökun þegar reskjú tímið kemur. - Það stendur nefnilega: NEYÐARHNAPPUR á honum ;)

[Rannveig Guðmundsdóttir, 22.2.2010 kl. 22:58]

Þú hittir naglann á höfuðið, Hrönn.  Ég held líka að þetta hafi með lesbíur að gera. Ekki spurning. Hvaða önnur neyð gæti komið upp í almenningssturtu? 

[Jóna Kolbrún Garðarsdóttir, 22.2.2010 kl. 23:04]

[Ásthildur Cesil Þórðardóttir, 23.2.2010 kl. 09:29]

Hahaha Hrönn alltfa sjálfri þér lík.

[Inga frænka (IP-tala skráð) 23.2.2010 kl. 16:12]

HAHAHA

Minnir mig á dreng, sem er skyldur þér í báðar ættir, sem þegar hann var 6 ára setti brunakerfið í gang í grunnskólanum. Hann, sem var nýfarinn að lesa, las á glerið á brunaboðanum að þar stóð "brjótið glerið"!

Auðvitað var drengurinn skammaður og tekinn upp á skrifstofu til deildarstjóra og talað við hann en um kvöldið sagði hann sárasaklaus. "En mamma, það stóð BRJÓTIÐ GLERIÐ!"

[Hrönn Sigurðardóttir, 23.2.2010 kl. 19:01]

hahahha Inga það hlaut að vera afsprengi í lagi einhversstaðar í fjölskyldunni ;)

[Vilma Kristín (IP-tala skráð) 23.2.2010 kl. 19:34]

Oh! Útisturta! Mig langar svo í svoleiðis... alveg svona uppáhalds. Ætli maður megi ekki setja upp útisturtu útí garði, svona við göngustíginn? Sérstaklega ef maður setur neyðarhnapp...

[Bergljót Hreinsdóttir, 23.2.2010 kl. 21:02]

 Ég brjálast...ha ha ha...

[Hrönn Sigurðardóttir, 23.2.2010 kl. 21:18]

Jú Vilma! Ég reikna fastlega með því.... ;)