Mér var boðið í bíltúr í dag....

...og þáði það vitaskuld. Það er ekki á hverjum degi sem mér er boðið í bíltúr, þótt þeim fari að vísu fjölgandi.

Við ókum sem leið lá í austurátt. Ég skoðaði gamla bæinn að Keldum sem var búið í frá því um aldamótin 1200 til ársins 1946. Þar voru mér sýnd göng sem voru útbúin sem flóttaleið á sínum tíma... Já... fólk hefur ekki alltaf sofið rótt..... Ég fékk líka að kíkja inn í kirkjuna að Keldum og fékk sem áhugamanneskja um altaristöflur fyrirlestur um altaristöfluna þar. Virkilega fróðlegt og falleg tafla.

Stefnan var síðan sett á Hamragarðaheiði og var ætlunin að skoða námuna sem grjótið í Landeyjahöfn er tekið úr. Á miðri leið blossaði upp svartur reykur í fararskjótanum, eðalskoda..... þannig að við snérum við. En eins og ég sagði ferðafélaganum; Þegar ég segi þessa sögu á elliheimilinu þá skíðlogaði bílfjandinn og þú rétt ræður hvort þín saga verður ekki samhljóða. Ég meina það er assgoti hart ef maður þarf að vera að samræma sögur á elliheimili þar sem enginn man nokkurn skapaðan hlut hvort eð er.....

Við fórum síðan í Landeyjarfjöru - ég eeeeelska þennan svarta sand..... þennan úfna sjó... en ég veit ekki hvort ég þori nokkurn tíma þarna yfir.... Af hverju er ekki bara byggð brú? Só vott þótt skip þurfi að taka á sig "smá"krók?

Til vara legg ég til að Landgræðslan verð lögð niður

Athugasemdir

[Anna Einarsdóttir, 20.11.2009 kl. 23:35]

Hahahaha    Til vara leggur þú til að Landgræðslan verði lögð niður.

Hugmyndum þínum eru engin takmörk sett. 

[Jóna Kolbrún Garðarsdóttir, 21.11.2009 kl. 00:45]

[Birna Dis Vilbertsdóttir (IP-tala skráð) 21.11.2009 kl. 10:40]

[Ásthildur Cesil Þórðardóttir, 21.11.2009 kl. 13:36]

Alveg óþolandi að þurfa að standa í að samræma sögurnar á elliheimilinu Hrönn mín.

[Ragnheiður , 21.11.2009 kl. 20:53]

ég hef heilmikinn áhuga á kirkjum og hafði ætlað mér í áföngum að skoða þær flestar nánar en svo sá ég Sveppa, Audda og Gillz í gær. Teknar myndir af þeim á sprellanum við ýmsar kirkjur...

förinni er a.m.k frestað

[Hrönn Sigurðardóttir, 22.11.2009 kl. 09:10]

Blessuð vertu ekki að láta þá vitleysinga eyðileggja fyrir þér áhugamálið!

[Garún, 22.11.2009 kl. 12:01]

Nákvæmlega!  Ég hef yfirleitt betur í sögufrásögnum og hef þróað með mér tækni þegar samsögumaður ætlar að leiðrétta mig!  Þá segi ég yfirleitt "þú varst í sjokki".  Það yfirleitt þaggar niðrí þeim.   "það skíðlogaði í faraskjótanum og í sömu mund gaus hver rétt við húddið".  Where there is smoke there is fire!  

[www.zordis.com, 22.11.2009 kl. 19:23]

Auðvitað skelltir þú þér í bíltúrinn .... Svo hef ég heyrt af fólki sem hljóp nakið eftir sandinum akkúrat þennan sama dag .....

Ertu áhugamanneskja um brimbretta töflur lika? Gætum sörfað saman næsta sumar.

[Hrönn Sigurðardóttir, 22.11.2009 kl. 20:20]

hahhahaha Zordís! Það hefur ábyggilega verið áður en ég kom.....

Garún! pant vera á sama elliheimili og þú!

[Ía Jóhannsdóttir, 22.11.2009 kl. 21:21]

Já merkilegt!  Mér er svo sama þó ég sjái ekki sjó í marga mánuði jafnvel ár en alltaf þegar ég fer austur fell ég í stafi, hvað sem það nú þýðir að falla í stafi.  Ég elska þennan biksvarta sand!

[Halldór Egill Guðnason, 27.11.2009 kl. 02:25]

"...og þáði það vitaskuld. Það er ekki á hverjum degi sem mér er boðið í bíltúr, þótt þeim fari að vísu fjölgandi."

Dögunum eða bíltúrunum? Skiptir í sjálfu sér ekki máli, en mikið lifandis ósköp og skelfing er alltaf gaman að lesa færslurnar þínar. Sagt það áður og segi það enn...ef maður vill eiga góðan dag, með bros á vör og hæfilega beygðan vinkil á daginn, tilveruna, ástandið og allt hitt......lestu Hrönnsluna

[Unnur Sólrún (IP-tala skráð) 27.11.2009 kl. 10:54]

Elsku Zordís. Ég kann ekki skýringu á fjarvist minni hér, en eitt er víst að það er gott að koma aftur ,,heim". Þú kitlar hláturtaugarnar að venju og svo rennur textinn niður eins og ljúfasti aðalréttur.

[Hrönn Sigurðardóttir, 27.11.2009 kl. 16:12]

Gott að ég næ að beygla daginn þinn Halldór - alltaf gaman að fá þig í heimsókn  ;)

Sólrún mín. Mikið lifandis ósköp er ég búin að sakna þín.