Keypt fyrir koss.

Sumir sauma í kyrrþey aðrir laumast á fundi.....

Ég lét Bjarna Harðar plata mig á fund hjá Heimssýn á Sunnudaginn. Hugsaði með mér að þetta yrði allt í lagi. Þarna yrði ekki nokkur maður og ég þyrfti engum að segja frá því að ég hefði farið..... Bjarni er bara svo mikið krútt að það er ekki á nokkurs manns færi að segja nei við hann. Svo fæ ég líka alltaf koss hjá honum og kossar liggja nú ekki á lausu hér á Árborgarsvæðinu á þessum síðustu og verstu skal ég segja ykkur - þegar biskupinn skiptir sér af öllu

Okkur seinkaði aðeins - því ég var að syngja og söng aðeins of lengi.... eða þannig ;) Ég var varla búin að fá mér sæti á fundarstað og draga upp prjónana þegar ljósmyndari mbl mætti á svæðið og skömmu síðar maður frá RÚV. Ég setti upp minn þaulæfða fjölmiðlasvip og virka afar gáfuleg á myndunum sem birtust - þótt ég segi sjálf frá.... Það sem ég var hins vegar að hugsa var: "Kræst hvað ég er svöng!" Og: "Úbbs! Nú verður Magga reið....." en það sést alls ekki

Ég er eiginlega alveg að komast á þá skoðun að Íslendingar eigi ekki að sækja um aðild að esb, við getum hvort eð er aldrei fullnægt öllum þeim skilyrðum sem þeir setja fyrir inngöngu. Við eigum líka að gefa ags langan putta - eins og við segjum svo fáguð hér í sveitinni

....en ég hlakka svo til þegar ég verð gömul og ljót og ljósmyndarar hætta að elta mig á röndum  

Athugasemdir

[Ragnheiður , 18.11.2009 kl. 22:44]

hvar eru svo þessar myndir kona?

[Ásthildur Cesil Þórðardóttir, 18.11.2009 kl. 22:53]

Hrönn Sigurðardóttir mömmusinnadúlludúsks og hrekkjusvínamóðir.... þú ert eiginlega óborganleg svona undir svefnin, þegar maður hefur tekið svefnpilluna sína og er á leið í bólið, þarf ekki að hafa áhyggjur af andvöku og með bros alla leið inn í hjarta, svona samt sem áður, eftir svona innlegg.

[systir (IP-tala skráð) 18.11.2009 kl. 23:11]

Þú felur ekkert fyrir mér lilla mín, the eye in the sky...en þið Bjarni tókuð ykkur vel út í mynd.

[Anna Einarsdóttir, 19.11.2009 kl. 00:06]

Var kossinn góður ?

[Sirrý (IP-tala skráð) 19.11.2009 kl. 09:14]

Þú tókst þig vel út með prjónana :-) Þeir klæða þig ekkert síður en hundarnir verð ég að segja. Það sækir að manni efi með Evrópusambandið, en krónan er ónýt. Lifðu í lukku.

[Ía Jóhannsdóttir, 19.11.2009 kl. 10:13]

Gastu ekki sett myndina hér inn með færslunni nú verður maður að fletta öllum blöðum vikunnar til þess að líta þetta atvik augum.  Annars veit ég ekki hvort ég hef tíma í sollis, svo mikið að gera hér í höfuðborginni.  Eigðu góðan dag.

[Birna Dis Vilbertsdóttir (IP-tala skráð) 19.11.2009 kl. 11:23]

Bjarni er krútt.Söngur, prjónar og koss allt sama kvöldið,ekki lélegt það.Þú hefur verið svo falleg,smart og fersk,nýsungin með prjónana.Ekki amalegt að eiga frægan bloggvin

[www.zordis.com, 19.11.2009 kl. 12:14]

Bara yndisleg konan með prjónana ... Mæli með að þú setjir myndina inn fyrir okkur íu. Kann ekkert að fletta og sit við skrifftir eins og enginn sé morgundagurinn.

Knús á þig sætan mín og kossar standa alltaf fyrir sínu.

[Hrönn Sigurðardóttir, 19.11.2009 kl. 13:51]

Ég fann ekki myndina.... og heyri það á öllu að þið hafið ekki fylgst með fréttum rúv á sunnudagskvöldið

Takk Cesil! Það er ekki ónýtt að fá þig í svefn með gleði í hjarta

Kossinn var allt í lagi.....

Ég skal gera aðra tilraun til að finna myndina þó ég sé grjóthneyksluð á ykkur að hafa ekki séð mig að fyrra bragði..... ;)

[Hrönn Sigurðardóttir, 19.11.2009 kl. 15:39]

Nei sko! Þarna var ein sem sá mig ;) Já það sækir óneitanlega að manni efi - og málið er að þótt krónan sé ónýt þá verður evran ekki tekin upp fyrr en Íslands uppfyllir allar kröfur esb - það getum við hreinlega ekki. Þökk sé skuldsetningu vegna m.a. Icesave!

[Guðný Anna Arnþórsdóttir, 19.11.2009 kl. 21:36]

Þú varst svo sæt og ég þekkti þig eins og lifandi skot. Svo sæt, að ég fyrirgef þér að vera á bandi svona arfa-v... ssssss félagsskapar.... ?

Ég fyrirgef Bjarna Harðar líka... útá húmorinn og pennasnilldina.

[Hrönn Sigurðardóttir, 19.11.2009 kl. 22:11]

Komdu bara yfir til okkar ;) Þá getum við verið hin heilaga þrenning

[(IP-tala skráð) 20.11.2009 kl. 00:23]

Sá þig með prjónanna þar sem ég var á fundinum líka, þó ekki bara til að fá knús og  koss frá Bjarna, það var bara algjör bónus . Er mjög ánægð með að þú sért að snúast til okkar, velkomin alveg hjartanlega.

[Hrönn Sigurðardóttir, 20.11.2009 kl. 07:27]

Gaman að þessu Sigurlaug Takk fyrir innlitið.

[Bergljót Hreinsdóttir, 28.11.2009 kl. 23:09]

Þú ert alveg milljón!!! Alltaf gaman að lesa bloggið þitt Hrönn mín.