Það er kreppa....

...þannig að mér datt í hug að allur væri varinn góður. Ég er að æfa fyrir Reykjavíkurmaraþon - vildi bara láta ykkur vita í tima svo þið getið farið að safna fyrir áheitum!!

Í húsinu fyrir aftan mig hefur Hvítasunnusöfnuðurinn opnað kaffihús! Svo sem ekkert nema gott um það að segja og þessa góðviðrisdaga sem verið hafa undanfarið eru borð og stólar settir út á stétt og ég fíla mig soldið svona 801.... eða þannig

Ég vildi að kaffihúsið yrði látið heita kaffi Amen en það var ekkert hlustað á það frekar en annað gáfulegt sem út úr mér dettur. Áðan hringdi svo síminn hjá mér og í símanum var maður sem spurði mig hvort þetta væri á kaffihúsinu. Ég blessaði hann í bak og fyrir og þverþrætti fyrir að reka kaffihús. "Nú" sagði maðurinn, "er þetta ekki Austurvegur bla bla? Jú, jú flissaði ég og sagðist alveg geta hellt uppá kaffi ef hann langaði svona rosalega í það!

Hann hafði engan húmor fyrir því

Athugasemdir

[Helga Magnúsdóttir, 16.7.2009 kl. 18:08]

Sumir hafa bara hreint engan húmor. Eða við hverju býstu af manni sem hringir í kaffihús Hvítasunnusafnaðarins?

[Vilma Kristín , 16.7.2009 kl. 18:52]

Ég er viss um að maðurinn er með nagandi eftirsjá eftir að hafa ekki þegið þetta frábæra boð!

[Sigrún Jónsdóttir, 16.7.2009 kl. 20:01]

Kaffi Amen í 801 ....miklu betra en Kaffi París í 101

[Margrét Birna Auðunsdóttir, 16.7.2009 kl. 20:37]

Eru þeir búnir að koma sér upp kaffihúsi? Þarna sat maður stilltur og prúður í sparifötunum marga sunnudagsmorgna og gaf ekki frá sér hljóð, fór svo heim með fallegar myndir af lömbum og ljónum í leik. Þangað til að við komumst að því að það væri miklu meira gaman í sunnudagaskólanum í kirkjunni, þar var sko hlaupið út um allt í leikjum og rosa stuð. Það var helmingi lengra að labba þangað en það var ekki nokkur spurning um hvað maður átti að velja

[Hrönn Sigurðardóttir, 16.7.2009 kl. 21:07]

Segðu Helga.....

Ég er ekki jafnviss Vilma ;)

Já Sigrún - svo miklu miklu betra :Þ

Birna! Ég var þarna líka... svo fékk maður epli á jólunum og ég á þessar jésúmyndir enn :Þ

[Jenný Anna Baldursdóttir, 17.7.2009 kl. 00:19]

Æi þú drepur mig kona.

En heyrðu, værir þú til í að kíkja í skilaboðin þín.  Til hvers heldurðu eiginlega að þessi fídus sé í stjórnborðinu þínu?

[Jóna Kolbrún Garðarsdóttir, 17.7.2009 kl. 01:12]

[Hrönn Sigurðardóttir, 17.7.2009 kl. 08:10]

já.... ég var að því ;)

[Birna Dis Vilbertsdóttir (IP-tala skráð) 17.7.2009 kl. 11:30]

Kaffi Amen 801 snilldar nafn.Hann hefur kanski verið giftur kallinn

[www.zordis.com, 17.7.2009 kl. 17:27]

Snillingur mæ darling!

Kaffi Amen er snilldarnafn og í 801 bara flott!!!

[Steingrímur Helgason, 17.7.2009 kl. 22:11]

Ef hægt væri að fá 'ekta' kaffi kúmen í kaffi amen þá væri ég drekka þar-men.

[Anna Ragna Alexandersdóttir, 18.7.2009 kl. 11:18]

[Kristín Katla Árnadóttir, 18.7.2009 kl. 12:16]

Hrönn hehe kaffi amen frábært.

[Anna Ragna Alexandersdóttir, 30.7.2009 kl. 12:40]

átt þú góðan dag