Fallegur dagur.

Ég vaknaði snemma - það gerist oft þegar maður sofnar snemma. Ekki heldur sjónvarpið fyrir mér vöku svo mikið er víst! Fór í góðan göngutúr með Ljónshjartað. Sólin sindraði á snjónum og áin rann hljóðlega í átt til sjávar, skreytt glitrandi klakahröngli.

Í dag er liðið ár frá því að pabbi dó og við ætlum að hittast systkynin heima hjá mömmu. Hún ætlar að elda súpu og ég er að undirbúa brauðið.

Ég er svo þakklát fyrir allar góðu minningarnar sem ég á um pabba minn. Það er ekki öllum gefið. Það er svo undarlegt að eftir því sem tíminn líður þeim mun sterkari verða minningarnar og þær poppa upp við ólíklegustu aðstæður.

Hann er ljóslifandi í huga mínum.

 

Athugasemdir

[Sigrún Jónsdóttir, 29.3.2009 kl. 10:18]

Eigið ljúfan dag Hrönn mín

[www.zordis.com, 29.3.2009 kl. 10:21]

Pabbi þinn lifir í minningunni, hann var góður maður!

Það er yndislegt að þið ætlið að hittast saman. Knús á þig elskan mín og njótið samverunnar!

[Anna Einarsdóttir, 29.3.2009 kl. 10:49]

Minningarnar getur enginn tekið frá manni.

Þær eru með því dýrmætasta sem við eigum. 

[Fanney Björg Karlsdóttir, 29.3.2009 kl. 11:08]

Njóttu dagsins með fjölskyldunni Hrönnslan mín.... það er dýrmætt að eiga góðar minningar....

[Jenný Anna Baldursdóttir, 29.3.2009 kl. 11:08]

Fallegt Hrönnsla mín.

[Einar Indriðason, 29.3.2009 kl. 15:33]

*Knús*

[Stína (IP-tala skráð) 29.3.2009 kl. 16:22]

Byrjunin á blogginu er bara eins og góð bók, endirinn  á blogginu er hugljúfur og ég sendi þér STÓRT KNÚS elsku Hrönn mín minningin lifir.

Kveðja Stína

[Ásthildur Cesil Þórðardóttir, 29.3.2009 kl. 22:21]

Knús Hrönn mín og til hamingju með pabba þinn elskuleg mín.

[Marta B Helgadóttir, 30.3.2009 kl. 08:47]

...psst ég var að senda þér tölvupóst útav Leshrignum en fékk hann endursendan. Ertu komin m nýtt netfang?

[Hrönn Sigurðardóttir, 30.3.2009 kl. 09:10]

Jamm - ég skal senda þér póst svo þú hafir það :)

[Birna Dis Vilbertsdóttir (IP-tala skráð) 30.3.2009 kl. 10:25]

[Ragnheiður , 30.3.2009 kl. 18:10]

Ég sé ána, silfurglitrandi.

Ég elska hinsvegar hann Lois þarna enda hef ég oft birt hann mín megin.

Þú ert hinsvegar langflottust alla leiðina

[Helga Magnúsdóttir, 30.3.2009 kl. 22:51]

Það er gott að eiga góðar minningar um foreldra sína og aðra þá sem farnir eru.

[Birna Dis Vilbertsdóttir (IP-tala skráð) 31.3.2009 kl. 17:50]

Til þín frá mér.Ég stend fyrir aftan einsöngvarann.Með sítt hár og gleraugu http://www.youtube.com/watch?v=JGhDyMrkBYQ&feature=player_embedded

[Heiða Þórðar, 31.3.2009 kl. 22:37]

[Kristín Katla Árnadóttir, 31.3.2009 kl. 23:20]

 Til þín elsku Hrönn mín.

[Auður Proppé, 31.3.2009 kl. 23:25]

Yndislegt að eiga svona góðar minningar um pabba sinn.

[Guðrún Emilía Guðnadóttir, 1.4.2009 kl. 12:17]

Ég stalst líka inn takk fyrir lagið.

[Hrönn Sigurðardóttir, 1.4.2009 kl. 13:38]

Enginn að stelast hér Milla mín. Allt opið - ég er eins og hver annar framsóknarmaður....

Takk fyrir mig öll sömul