Sigg á sálina?

Það er viðurstyggilega kalt úti og ég er notalega þreytt eftir daginn sem byrjaði á vatnsfimi hjá Brjáluðu Betu ;)

Ég gekk með hundana upp með á eftir hádegi og tárin sem féllu - vegna kulda - að sjálfsögðu, ég græt ekki, nema af frekju....... þau frusu jafnóðum og þau féllu. Ekki var það nú til að hlýja mér......

Hundarnir voru hinsvegar algjörlega í essinu sínu og létu eins og þau tækju ekki eftir því að það voru -9 gráður á mælinum og rok að auki. Þau hlupu á eftir Krumma fram og til baka.......... ég hefði hugsanlega átt að gera það líka. Kannski mér hefði þá ekki orðið svona kalt........?

Ég var að spá og spekúlera þar sem ég gekk, gólandi á hundana í dag, í eina spurningu sem ég fékk í vísindarannsókninni um daginn - og já, ég var líka spurð um kynferðislega áreitni - aftur :Þ en þessi spurning hljóðaði svona: Ef þú gætir á dularfullan hátt fjarlægt allar sársaukafullar upplifanir í lífi þínu. Mundir þú þá gera það?

Mér finnst þetta svolítið vera spurning um að koma sér upp siggi á sálina...... Hverju hefðir þú svarað?

 

Athugasemdir

[Helga Magnúsdóttir, 5.2.2009 kl. 20:38]

Ég held að ég myndi segja nei. Ef hluti af lífsreynslu manns er tekinn burt er maður ekki lengur maður sjálfur. Kannski væri maður mikla betra eintak. Þetta er vandasöm spurning.

[Vilma Kristín , 5.2.2009 kl. 20:40]

Fjarlægja allar sársaukafullar upplifanir? Hvað stæði þá eftir? Er það ekki að hluta til það sem mótar mann?

[Sigrún Jónsdóttir, 5.2.2009 kl. 20:40]

Þegar upp er staðið og eftir á að hyggja.......nei.  Hvernig gæti maður skilgreint góða upplifun ef ekki væri slæm upplifun í farteskinu.

[www.zordis.com, 5.2.2009 kl. 21:46]

Á meðan á þessari stundu stendur þá myndi ég bakka út úr henni en eins og kvenndin hér að ofan segja að þá myndi kona eflaust kaupa sér siggtætara og syngja tryllt eftir fótanudd og raspa svo af ....

Sálin er í slípun og öll reynsla gerir okkur að þeim frábæru einstaklingum sem við erum.

Ég myndi halda litlum tárakertum í frysti og setja þau á flösku þvííííí þegar þú ferð í maraþonið þá er ekkert eins gott eins og að drekka köld tár!

lövjú girl!

[Anna Einarsdóttir, 5.2.2009 kl. 21:57]

Í dag segi ég hiklaust nei, vildi ekki fjarlægja það sem ég hef upplifað.  En frá og með deginum í dag segi ég já... vil vera hamingjusöm til æviloka af því mér finnst ég alveg nógu þroskuð.    Kommon... maður þarf nú ekki að vera ofþroskaður.

Ef ég gæti á einhvern dularfullan hátt fjarlægt allar sársaukafullar upplifanir hjá öðrum,  þá segi ég já, það myndi ég gjarnan vilja. 

[Einar Indriðason, 5.2.2009 kl. 21:58]

Ef ég gæti ráðið og tekið burtu sársaukafullar minningar?  Tja... það eru nokkrar sársaukafullar minningar sem ég gæti hugsað mér að fjarlægja.  En, þá er maður ekki lengur akkúrat sá sem maður er.

Ég held því að þó það hljómi freistandi... þá held ég segi nei, samt sem áður.

[Steingrímur Helgason, 5.2.2009 kl. 23:10]

"There are things that you dont need to learn..."

En að ylja sér um tærnar á hundum er gott...

[Auður Proppé, 5.2.2009 kl. 23:19]

Mitt svar væri alveg örugglega JÁ, sumar sársaukafullar minningar geta skemmt manneskju fyrir lífstíð

[Jenný Anna Baldursdóttir, 5.2.2009 kl. 23:53]

Ég hefði sagt já, að þær væru nokkrar sem ég hefði getað verið án, alveg örugglega sko.

Sumar fengju að hanga inni.

Sigg á sál?  Ekki hjá mér, er með lungamjúka og hreina sál eins og Ésú.  Hehemm.

[Birna Dis Vilbertsdóttir (IP-tala skráð) 6.2.2009 kl. 01:34]

Siggi á sálinni  ég mislas þetta eitthvað .Já ég get alveg verið án nokkurra áfalla sem komu  ókeypis.En er það ekki einmitt lífsreynslan sem gerir okkur að þeim manneskjum sem við erum í dag?Rosalega er ég djúp svona um miðja andvökunótt

[Anna Ragna Alexandersdóttir, 6.2.2009 kl. 11:26]

Já sálin er flókið fyrirbæri og á ekki einfalt svar við þessu svo ég strends ekki prófið.

[Dísa Dóra, 6.2.2009 kl. 15:31]

Nei veistu að ég held að ég vildi barasta ekkert vera án erfiðu reynslunnar/reynslnanna þrátt fyrir allt.  Segi nú oft til dæmis um mitt ofbeldissamband að í dag er ég þakklát fyrir þá reynslu því hún styrkti mig og gerði mig að þeirri sem ég er.  Vissulega hefði hún svosem mátt endast í færri ár samt

[Marinó Már Marinósson, 6.2.2009 kl. 16:27]

Það hvernig við eyðum deginum er í raun smækkun á hvernig við eyðum ævinni.    

[Solla Guðjóns, 6.2.2009 kl. 16:45]

Ég segi hiklaust nei.Þanþolið er að vísu mismikið hjá mannfólkinu en sólin heldur alltaf áfram að skína og loks tekur maðir eftir henni.

Hins vegar væri ég að ljúga ef ég segði að mig langaði ekki að tugta einn og eina til........

[Inga frænka (IP-tala skráð) 6.2.2009 kl. 19:27]

Bara að kvitta fyrir innlitið - svona til að minnka frænkueineltið sem ég á í vændum ef ég geri það ekki...

:-)

[Rebbý, 7.2.2009 kl. 05:14]

ég myndi ekki vilja þurrka þær út ... eins og hinir hafa sagt þá mótar erfiðu stundirnar jafnt og þær góðu okkur sem einstaklinga
ég er æðisleg og því vil ég ekki breyta  þú ert æði líka ... ekki breytast

[Kristín Katla Árnadóttir, 7.2.2009 kl. 11:51]

Góða helgi.

[Unnur Sólrún (IP-tala skráð) 7.2.2009 kl. 16:05]

Fyrst það er spurning um allar eða enga, ja þá er ég ekki viss.  Margar sársaukafullar upplifanir snerta vissulega svo marga aðra en mig og víst mættu þær fjúka fjandans til.

En...  Hér er ég og eins og alltaf snýst þetta um sorg og gleði, kulda og hita, hlátur og grát.  Það var yndislegt veður í dag, gaman að anda að sér Elliðaárdalnum eins og hann lagði sig og fylla hjartað af þessari óumræðilegu vetrarfegurð.  Það er líka gaman að renna sér á rassinum í góðri brekku, spá og spekúlera.

Knús á þig elsku Hrönn.

[Bergljót Hreinsdóttir, 8.2.2009 kl. 03:48]

Sem betur fer á ég ekki margar sársaukafullar minningar. Ég myndi hins vegar klárlega svara þessu neitandi þar sem ég hef þá trú að ef maður hefur ekki upplifað sorgina þá getur maður ekki vitað hvað gleði er. Og ef maður lifir heilt líf án þess að finna til sársauka þá kann maður ekki að meta lífið sitt,

Hamingjan felst í því að þekkja báðar hliðarnar...ljósið og skuggann...ekki satt????

[Anna Ragna Alexandersdóttir, 8.2.2009 kl. 21:02]