Björn Bjarnason

Ég baka svo gott brauð að ég íhuga að opna skyndibitastað í samkeppni við Sub-way! Minn staður kemur til með að heita No-way ;)

Sjálfstæðisflokkurinn á Selfossi eða Suðurlandi eða Guðmávitahvað - eins og mér sé ekki sama - á fundasal í húsinu við hliðina á mér! Ég bý við ca. 50 bíla bílastæði en alltaf skal einhver þeirra nappa mínu bílastæði! Ég hef margfarið þarna upp í þennan sal þeirra og rekið viðkomandi út með harðri hendi að færa bílinn sinn - en sjálfstæðismenn á Suðurlandi eru líklega annað af tvennu, latir eða heimskir - nema hvorutveggja sé - því þeir halda alltaf áfram að stela stæðinu mínu.

Þeir eru búnir að kafsigla þjóðarskútunni, svo ég persónugeri vandann sneggvast, en geta ekki látið þar við sitja og stela bílastæðinu mínu líka!! Réttast væri að ég færi út og skrapaði "EINKABÍLASTÆÐI" í lakkið á bílnum sem er í stæðinu mínu. Það ætti að kenna þeim.........

Og í þessu samhengi þá finnst mér akkúrat engu máli skipta að ég eigi engan bíl

Athugasemdir

[Anna Einarsdóttir, 8.1.2009 kl. 21:16]

Hahaha  

Ergir þig upp úr skónum og ég meðvirk... en átt svo engan bíl. 

[Hrönn Sigurðardóttir, 8.1.2009 kl. 21:20]

[Hrönn Sigurðardóttir, 8.1.2009 kl. 21:21]

Varstu orðin pirruð líka?

[Helga Magnúsdóttir, 8.1.2009 kl. 21:28]

Það gætu nú alltaf komið gestir til þín sem þyrftu að nota bílastæðið þitt. Láttu það bara eftir þér að rispa eins og einn bíl, þetta eru hvort eð er allt einhverjar glæsikerrur í kaskó.

[Anna Einarsdóttir, 8.1.2009 kl. 21:55]

Pirruð Hrönn...... ég var næstum því byrjuð að reykja aftur. 

[Hrönn Sigurðardóttir, 8.1.2009 kl. 21:59]

híhíhí Anna!

Helga! Ég veit....... það eina sem heldur aftur af mér er að ég held að ég verði sú eina sem komi til greina sem aðalsökudólgur! 

[Þröstur Unnar, 8.1.2009 kl. 22:21]

Djö..líst mér vel á það að opna heimabakaríisbúð.

Er ekki laus kofi þarna í grenndinni.

kv

Bakarinn.

[Hrönn Sigurðardóttir, 8.1.2009 kl. 22:24]

Hef þetta bara í kjallaranum hjá mér! Svo ert þú ekki bakari - þú ert barbari ;)

[Rebbý, 8.1.2009 kl. 22:26]

ohh ég var alveg að verða sjóðandi íll og svo áttu ekki bíl
hehehe  alltaf jafn góð

[Brattur, 8.1.2009 kl. 22:29]

... en nú fer Sjálfsstæðismönnum hratt fækkandi... svo bráðum verður bara 1 bíll eftir á þessu Sjálfs-stæði... en líklega leggur hann samt í stæðið þitt...

[Hrönn Sigurðardóttir, 8.1.2009 kl. 22:33]

hah! Það væri eftir þeim! Bara einn sjalli eftir og hann verður að stela mínu stæði! Nú er ég öskuill yfir því!!

Rebbý!

[Vilma Kristín , 8.1.2009 kl. 23:00]

Hey, þetta er þitt bílastæði.. hvort sem þú átt bíl eða ekki! Það er aukaatriði. Mæli með að þú setir upp skilti sem sem segir: "Sá sem leggur hér er í frjálslynda flokknum" (eða Framsókn.. eða samfylkingunni) - eða þú gætir líka sett á skiltið: "Sá sem leggur hér er aumingi sem sigldi þjóðarskútunni í strand". Þeir munu hætta að leggja þarna...

[Ásthildur Cesil Þórðardóttir, 8.1.2009 kl. 23:05]

Lýst vel á svona heimabökuð brauð.  Ætli sjallarnir kunni nokkuð að lesa ??? Þeir þurfa þess ekki, það er bara að fylgja foringanum og grilla á kvöldin. 

[Þröstur Unnar, 8.1.2009 kl. 23:10]

Er sko víst bakari addna, lærði hjá nágranna þínum

[Þröstur Unnar, 8.1.2009 kl. 23:11]

Að vísu er hann framsóknarmaður.

[Fanney Björg Karlsdóttir, 8.1.2009 kl. 23:23]

Ég ætla ALDREI að leggja bílnum mínum þarna aftur.... og eiga þar með á hættu að vera bendluð við sjálfstæðisflokkinn..... nei fyrr skal ég dauð liggja......Ég labba til þín næst.....

[Einar Indriðason, 9.1.2009 kl. 00:15]

Sko, það er prinsippið sem skal standa!  ÞÚ átt þetta stæði, og það er ÁSTÆÐULAUST að (HFF) einhverjir... (HFF) sjálfstæðismenn... (HFF) þurfi að STELA STÆÐINU ÞÍNU, til *VIÐBÓTAR* við (HFF) allt annað (HFF) sem þeir hafa (HFF) stolið (HFF) upp á (HFF) síðkastið!

Búðu til miða, sem þú getur sett undir (HFF) rúðuna hjá þessum ... (HFF) (HFF) (HFF) ... þúst.

Miðinn má segja:  "Þökk sé ykkur (HFF) þá hefur hundurinn minn ekki fengið neitt að borða í viku. Hann er svangur.  Hann fær að vísu (HFF) niðurgang af ykkur (HFF) sjóræningjum, en þið eruð þó (HFF) betra en að láta grey voffa svelta.  Svo, ef ykkur (HFF) er annt um ykkar aumu (HFF) lífstóru... þá skulið þið passa að þetta (HFF) gerist ekki aftur, að þið leggið í MITT (HFF) stæði!  ÉG Á ÞETTA (HFF) (HFF) STÆÐI!   BUGGGGGER OFFF þið (HFF)!"

Hvernig er þetta?

[Sigrún Jónsdóttir, 9.1.2009 kl. 00:45]

Ég myndi kopy/peista erindið frá Einari en fullskrifa það sem hann skammstafar

[Solla Guðjóns, 9.1.2009 kl. 08:54]

No way.....líst vel á það....

Ég veit ekkert hvaða bílastæði þú átt....legg bara við húsið þitt ef ég vil og þá í góðum erindagjörðum.......enda ekki sjálfstæðismaður.

Sé þig vonandi á eftir

[Huld S. Ringsted, 9.1.2009 kl. 09:08]

[Steingerður Steinarsdóttir, 9.1.2009 kl. 09:38]

Algjörlega sammála. Það er fullkomið aukaatriði hvort þú átt bíl til að fylla stæðið eður ei.

[Linda litla, 9.1.2009 kl. 11:21]

Skil þig..... alltaf er einhver í mínu stæði og ég verð alltaf jafn pirruð, samt á ég ekki bíl og enn síður bílpróf ha ha ha

Gleðilegt ár !!

[Hrönn Sigurðardóttir, 9.1.2009 kl. 13:42]

Soldið fyndið Þröstur! Því í mínum huga ertu alltaf bakari. Skildi aldrei af hverju - fyrr en nú ;)

Nákvæmlega Einar! Það er þetta með prinsippið!

[Gulli litli, 9.1.2009 kl. 14:42]

Þetta heitir þjóðnýting, við verðum jú öll að standa saman og ekki vera að leita að sökudólgum!(mér finnst eins og ég hafi heyrt þetta áður). Þjóðnýtum bílastæðið hennar Hrannar! Einn No-way með öllu handa mér.

[Marinó Már Marinósson, 9.1.2009 kl. 15:26]

Gerðu bara tilkall í öll helvítis 50 stæðin.  Verður ekki heimsending á No-way eða bara One-way?  T

[Hrönn Sigurðardóttir, 9.1.2009 kl. 19:16]

Jú Marinó! Þú sækir eins marga No way og þú vilt og ferð með þá heim.....

[Heiða B. Heiðars, 9.1.2009 kl. 20:34]

Byggðu bara smá kofa á bílastæðinu ÞÍNU og opnaðu brauðbúð þar

[www.zordis.com, 9.1.2009 kl. 21:29]

Mér datt í hug að búa til kartöflugarð og brugga svo bara brennivín sem þú moonar sjálf og selur grimmt með girnilegu brauðinu þínu!

Kærleiksbollur og kartöflusnafsar ... Gætir girt af stæðið með amerísku white fence thing!!!

Svo er siðferðileg viska stæðisþjófanna í takt við annað!

[Svala Erlendsdóttir, 9.1.2009 kl. 21:50]

(HFF) hélt að það væri hnerri.... Fattaði nokkrum línum seinna

Blessuð! settu bara barnavagn eða línuskauta eða skíði í bílastæðið

og einn No-Way á línuna takk

[Einar Indriðason, 10.1.2009 kl. 10:53]

Eða.. málaðu svona blátt stæði með mynd af hjólastól á... þúst.. "stæði fyrir fatlaða" ... nema ... þú bætir við texta:  "Stæði fyrir siðblinda."

?