Fallegur, góður, beztur

"Ísland sé frjálst, meðan sól gyllir haf" syngur Pálmi Gunnars svo stoltur og ég fæ gæsahúð yfir fegurð orðanna..............

Svo hlusta ég á fréttir og mér rennur kalt vatn á milli skinns og hörunds yfir því að hugsanlega missi Ísland sjálfstæði sitt - rétt á meðan ég næ mér í mína átta tíma bjútíblund............. 

Mér líður svolítið eins og í millilandaflugi þegar það að halda flugvélinni á lofti ríður á því að ég sofni ekki!

Viljiði virkilega að ég hætti að sofa? Bara svo þið vitið það, þá hefur það svipuð áhrif og ef ég hætti að borða. Þið hafið val! Úthvíld kona versus útvakin kona, sem þýðir svona ykkur að segja, fremur hvatskeytileg útgáfa af þessari fremur ljúfu konu sem þið teljið mig vera..............

Annars átti ég þrusugóðan dag! Mikið að gera í vinnu, sem er gott. Eitthvað það leiðinlegasta sem ég geri í vinnu er að hanga og bíða eftir að klukkan verði...........

....fór svo með mömmu upp í Miðdalskirkjugarð. í Laugardal, að kveikja á ljósinu á leiðinu hans afa. Sem svona ykkur að segja var alltaf minn uppáhaldsafi..... Hann var afinn sem alltaf nennti að lesa fyrir mig uppáhaldssöguna mína sem var um geiturnar þrjár - og hann lét aldrei bera á því að hann væri eitthvað þreyttur á sögunnni - hvað þá  að hann væri meðvitaður um hvernig hún endaði......... Hann var afinn sem nennti endalaust að halda á mér og knúsa mig.... Hann var afinn sem allar litlar stúlkur verðskulda...... 

Ég get ennþá, ef ég loka augunum fundið lyktina af píputóbakinu hans afa og heyrt hann lesa fyrir mig  Geiturnar þrjár

Hann var og er minn uppáhalds.............

Athugasemdir

[Ásdís Sigurðardóttir, 12.12.2008 kl. 21:07]

Hann afi minn fór með þulur fyrir mig, mér fundust það miklu skemmtilegri bænir en bænirnar hennar mömmu.

[Dísa Dóra, 12.12.2008 kl. 22:45]

ohhhhh yndislegir svona afar.  Minn afi tók í nefið og átti svona neftóbakshorn - finn enn lyktina þegar ég hugsa til hans

[Jenný Anna Baldursdóttir, 12.12.2008 kl. 23:04]

Fallegt um afa þinn.  Ég átti líka svona afa.

En af hverju heldur þú að við séum þeirrar trúar að þú sért ljúf?

Alveg er ég viss um að það hefur ekki nokkrum manni dottið í hug.

Og komdu þér svo UNDIR rúm.

[Kristín Katla Árnadóttir, 12.12.2008 kl. 23:44]

Ég átti líka svona afa gleðileg jól elsku Hrönn mín.

[Steingrímur Helgason, 12.12.2008 kl. 23:47]

Ég átti afa sem gat sagt svona sögur sofandi, með litla (mig), nafna í kúrinu.

Þúrtbjútý þegar, svefninn má stytta niður í 6 tíma, á meðan skal vörðinn standa.

[www.zordis.com, 13.12.2008 kl. 00:10]

KNús á þig sæta vinkona. Afi minn smíðaði flugvélar, sigldi um á skútum og sómabátum og veiddi sporð í soð fyrir ömmu sætu!

Þú ert birtan sem lýsir upp bloggtilveruna mína :-)

[Sigrún Jónsdóttir, 13.12.2008 kl. 00:38]

Mikið var þetta ljúf lesning um hann afa þinn  Ég átti svona ömmu...en ég þurfti að lesa fyrir hana, þar sem hún var blind

[Anna Ragna Alexandersdóttir, 13.12.2008 kl. 13:58]

Eftir gengin ævispor, koma upp minningar. Lykt og  þegar við heyrum lög spiluð það ótrúlegt hvað hugurinn fangar.

Ljós og kærleikur til þín

[Birna Dis Vilbertsdóttir (IP-tala skráð) 13.12.2008 kl. 22:16]

Yndisleg frásögn af fallegum afa.Ég átti 1 afa.Hann var ekki svona .Þú ert  rík

[Vilma Kristín , 13.12.2008 kl. 23:21]

Já, svefn og matur er mikilvægur... skortua á öðru hvoru eða báðum getur breytt hinum ljúfustu lömbum í öskrandi ljón...

[Heiða Þórðar, 13.12.2008 kl. 23:28]

Yndisleg

[Anna Einarsdóttir, 14.12.2008 kl. 17:52]

Afi minn gaf mér sko í nefið þegar ég var 6 ára. 

[Anna Ragna Alexandersdóttir, 14.12.2008 kl. 23:30]

Flott hjá kalli