Fótastrímfetish!

Ég fór á nytjamarkaðinn í dag. Hitti þar Svandísi og fótastrímtækið mitt eins og Brattur kallar það ;) Keypti líka glás af gleri. Á alltaf svo erftt með að standast hluti sem glitra Fékk m.a. tólf staup fyrir skid og ingenting - einhver verður að drekka fyrir ABC börnin - ekki viljum við að þau fari að hella í sig.... Ég fórnaði mér algjörlega og af fúsum og frjálsum......! Mæli með þessum nytjamarkaði í Nóatúni - geysilegt úrval fyrir lítinn pening og ekki spillir fyrir að styrkja gott málefni í leiðinni.

Sat svo og horfði á Útsvar - með heimskulegt glott á andlitinu - og ég skal alveg trúa ykkur fyrir því, svona utan dagskrár, að það er alls ekki sá svipur sem fer mér bezt. Mér leið bara svo vel með tærnar á kafi í fótastríminu Ég get svo svarið það - ég er alveg ný kona. Svona fótastrímkona....

Fór líka í Sjafnarblóm, blómabúðina mína á horninu, og keypti mér rósir sem fylgja mér á milli herbergja, eins og hundur í bandi. Rósir hafa ótrúlega upplífgandi áhrif á mig, þær virka á mig eins og ódýrt geðlyf....... 

Lífið er nefnilega, þegar allt kemur til alls, gott! Þrátt fyrir lygar og pretti ráðamanna - ég er mest fegin að ég er ekki innmúruð í þann félagsskap. Ég er ansi smeyk um að ekki einu sinni fallegar rósir gætu þá fært mér hugarró.

 

 

 

Athugasemdir

[Tína, 6.12.2008 kl. 00:05]

Alveg er ég klár á að rósirnar og tala nú ekki um fótanuddtækið fari þér vel.

Aftur knús á þig elsku hjartans vinkona.

[Hrönn Sigurðardóttir, 6.12.2008 kl. 00:07]

[Steingrímur Helgason, 6.12.2008 kl. 00:16]

Þú er nú alveg ein róz sjálf..

Nú ber að verzla síld, til að brúka ákavítizstaupin !

[Guðný Anna Arnþórsdóttir, 6.12.2008 kl. 00:23]

Nautnaseggurinn þinn. Sé þig alveg í anda. Og finn rósa-ilminn. Í guðsfriði!

[Birna Dis Vilbertsdóttir (IP-tala skráð) 6.12.2008 kl. 00:36]

Fótastrím og rósir,ekki að spyrja að dekrinu þarna fyrir austan fjall.Í ofanálag við sundleikfimi og fjall og skógargöngur.Lúxus er þetta á krepputímum

[Vilma Kristín , 6.12.2008 kl. 00:43]

Sé líka fyrir mér að láta rósablöð fljóta um í fótanuddtækinu! Það yrðu svo nuddaðar tásur með rósailm sem kæmu uppúr... geggjað...

[Solla Guðjóns, 6.12.2008 kl. 01:07]

Hahah  akkúrat það sem mig vantaði núna,,,, eins geðvond og ég var fyrr í kvöld,,,, að lesa hressilegt  blogg frá þér..koddu með fótastrímtækið í heimsókn.......bara af því það verður svo gaman...það er til eitt slíkt hér á bæ.

[Jóna Á. Gísladóttir, 6.12.2008 kl. 01:13]

fótastrím.... baaaaaara snilld

Sat svo og horfði á Útsvar - með heimskulegt glott á andlitinu - og ég skal alveg trúa ykkur fyrir því, svona utan dagskrár, að það er alls ekki sá svipur sem fer mér bezt. 

Þú drepur mig kona...

takk fyrir frekar mikið yndislega kveðju mín megin.

[Ásdís Sigurðardóttir, 6.12.2008 kl. 05:19]

Greinilega ein sem kann að njóta lífsins, sé þig í anda með glott og fætur í bleyti.  Njóttu helgarinnar mín kæra

[Sigrún Jónsdóttir, 6.12.2008 kl. 08:25]

Til lukku með fótastrímtækið  Mun hugsa til þín yfir næstu útsendingu Útsvars

[Jenný Anna Baldursdóttir, 6.12.2008 kl. 09:09]

Elska yður.

[Unnur Sólrún (IP-tala skráð) 6.12.2008 kl. 09:48]

Hrönn - elska þig einnig.  Þú skrifar yndislega pistla.  Takk fyrir þetta og ég vona að þú finnir eitthvað skemmtilegt á mörkuðum laugardagsins.

Ástarkveðjur

[www.zordis.com, 6.12.2008 kl. 10:07]

Ást of friður!

Ég ætla að kenna ljónshjartanu að taka myndir og öplóda svo við hin getum séð svip nautnarseggsinsþ Lovjú girl!

[Fanney Björg Karlsdóttir, 6.12.2008 kl. 12:55]

Nú hefði ég viljað vera dauð fluga á vegg hjá þér kæra vina..... sé þig alveg fyrir mér með fæturna á kafi í tryllitækinu brosandi eins og hross í afmæli...... Nú verð ég barasta að redda mér göngugipsi og arka af stað til þín....

[Hugarfluga, 6.12.2008 kl. 13:32]

Í mínu tilviki ert það ÞÚ sem hefur uppbyggjandi áhrif á mig og gefur mér hugarró!  Sé þig alveg í anda að þvælast um allt heimilið með rósirnar. Hahaha

[Steinunn Helga Sigurðardóttir, 6.12.2008 kl. 18:32]

Kærleiksknús frá Lejre til þín sem situr sennilega í streemmmtækinu

s

[Bergljót Hreinsdóttir, 6.12.2008 kl. 19:43]

Ha ha ha! Krúttið þtt!

Það þarf ekki mikið til að gleðja þig....þú ert frábær..með og án fótastrímtækis...

[Anna Ragna Alexandersdóttir, 6.12.2008 kl. 21:59]

[Huld S. Ringsted, 6.12.2008 kl. 22:53]

Mig langar í svona fótastrímtæki ................................kannski ég bæti því á jólagjafalistann

[Ásthildur Cesil Þórðardóttir, 7.12.2008 kl. 10:59]

Fótastrímkonan hehehe það sem þér dettur ekki í hug kona mín.  Og ég sé rósirnar fyrir mér, eltandi þig milli herbergja   Mikið er ég sammála þér með ráðamennina, þar duga engar rósir og jafnvel ekki vín.  Takk fyrir enn eina frábæru færsluna