Snædrottningin!

Ég held að stundum sé ég beintengd við útvarpið! Hefur þetta komið fyrir ykkur eða finnst ykkur að ég ætti að leita mér aðstoðar?

Ég gekk með hundana í myrkrinu með rokið í fangið út að ferju áðan og kuldinn - maður lifandi!! hann var rétt búinn að frysta í mér hjartað....... Það er sko það sem heitir að ganga um með kalið hjarta Þegar ég svo snéri við á ferjupunktinum leit allt svo miklu betur út! Ég sá ljósastaurana hinum megin við ána speglast í ánni....... ég leit upp í himininn og sá stjörnurnar tindra svo glaðlega - ég horfði á fjósakonurnar og mér varð hugsað til mömmu Ekki af því að hún sé fjósakona, heldur vegna þess að hún kenndi mér að þekkja þær! OG ég sá stjörnuhrap! Ég hef aldrei áður séð stjörnuhrap - ég tókst nætum á loft af fögnuði og vitaskuld óskaði ég mér Ég fékk það sterklega á tilfinninguna þarna í myrkrinu og kuldanum að þessi dagur verði góður!

Þegar ég svo kom inn og kveikti á útvarpinu - söng Bubbi fyrir mig lagið sitt: Þessi fallegi dagur.... og aftur leið mér svo vel......

Það er nefnilega þannig að þegar ég beintengist við útvarpið þá rætist dagurinn! Alveg satt! Er það ekki þannig hjá ykkur?

Nú á ég bara eftir að sjá uglu og kannski reyna að ná einhverjum yl í hjartað..........

Athugasemdir

[www.zordis.com, 28.11.2008 kl. 08:05]

Ósvikinn dásamlegur dagur í uppsiglingu! Njóttu hans og ilurinn er vonandi komin til zín. Kanski ad Hlín eda Ljónshjartad geti nuddad sér uppvid zig dúlla.

[alva (IP-tala skráð) 28.11.2008 kl. 08:29]

stjörnuhrap er alveg æðislegt. 

[Fanney Björg Karlsdóttir, 28.11.2008 kl. 10:25]

Ég finn það á mér.... að þetta verður góður dagur hjá þér heillin.....

[Birna Dis Vilbertsdóttir (IP-tala skráð) 28.11.2008 kl. 11:40]

Yndislegt .Stjörnuhrap og góð tónlist

[Solla Guðjóns, 28.11.2008 kl. 12:07]

Falllegur morgun hjá þér og fyrirheit um góðan og skemmtilegan dag

[Kristín Katla Árnadóttir, 28.11.2008 kl. 12:15]

Eigðu góða helgi.

[Dísa Dóra, 28.11.2008 kl. 13:54]

Það er svo sannarlega fallegur dagur

[www.zordis.com, 28.11.2008 kl. 14:44]

Ég vaeri til í ad hrapa upp til/á stjörnu!

Ertu búin ad skipuleggja ferd til Spánar, var ad spá í ad bjóda zér og mömmu zinni í súpu og spjall og skraf og skrípaleik, kynna zig fyrir sígaunanum sem sönglar undir svölunum hjá mér .............

[Ásdís Sigurðardóttir, 28.11.2008 kl. 14:45]

Yndislegur morguninn þinn, hér var lúrt til 12, eftir þó nokkur næturbrölt.  Hafðu það gott um helgina mín kæra.

[Steingrímur Helgason, 28.11.2008 kl. 19:54]

Ekki leita þér aðstoðar, við hin þurfum ekkert á því að halda að heilbrigðistéttin i heild flýji útilegamannalega upp á fjöll, nú eða þá úr landi.

Ég er líka hálfpartinn farinn að kenna þér um niðurskurðinn hjá Palla RÚVara.

Heilbökuð ugla í hveraleir er snilldarfóður.

[Hrönn Sigurðardóttir, 28.11.2008 kl. 20:51]

Nefnilega Steingrímur!! Nú á að skera niður hjá RÚV með því að hætta með morgunleikfimina - ég mun sjá um hana í formi hugarleikfimi

Zordis!! Sigauni og súpa - hljómar vel! Ég er á leiðinni

[Steinunn Helga Sigurðardóttir, 28.11.2008 kl. 22:47]

Kærleikur til þín 

steina

[Hugarfluga, 28.11.2008 kl. 22:51]

Þú ert soddan ljós, Hrönn. 

[Sigrún Jónsdóttir, 29.11.2008 kl. 00:04]

[Tína, 29.11.2008 kl. 00:06]

Hvernig var svo dagurinn hjá þér litla sveitamær?????????? Fer svo bráðum að kíkja í morgunkaffi til þín. Ég bara VERÐ að fara að koma!!!

Knús inn í helgina þína krútta

[Unnur Sólrún (IP-tala skráð) 29.11.2008 kl. 10:05]

Mikið eiga hundarnir þínir gott.  Hvílíkur félagsskapur sem þeir fá dag hvern.  Vona að þessi laugardagur verði ekki síðri en dagurinn í gær.

Faðm, faðm

[Halldór Egill Guðnason, 29.11.2008 kl. 12:01]

Innlitskvitt úr suðurhöfum. Það eru 15000 km á Selfoss héðan. Tæki Hrönnsluna og Stubbaling dágóða stund að trítla þá vegalengd. Vona að dagurinn hafi verið þér góður og ekki vafi á að styttist í ugluna 

[Heiða Þórðar, 30.11.2008 kl. 00:32]

Kannast við tilfinninguna

[Huld S. Ringsted, 30.11.2008 kl. 20:19]

[Helga Magnúsdóttir, 1.12.2008 kl. 18:54]

Ohhh, mig langar svo að sjá uglu. Safna uglum og á vel á annað hundraðið.

[Þröstur Unnar, 1.12.2008 kl. 20:54]

Jú.

[Halldór Egill Guðnason, 2.12.2008 kl. 05:25]

Skelltu bara i thig einum threfoldum og tha serdu allar thaer uglur sem thig langar og hlynar i hjartanu um leid.

[Ásthildur Cesil Þórðardóttir, 2.12.2008 kl. 10:28]

Iss þetta hefur verið verkfærakistan sem er á hringsóli um geiminn  Knús frú Ísdrottning.