Sindrandi.......

Í kvöld var kveikt á jólaljósunum í sveitinni!

Ég rauk út - ætlaði að vera mætt á bókasafnið klukkan átta - að staðartíma - menningarvitinn sem ég er - að hlusta á og hitta kæra bloggvinkonu Unni Sólrúnu, sem hefur ótrúlegt lag á að raða saman orðum þannig að það gleðji gesti og gangandi, hitti fólk á leiðinni og tafðist náttúrulega - gaman að sjá þig Stína mín og farðu nú að kíkja í kaffi! Náði samt að hlusta á síðustu ljóðin sem Sólrún las og leist svo vel á þau - og hana - að ég ákvað að elta hana hana yfir í Bókakaffi til Bjarna Harðar.... sem er hrikalega skemmtilegur staður. Bjarni sjálfur er náttúrulega perla - sem ég sníki koss af í hvert sinn er ég sé hann - undir því yfirskini að hann verði líka að kyssa mig þótt Magga systir sé ekki með mér.... Hann kyssir mig nefnilega alltaf þegar hún er með í för og þá hef ég hann grunaðan um að vera bara að nappa kossi af sætri stelpu .....henni altsvo!

Ákvað svo að stofna fanclub Sólrúnar - stofnfundur félagsins verður auglýstur síðar Ég verð að sjálfsögðu stýrimaður og stjóri þar sem ég fer ekki ofan af því að ljóðin hennar bæta mann og kæta. Svo fer það mér líka svo vel að stjórna.......... ég reyni að lesa eitt ljóð á hverjum morgni, áður en ég steypi mér í hyldýpið sem heitir fréttalestur þessa dagana. Þau gera mig svo glaða innan í mér að ég er tilbúnari að takast daginn

Þetta var sumsé hápunktur dagsins - Annað, sem bar til um þessar mundir var að flaug ég á hausinn, afar virðulega náttúrulega, hvað annað á leiðinni út á pósthús. Þá varð mér hugsað til þess þegar ég sat í heita pottinum í morgun ásamt hinum stelpunum úr sundleikfiminni og við vorum að ræða sálarrannsóknarfélagið og stálþráðinn þeirra - þær höfðu náttúrulega, eins og gengur og gerist, ýmsar skoðanir á yfirnáttúrulegum hlutum og ég ákvað - svona með sjálfri mér að ef ég dytti á hausinn í dag þá væri einhver að gera at í mér að handan - og þóttist nokkuð góð þar sem ég sat í rigningunni

Gott fólk - það er sumsé hér með vísindalega sannað að framliðnir hafa húmor, hnéð á mér er til vitnis um það

Þakka þeim sem hlýddu

Athugasemdir

[Ragnheiður , 20.11.2008 kl. 23:01]

úpps Himmi þó!

Þetta var nú afi hans þarna á miðilsfundinum....

[Hrönn Sigurðardóttir, 20.11.2008 kl. 23:02]

[Hrönn Sigurðardóttir, 20.11.2008 kl. 23:03]

Hver þá? Hafsteinn?

[Ragnheiður , 20.11.2008 kl. 23:13]

Jamm

[Jenný Anna Baldursdóttir, 20.11.2008 kl. 23:36]

Góð.

[Sigrún Jónsdóttir, 21.11.2008 kl. 00:11]

Ferlega flottur dagur hjá þér kona góð......og "fallið" var náttúrulega bara í þágu vísindanna

[M, 21.11.2008 kl. 00:26]

[www.zordis.com, 21.11.2008 kl. 07:56]

Ég er í tilhlökkunarham ad eignast kaerleikskitl og skal trúa zví ad heyra bloggvinkonu kaera Unni Sólrúnu lesa sé bara yndi!

Ég gekk í svefni og breytti zessu med merina .... enda datt ég í rúmm sonarins fyrir kl.22.00 í gaer!

[Solla Guðjóns, 21.11.2008 kl. 08:41]

 kem og kíki á héð bráðlega

[Dísa Dóra, 21.11.2008 kl. 09:18]

haha já það er nokkuð ljóst að framliðnir hafa húmor

[Ásthildur Cesil Þórðardóttir, 21.11.2008 kl. 13:18]

Aldeilis menningardís sem þú ert Hrönn mín.  Auðvitað hafa framliðnir húmor hehehe...

[Stína (IP-tala skráð) 21.11.2008 kl. 18:01]

Sæl Hrönn mín

Gott að menningarferðin endaði vel hjá Bjarna Harðar ;o) Kíki bráðum í kaffi eða eitthvað annað manstu því ég er ekki orðin nógu stór til að drekka kaffi.

Kveðja úr Furugrundinni

[Hrönn Sigurðardóttir, 21.11.2008 kl. 18:31]

Já já ég man Stína litla.... það heitir nú samt alltaf að kíkja í kaffi

[Þröstur Unnar, 21.11.2008 kl. 19:10]

Ertu með súpueldhús?

[Bergljót Hreinsdóttir, 22.11.2008 kl. 12:06]

Bíddu?...Efaðistu???...Ha ha...nú veistu betur...na na na bú bú!!!

[Sigurlín (IP-tala skráð) 22.11.2008 kl. 13:38]

Hef ég sagt þér nýlega að þú ert náttulega bara perla. Knús á þig.