Vöruskipti?

Við Ljónshjartað vorum að koma inn. Fórum út að skokka í góða veðrinu. Tókum sex kílómetrana okkar og stóðum okkar bara sæmilega, miðað við aldur og fyrri störf.

Svakalega gott að skokka í rigningu og logni! Það er eiginlega vorfílingur í veðrinu - við sáum flugur og allt...... Sáum líka flott ljós í glugga hjá Soffíu Páls. Fundum hund í óskilum og leyfðum honum að vera samferða okkur yfir götu. Hann snéri svo upp á sig og þóttist yfir það hafinn að vera í fylgd með fullorðnum og hvarf inn í einhverja hliðargötu. Fundum líka mann í óskilum - hann vildi endilega fylgja okkur áleiðis og sagði okkur frá öllum sínum hundum og köttum........ það endaði með því að við stungum hann af inn í einhverja hliðargötu! Við höfum nefnilega ekki áhuga á mönnum í óskilum......

Þegar ég var búin að teygja eftir öllum kúnstarinnar reglum og röðin var komin að því sem ég virkilega var búin að hlakka til frá því að ég vaknaði....... sumsé að hella mér uppá gott kaffi - búin að fara út í bakarí og allt, maður tekur enga sénsa á að missa vigt - það er jú kreppa, sjáðu til og ef það er eitthvað sem ég get haldið í, þá eru það kílóin..... þá uppgötvaði ég að ég átti ekkert kaffi! 

Hvert ykkar er búið að hella uppá? Ég get lagt til rúnstykki og sætabrauð en ég lofa engu með skemmtilegan félagsskap!

 

 

Athugasemdir

[Jenný Anna Baldursdóttir, 8.11.2008 kl. 12:20]

Sorrí, ekkert kaffi hér.  Drekkur það sjaldanur.

[www.zordis.com, 8.11.2008 kl. 15:04]

Ég á gott kaffi og þér er guðvelkomið að líta við. Geri hins vegar ráð fyrir að þú sért búin að græja þér sopa einhversstaðar! Var ekki Frú Páls með ljós í glugganum ....

Hvernig var það ertu ekki að fara að taka út heila bjórverksmiðju?

[Vilma Kristín , 8.11.2008 kl. 17:23]

Ég var næstum farin að halda að maðurinn í óskilum og hundurinn í óskilum ættu saman og þetta yrði svona "happy ending"...

[Hrönn Sigurðardóttir, 8.11.2008 kl. 17:31]

Nei Vilma! Við erum ekkert fyrir "happy ending...."

Frú Páls var með megaflott ljós í glugganum Zordís.

Jenný! Ekkert kaffi?? Hvernig ferðu að? 

[Þröstur Unnar, 8.11.2008 kl. 17:42]

Fórstu ekki að henda vínarbrauðum í Alþingishúsið?

[Hrönn Sigurðardóttir, 8.11.2008 kl. 21:13]

Þröstur! Það er kreppa - ég borða mín vínarbrauð sjálf.....

[Jóna Kolbrún Garðarsdóttir, 9.11.2008 kl. 02:12]

Ég varð náttúrulega að koma og skoða þig á blogginu, takk fyrir síðast   Við sem erum svona vel nærð lifum náttúrulega lengst í kreppunni sem er handan við hornið..

[Tína, 9.11.2008 kl. 10:15]

Það er alltaf til kaffi hjá mér krútta. Tala nú ekki um ef þú átt í hlut. Enda félagsskapurinn einstæður. Takk fyrir síðast tjelling.

Knús og kram á þig.

P.s manst bara að koma með muffins ef þú átt. Þá verður húsið ekki bara ólæst heldur galopið sjáðu

[Solla Guðjóns, 9.11.2008 kl. 11:14]

Elskan mín ég get alveg hellt upp á........svo á ég líka kalda-bjór  En þú vildir þetta í gærmorgun....þannig

[Ásdís Sigurðardóttir, 9.11.2008 kl. 15:34]

Til hamingju með nýja manninn, flott mynd af ykkur á síðunni hennar Tínu, örugglega þægur og góður þessi

[Huld S. Ringsted, 9.11.2008 kl. 17:30]