Sunnudagur

Ég er búin að afkasta miklu yfir helgina! Svo til öllu nema taka til, hef enda ákveðið að gera orð ömmu minnar að mínum, með smábreytingum, og segi: Rykið bíður bara eftir mér.....

Ég gróðursetti rósina eftir miklar pælingar um hvar hún myndi njóta sín bezt Mömmusinnardúlludúskur gróf holu til Kína og til baka og sagði eftir það með innlifun og algjörlega eins og hann meinti það, samkvæmt fyrirfram gefinni forskrift: "Rosalega er þetta falleg rós mamma mín - til hamingju með hana....." Ég velti því fyrir mér á meðan hann hvarf í sólina að skrá hann í leikfélagið á staðnum

Ég sló suðurtúnið með aðstoð Eyglóar, sem vissi nákvæmlega hvernig átti að gera þetta, enda elst í þessum systkinahópi Hún fór síðan og keypti sumarblóm á meðan ég sló seinni slátt líka, þá er það búið, sjáðu til, og þarf ekki að hafa áhyggjur af því meira!

Fórum síðan heim og ég eldaði himneskan mat og bakaði brauð. Neitaði algjörlega að hleypa Eygló heim fyrr en hún væri búin að borða. 

Ætla núna að skríða undir rúm með kodda undir hné og njóta þreytunnar og þess að vera eins og glóandi eldhnöttur í framan eftir daginn. 

Mér finnast sunnudagar góðir dagar

Athugasemdir

[Jenný Anna Baldursdóttir, 25.5.2008 kl. 23:57]

Eru sunnudagar ekki hvíldardagar?  Segi svona.

[Hrönn Sigurðardóttir, 26.5.2008 kl. 00:12]

Jú, stundum er bezta hvíldin akkúrat þetta.......

[www.zordis.com, 26.5.2008 kl. 01:45]

Sunnudagar eru virkilega góðir dagar og mér sýnist hann hafa verið þér einstaklega góður!

Góða nótt rósakona!

[Ásthildur Cesil Þórðardóttir, 26.5.2008 kl. 07:46]

Það getur verið virkileg hvíld í garðvinnu, ef hún er ekki aðkallandi, og gerð sér til skemmtunnar en ekki af kvöð.

[Linda litla, 26.5.2008 kl. 08:17]

ó mæ god... sunnudagurinn var sko hvíldardagur hjá mér. Ég upplifði leti dauðans..

[Gudrún Hauksdótttir, 26.5.2008 kl. 09:20]

Madur getur tæmt hugann vid gardvinnu og hreinlega gleymt stad og stund... Líka á sunnudögum  Gangi tér vel med Dornrósina tína hún á eflaust eftir ad gefa tér mikkla gledi er hún blómstrar  svo er líka gódur ilmur af henni.

Eigdu gódann dag.

[Kristín Katla Árnadóttir, 26.5.2008 kl. 11:46]

Mikið ert þú dugleg í garðinum Knús inn í daginn.

[Solla Guðjóns, 26.5.2008 kl. 13:47]

Hei ég var líka svona obbosslega dugleg en sér samt varla högg á vatni.....en margar frekur,rauður nebbi,háls og hendleggir.

[Rebbý, 26.5.2008 kl. 18:19]

svona sunnudagar eru oft besta hvíldin