Dularfulla skógarskokkið

Gekk í gegnum skóginn og skokkaði til baka. Stafalogn, regnið hvíslaðist á við aspirnar, endurnar sáu ekkert nema hvor aðra og syntu hinar spökustu um tjörnina - sem var tóm í fyrrasumar. Áin niðaði í átt til sjávar í bakgrunninum og mér leið vel. Líður raunar enn vel...................

Löggan var líka í skóginum. En ekki að skokka - þeir voru að gera eitthvað allt annað Kannski í löggu og bófa? Veit ekki. Veit heldur ekki hvort þeim leið vel. Kunni ekki við að spyrja

Ef þið heyrið af miðaldra konu á harðahlaupum undan löggunni í skógi á Suðurlandi þá var það ég! Þið getið svo sagt ykkur það sjálf að sagan er lygi - ég er ALDREI á harðahlaupum

Ég ætla að birta hér annað erindi úr ljóðinu sem enginn þekkti um daginn - spurningin er enn sú sama! Hver orti?

 

Vort sandkorn himnahafs, hve ertu stór.

Þín hljóðu straumaköst ná geiminn yfir.

          Í þínu dufti drottins myndin lifir.

Þú dropi varðst, svo fylltist ljóssins sjór.

Sá andi, er stillir stjörnuskarans kór,

hann stýrir hverju spori þinna loga;

því hann er sá, sem allt sér í því eina;

því á eitt sjónarkast vort hvolfsins boga;

því speglast blikur blárra, djúpra voga

         í blaðsins dögg, í tárum þinna steina

Það skal tekið fram að myndin tengist efnisinnihaldi ekkert. Mér fannst hún bara við hæfi - það er greinilega þarna sem skýin eru búin til 

 

 

Athugasemdir

[Ásthildur Cesil Þórðardóttir, 17.5.2008 kl. 10:04]

Gott að vita þetta Hrönn mín eyðir óvissunni.

[Fanney Björg Karlsdóttir, 17.5.2008 kl. 10:15]

Löggan hefur örugglega verið að mæla ökuhraðann í skóginum.... mér skilst að löggan á Selfossi sé aðallega í því þessa dagana...

Eigðu yndislega helgi ljúfust...

[Hugarfluga, 17.5.2008 kl. 10:19]

Fyrst þú varst ekki á hlaupum undan löggunni þá hefurðu pottþétt verið á eftir þeim. Sóðastelpan í skóginum!

[Steinunn Helga Sigurðardóttir, 17.5.2008 kl. 10:35]

spennandi skokki lokki, gott að þú varst ekki elt upp af löggunni.

hafðu fallegan laugardag

steina 

[Huld S. Ringsted, 17.5.2008 kl. 12:20]

Ég hef einmitt alltaf spáð í það hvar skýin verða til

[Jenný Anna Baldursdóttir, 17.5.2008 kl. 13:52]

Skýin eru kalt loft sem dregst saman í massa og .... hehe þú ert snúlla.

[Birna Dis Vilbertsdóttir (IP-tala skráð) 17.5.2008 kl. 19:57]

[Ásdís Sigurðardóttir, 17.5.2008 kl. 20:27]

Skýin eru bara vatn sem er að drepast úr hita og gufar upp.   

[Marta B Helgadóttir, 17.5.2008 kl. 22:32]

[Solla Guðjóns, 17.5.2008 kl. 22:44]

Hrönn það kom ekki fram í fréttinni að konan hafi verið á harðahlaupum heldur röllt í hægðum sínum......passar það ?

Og pældu í þcí að áin rennur í átt til mín og er örstutt frá mínum golfvelli.

Ég veit alveg hver samdi þetta ljóð og líka fyrripartinnég sem þoli ekki  lýgi er að ljúga

[Hrönn Sigurðardóttir, 18.5.2008 kl. 00:02]

Já Fanney! Örugglega ætluðu þeir að sekta mig fyrir að hlaupa of hratt!!

Hallgerður! Það er talfrelsi í bankamannahúsinu........ mátt lesa þetta eins og þig lystir

Solla! Nei oj örugglega ekki ég - ég er ekki svona subbuleg

[Gunnar Páll Gunnarsson, 18.5.2008 kl. 07:12]

Jæja kella! Þú hefur alltaf verið veik fyrir mönnum í júníformum. Ég man eftir þér á 17. júní þegar við í lúðrasveit Selfoss spiluðum í fullum skrúða.HA! Svona kella.

Annars er ág viss um að það var Steini Spil sem orti ljóðið. Gátan leyst.

Gunni Palli kokkur. 

[Rebbý, 18.5.2008 kl. 10:32]

þú hefur nú örugglega tékkað aðeins á löggustrákunum, svona spáð hvort hægt væri að daðra við þá