Hakuna matata

Ég heyrði Geir H. segja mjög ábúðarfullan í fjölmiðlum um daginn að þjóðin yrði að draga saman!

Síðan hef ég setið og barið mig með hrís, meinlætafull á svip, á meðan ég hef leitað leiða til að fylgja því sem foringinn mælti fyrir um Um helgina datt ég niður á lausnina. Ég ætla að gerast kartöflubóndi.

Ég hef komið því um kring að ég fái afnot af einu beði í garði hér í grennd - gegn því að hjálpa til við að stinga hann upp. Sem mér þótti ekki mikið leigugjald Sami garðeigandi bauðst til að gefa mér þrjátíu og þrjár kartöflur af gerðinni gullauga -  þið sjáið að ég vel jafnvel tegundina af kostgæfni - sem liggja nú og spíra og bíða helspenntar eftir að verða stungið niður í gróskumikla moldina og aðstoða þjóðina í þrengingum. Í haust mun ég síðan verða stoltur eigandi mikillar uppskeru ef guð og garðálfarnir lofa. Ég er jafnvel að spá í að færa strax út kvíarnar og rækta kál með í beðinu. Hver veit nema ég getið boðið Geir svona eins og eina eða tvær nýjar kartöflur í soðið en ekki meira - það þarf jú að spara.................

Svei mér þá! Þið þurfið engar áhyggjur að hafa af frjálsu falli krónunnar, slæmu gengi hlutabréfa eða hagvexti  - ég er búin að redd´essu

 

Athugasemdir

[Eydís Katla Guðmundsdóttir (IP-tala skráð) 15.5.2008 kl. 12:36]

Mundu bara eftir því Hrönn mín að reyta arfann úr þínu EIGIN beði en ekki garðeigandans eins og forðum daga.

 Eydís Katla kartöflubóndi úr Tjarnarhverfinu

[Hrönn Sigurðardóttir, 15.5.2008 kl. 12:50]

hahahah þurftirðu nú endilega að muna eftir því Katla ;)

Hugsanlega Hallgerður - hugsanlega.... það fer þó eftir ýmsu s.s. fyrirséðum niðursveiflum í hagvexti ;)

[Jenný Anna Baldursdóttir, 15.5.2008 kl. 12:54]

Gullauga, fruuuuuuuuuuuusssssssssssssssssssss

Við Geir lítum ekki við svoleiðis alþýðukartöflum.  Það eru demantadúndrur sem við borðum.

[Hrönn Sigurðardóttir, 15.5.2008 kl. 12:58]

....en það á að spara......

Hann sagði það - ertu að segja að hann hafi bara meint alla hina?????

[Hrönn Sigurðardóttir, 15.5.2008 kl. 13:12]

Vitaskuld meinti ég það.

[Sigrún Jónsdóttir, 15.5.2008 kl. 13:29]

Vinafólk mitt ætlar að rækta banana fyrir mig.  Mér finnst það hæfa sem uppistaða fæðunnar í okkar ......lýðveldi.

Svo dreymir mig alltaf um að eignast lítið hænsnabú - það er hægt að nýta afurðirnar á svo margbreytilegan hátt.

Við gætum kannski komið upp "vöruskiptamarkaði" hér innanbloggs, myndi örugglega minnka "vöruskiptahallan".

[Markús frá Djúpalæk, 15.5.2008 kl. 13:58]

Ég er hættur að borða, drekk bara vatn og anda að mér gróðurilmi. Maður verður að hjálpa til þegar foringinn talar

[Hrönn Sigurðardóttir, 15.5.2008 kl. 14:18]

Þú ert semsagt ljóstillífur Markús? Það kalla ég vel að verki staðið

Góð hugmynd Sigrún! 

[Dísa Dóra, 15.5.2008 kl. 14:40]

Svo verðum við bara að taka slátur í haust og borða slátur og kartöflur í vetur - þú gætir kannski ræktað nokkrar rófur með þessu líka

[Gunnar Páll Gunnarsson, 15.5.2008 kl. 14:46]

Það var lagið Hrannsa mín! Svo er bara að færa út kvíarnar og setja gulrætur og kál niður . Gera eins og Dísa Dóra mælti með og það mun vaxa og bætast í kollu þína kelli mín. Gullauga eru storar og flottar karteflur og fínar sem bakaðar eða franskar með nautasteikinni úr þorgeirsbola sem þú að sjálfsögðu slátrar í haust.

Gunni Palli kokkur 

[Jenný Anna Baldursdóttir, 15.5.2008 kl. 15:23]

Gunnar Páll: Hrannsa?????? konan heitir HRÖNNSLA

[Hrönn Sigurðardóttir, 15.5.2008 kl. 16:24]

ehemm ég heiti nú reyndar HRÖNN En svara öllu

[Hrönn Sigurðardóttir, 15.5.2008 kl. 16:27]

Gunni Palli kokkur ég tek upp kartöflurnar í haust og kem með þær til þín. Þú eldar úr þeim og ég horfi á og drekk rauðvín á meðan.....

How is that for a plan?

[Markús frá Djúpalæk, 15.5.2008 kl. 16:39]

Ég var að fatta að ég er planta miðað við þessa lýsingu - ómægod.

[Hrönn Sigurðardóttir, 15.5.2008 kl. 16:42]

Já blómið mitt

[Ásdís Sigurðardóttir, 15.5.2008 kl. 17:12]

Ég skal hjálpa þér að taka upp, allavega horfa á þig.   

[Birna Dis Vilbertsdóttir (IP-tala skráð) 15.5.2008 kl. 18:24]

Geir borðar sjálfsagt bara sætar kartöflur hahahaha.Þú ert snillingur

[Hrönn Sigurðardóttir, 15.5.2008 kl. 18:29]

Þakka þér Ásdís og Birna Dís.

Var að lesa blaðið og þar er frétt um að eitthvert knattspyrnulið ætli að flytja inn kartöflur svo áhangendur verði ekki uppiskroppa Fatta ekki tengslin á milli kartaflna og fótbolta en hitt sé ég að þarna er gróðamöguleiki

[Linda litla, 15.5.2008 kl. 19:41]

Ég verð nú bara svöng við að lesa þessi komment..... er að spá í að sjóða mér slátur og kartöflur. Hafðu það gott.

[Gunnar Páll Gunnarsson, 15.5.2008 kl. 19:50]

Nei nei Hrannsla mín! VIÐ eldum þær saman og borðum saman með rauðvíni og Þorgeirsbola steiktum þónokkuð.

Gunni Palli kokkur 

[Hrönn Sigurðardóttir, 15.5.2008 kl. 19:51]

Líst vel á það Gunni Palli kokkur

Linda! Takk og sömuleiðis

[Ragnheiður , 15.5.2008 kl. 21:25]

hér er ég búin að skemmta mér vel yfir færslu og kommentum. Vöruskiptamarkaður...það líst mér vel á. Ég hendist í að prjóna nærskjól úr hundasnoði, það er vatnshelt og allt.

Fæ tvær kartöflur per brók !

Þið megið eiga þetta rauðvínssull nema það sé gott að sjóða kartöflur upp úr því ?

[Huld S. Ringsted, 15.5.2008 kl. 22:25]

Mikið er ég glöð að einhver er búinn að redda þessu, var farin að hafa verulegar áhyggjur um stund en ertu búin að ná þér í ókeypis bæklinginn með kartöfluuppskriftum??

[Hrönn Sigurðardóttir, 15.5.2008 kl. 22:28]

Ragga! Ég legg inn pöntun fyrir eins og einni - held ég. Það munar svo miklu um að það er vatnshelt

Huld! Loksins einhver sem kunni að meta reddingarnar Nei ég vissi ekki að þessi bæklingur væri til...............

[Fanney Björg Karlsdóttir, 15.5.2008 kl. 23:14]

..."það má kallast þjóðlegasti siður"...... ég man ekki allveg....en mig minnir að við höfum einhvern tíma sungið þetta með hárri raust..... og svei mér ef við héldum ekki lagi og alles.....

[Kristín Katla Árnadóttir, 16.5.2008 kl. 13:44]

Takk fyrir skemmtilegan pistill kæra Hrönn mín knús á þig

[Steinunn Helga Sigurðardóttir, 16.5.2008 kl. 17:13]

blessi þig á fallegu föstudagskvöldi

steina