Kyoto

Sólin skein hástöfum og í allan dag. Þó hef ég setið inni og unnið. Látið hreinlega sem ég sæi ekki þegar hún reyndi að lokka mig út í teygjutvist og snú snú! Næ samt aldrei þeim áfanga að hafa verið 75 ár í sama starfi......... ekki úr þessu, nema kannski ef taldir eru tímarnir? Neeeee held ekki að það dugi........ - Sjötíuogfimmár!!! Ég er mest hissa að karlinn var ekki beðinn um að syngja. Fátt fer eins mikið í taugarnar á mér og þegar gamalt fólk er beðið um að syngja "eitt lag í tilefni dagsins...." Hver byrjaði á þessari vitleysu? Af hverju ætti allt gamalt fólk að hafa gaman af að syngja fremur en allir tvítugir? Maður spyr sig........

Stúlkubarnið í kjallaranum þvoði gluggana að utan og söng hástöfum á meðan - var með ipod í eyrunum og ég hlustaði og flissaði hástöfum fyrir innan mína óþvegnu glugga Ekki af því að hún syngi svo illa - bara fyndið þegar fólk syngur svona hástöfum með einhverju sem það er einsamalt um að heyra.

Nú væri gott að fara út að skokka - ef ég nennti, sem ég geri ekki........ eða út að ganga - ef ég nennti, sem ég geri ekki heldur.......... Kannski væri bara gott að vera þreyttur í kvöld og leyfa sér það?

Horfði á Kastljósið þar sem Magnús Þór og Gísli bæjarstjóri dissuðu hvorn annan í dágóðan tíma! Vona að þeir hafi komið saman á bíl - reyna að vera soldið umhverfisvænir og uppfylla Kyoto bókunina. Stendur ekki þar einhversstaðar að allir stjórnmálamenn skuli sambíla í viðtöl og heim aftur? Þeir hefðu allavega gott af því að reyna að leysa málin á heimleiðinni.......

Pís 

Athugasemdir

[Helga Magnúsdóttir, 14.5.2008 kl. 20:45]

Ég hef líka setið inni í allan dag og látið góða veðrið lönd og leið.

[Jenný Anna Baldursdóttir, 14.5.2008 kl. 20:51]

Ég er sko búin að þrífa svalirnar, telja kókflöskur, skúra gólf og rassakastast hér um allt.

Kyotobókunin verður vonandi til þess að þeir káli ekki hvor öðrum á heimleiðinni.

[Hrönn Sigurðardóttir, 14.5.2008 kl. 21:05]

Helvítis lygin í þér Jenný.....

[Ásdís Sigurðardóttir, 14.5.2008 kl. 22:24]

Ég var í löngum göngutúr í dag, fór alla leiðina út á pósthús og svo til baka með hléum, leit inn í apótekið, ´Nótatún, bókasafnið, Bókakaffi Bjarna, Office 1 ofl. kom heim um 6 leytið alveg búin á því.  Sjáumst

[Sigrún Jónsdóttir, 14.5.2008 kl. 23:17]

Hávaðaöskrin í frk. Sól náðu mér og ég hef eytt deginum í góðu yfirlæti í görðum tveggja vinkvenna.  Skipti tímanum svona nokkurnveginn jafnt á milli garða.  Gerði ekki handtak og lét dekra við mig í drykk og mat.

Gísli reddar þessu með nikkuspili, trúðu mér, það hefur hann alltaf talið sig geta

[Ásthildur Cesil Þórðardóttir, 14.5.2008 kl. 23:30]

Já hann Gísli hefur heldur betur snúist í einn og hálfan hring.  Ég man nú þegar hann var á ferðalagi fyrir kosningar, þar síðast, kom á minn vinnustað og átti ekki orð yfir þessa hræðilegu sjalla, og allt það vonda sem þeir voru að gera

Sól sól skín á mig, en það ringdi á Suðureyri og ég er ekki að ljúga.

[Halldór Egill Guðnason, 15.5.2008 kl. 02:54]

Kyoto hvað? Sko, ef maður borðar of mikið af rauðum Opal, sprengir maður "samkomulagið". Ef maður snýst á sveif með öðrum en þeim sem maður er kosinn til að liggja með, brýtur maður/kona "samkomulagið". Það er vandlifað í henni veröld, hvort sem maður/kona nennir að hlaupa eður ei. Að vinna sama starf í 75 ár getur ekki verið annað en brot á "samkomulaginu". Hvaða samkomulagi? Sennilega við lífið "I suppose". Maður þarf ekkert að vera að rembast við að blogga. Þú segir allt svo mikið betur og hnitmiðað. Bíddu annars við...þú býrð ekkki á Skaganum...! Hvað ertu þá að blanda þér í þetta? (Stubbalingur sennilega kominn undir rúm) Selfossmeldingar hvað....?  

[Dísa Dóra, 15.5.2008 kl. 08:37]

Ekki ætlar sú gula að glenna sig minna í dag sýnist mér -  ég er nú að hugsa um að hlíða kalli hennar