Næturleikfimi...

Skokkaði út á Golfvöll áðan með Ljónshjartað, eða það er að segja út að rimlahliðinu, þar tiplaði ég mjög varlega yfir bæði vegna þess að ég er logandi hrædd um að falla niður á milli og svo er bara 35 km. hámarkshraði þar  Tók brekkuna tvisvar í staðinn á leiðinni heim.

Nú er ég búin að mála tvö herbergi og ganginn á milli þeirra. Þarf að forfæra eitthvað af húsgögnum. Held ég láti þetta duga af innanhússframkvæmdum í bili. Mundi aldrei nenna að vera málari.............. Ætli ég snúi mér ekki af fullum krafti að nýju vinnuni í staðinn. Mér sýnist ekki vanþörf á einhverri skipulagningu þar og alltaf kem ég sterk inn ef einhversstaðar er skortur á ákveðni 

Jarðskjálftarnir virðast vera í rénum, kom nú samt einn ansi hryssingslegur í gær þegar ég var að klára að mála ganginn og svo annar í gærkvöldi, en það er eins og áður, það þykir ekki fréttnæmt þótt ég skjálfi hér á beinum ef enginn titrar í Reykjavík

Góða helgi

Athugasemdir

[Jenný Anna Baldursdóttir, 27.10.2007 kl. 09:37]

Í Borg Óttans eru ekki náttúruhamfarir aðrar en þær að fólk er að slást og sollis af ónáttúrlegum hvötum.

Forfæra, forfæra??? Mér brá þýðir að hilla eða taka á löpp á sænskri tungu.  Hehe, ekki forfæra húsgöginin kona, minni aftur á að þér eruð MÓÐIR

[Fanney Björg Karlsdóttir, 27.10.2007 kl. 12:50]

Já Hrönn mín það er betra að fara að öllu með gát..og láta ekki grípa sig fyrir of  hraða göngu hjá déskotans pípuhliðinu..... og svo tek ég undir með Jenny.... engan dónaskap við húsgögnin.....

[Marta B Helgadóttir, 27.10.2007 kl. 15:33]

... halda sig á löglegum hraða, líka á skokkinu 

[Hrönn Sigurðardóttir, 27.10.2007 kl. 15:41]

hahahaha ég á svo dónaleg húsgögn!! En hvernig hugsið þið eiginlega

[Ásthildur Cesil Þórðardóttir, 27.10.2007 kl. 17:05]

Jarðskjálftar úbbs, heppin er ég að hér er ekkert svoleiðis. 

[Dísa Dóra, 27.10.2007 kl. 22:23]

var einmitt í sundi þegar seinni skjálftinn kom í gær og það drundi ansi vel í sundhöllinni

Fáum við nokkuð að sjá myndir af forfæringunum??

PS Takk fyrir kveðjuna

[Steinunn Helga Sigurðardóttir, 27.10.2007 kl. 22:47]

þekki þetta með rimlahliðið, en sé hvað það er í raun fyndið þegar ég les bloggið þitt !!!

knús kæra kona

AlheimsLjós til þín

steina

[Ásdís Sigurðardóttir, 28.10.2007 kl. 00:56]

Það er ekkert mál að vera málari, ef maður þarf ekki líka að færa allt til og þrífa svo á eftir. Við vonum að ekki skjálfi meira í bili. Sjáumst.

[Heiða Þórðar, 28.10.2007 kl. 16:12]

Ég fæ alltaf svo mikið samviskubit þegar ég lít á atorkusemina hér á þessum bæ...að ég er að hugsa um að vera ekkert að kíkja við hjá þér Hrönnsla mín, láta af sjálfseyðingarhvötinni...alveg þar til ég er búin að mála blessað barnaherbergið og fl. Knús á þig darling.

[Marta B Helgadóttir, 28.10.2007 kl. 20:47]

Jæja nú þarf að lesa nýjasta nýtt á minni síðu.

[Sigfús Sigurþórsson., 28.10.2007 kl. 20:55]

Þú ert nú meiri dugnaðar forkurinn Hrönn.

Kveðja:

[Huld S. Ringsted, 28.10.2007 kl. 22:33]

það þyrfti að vera roooosalega langt á milli rimla  í rimlahliði  til að  ég félli niður á milli...................

[Jóna Á. Gísladóttir, 28.10.2007 kl. 23:02]

Forfæra  Ég gat ekki hugsað um neitt annað á meðan ég las færsluna