Var að mála í dag.....

....og þá hefur maður svo góðan tíma til að hugsa. Ég hef verið að spá í það undanfarið að fara í nám. Stéttarfélagið borgar helming á móti mér í námi upp að ákveðnu marki. Veit samt ekki alveg hvað mig langar að verða þegar ég verð stór! Og þó.......

Hef skoðað ýmislegt og velt öðru upp og ýtt því svo frá mér aftur. Það sem ég furða mig mest á er hvað boðið er upp á mikið nám í tölvufræðum og þá er ég ekki að tala um kerfisfræði heldur svona almennt tölvunám, word, exel og power point, hvarflaði ekki að mér að það væri þörf fyrir svona mikið nám í þessum dúr. Datt í hug að skrá mig í tölvunám á háum hælum, en það byrjar ekki fyrr en eftir áramót

Langar í nám í kerfisfræði. Finnst svo flott að vera kerfisfræðingur! Mannauðsstjórnun heillar mig líka - en það kemur nú líklega bara til af því að ég hef svo gaman af að ráðskast...... Arkitektúr hefur alltaf verið freistandi, hvort sem það eru byggingar eða skrúðgarðar. Hins vegar nenni ég kannski ekki alveg í 10 ára nám í arkitektúr, eða hvað? Veit ekki............... Uppfinningaskólinn? Hvar er hann? Mér dettur svo margt í hug þessa dagana að helst þyrfti ég að hafa diktafón og ritara á hælunum.

Hvað haldið þið? Hvað ætti ég að læra?

Athugasemdir

[Karl Tómasson, 24.10.2007 kl. 21:50]

Lærir svo lengi sem lifir segir máltækið góða.

Gangi þér vel við valið kæra Hrönn. Uppfinningaskólinn er flottur, ef hann er ekki til þá stofnar þú hann bara. Er það ekki fín hugmynd.?

Bestu kveðjur frá Kalla Tomm úr Mosó.

[Guðný Anna Arnþórsdóttir, 24.10.2007 kl. 22:16]

Mikið ertu inspíreruð, sæta sveitakona. Ef ég væri að leita að námi á þessum tímapunkti í lífi mínu, myndi ég fara í smörrebrödsjomfru-nám, og ég er ekki að grínast. Ef það væri ekki fyrir hendi, þá kokkaskóla. Mér er eiður sær og slæ mér á lær. Gangi þér vel að taka ákvörðun!

[Halldór Egill Guðnason, 24.10.2007 kl. 22:26]

Hrönn.: Er þetta einhver spurning, ha?

"HLAUPASKÓSMÍÐI"

[Marta B Helgadóttir, 24.10.2007 kl. 22:42]

Kerfisfræðin hljómar vel   

[Jenný Anna Baldursdóttir, 24.10.2007 kl. 22:58]

Hvað segirðu um mannauðsfrömuðarnám eða ljóslagningarleiðaraformann?  Allt er mögulegt.  Svo geturðu einfaldlega farið og lært fyrirtækjarekstur og startað t.d. ráðningafyrirtæki eða ekkað.  Möguleikarnir eru ótæmandi.  Mig langar í spænsku.

[Fanney Björg Karlsdóttir, 24.10.2007 kl. 23:15]

Mannauðsstjórnun.....ekki spurning...... þá gætum við sest saman á skólabekk..... hangið saman í frímó og farið á trúnó........ og það besta af öllu Hrönnslan mín.... ég er að tala í alvöru........ í alvöru.....

[Heiða Þórðar, 24.10.2007 kl. 23:29]

Mannauðsstjórnun -ekki spuring...nema gæðastjórnun?!

[Hrönn Sigurðardóttir, 24.10.2007 kl. 23:43]

Takk Kalli Tomm úr Mosó bæði fyrir komment og innlit!

Guðný Anna! Kokkaskóli er ekki fráleit hugmynd nema vegna þess að þeir eru svo fastir í beinum línum og kössum þar..... Ekkert nema uppskriftir!!

Halldór! Ekki fráleit hugmynd og mundi spara mér mikinn pening.........

Marta! Já, kerfisfræðin hljómar býsna vel. Líka vegna þess að mér og tölvum lyndir jytte bra......

Jenný! Ég skal kenna þér spænsku

Fanney! Ef þú ferð þá fer ég. Trúnó í frímó hljómar hrikalega vel og svo er alltaf skortur á mannauðsstjórum!! Án gríns!

Heiða gæðastjórnun kemur nefnilega líka vel til greina

Segi eins og konan á ballinu í denn, svo margir möguleikar.....

[Ólafur fannberg, 25.10.2007 kl. 07:11]

atvinnuköfun

[Hrönn Sigurðardóttir, 25.10.2007 kl. 08:19]

Ekki slæm hugmynd Ólafur - vegna þess að einu sinni var ég hafmeyja.....

[Katrín Snæhólm Baldursdóttir, 27.10.2007 kl. 16:39]

Hrönn...demantastjórnun í gegnum forritun er mín uppástunga.  Nú eða símadama þannig geta allir náð í þig alltaf. Nema þegar þú ert úti að hlaupa um miðjar nætur á 36 kílómetra hraða..haha.