Uppfinningar og afmæliskaffi

Stundum fæ ég flugur í höfuðið. Misgáfulegar eins og gengur..... Þó mínar séu eins og gefur að skilja flestar gáfulegar

Fyrir nokkru fékk ég eina. Mér datt í hug að hanna skjáhvíligleraugu. Gleraugun yrðu framleidd bæði með og án styrks, þ.e. bæði fyrir fólk sem gengur með gleraugu og þá sem ekki nota þau. Gleraugun yrðu þeim göldrum gædd að ef fólk einbeitti sér ekki nógu mikið að starfi sínu dyttu þau út með syndandi fiskum og fljúgandi fiðrildum! Þá gætu atvinnurekendur alltaf verið með það á hreinu hverjir væru virkilega að vinna og hverjir væru bara að slæpast........

Veit ekki, kannski aðeins of.....

Fór með Möggu í bókakaffi til Bjarna Harðar og spúsu í dag. Bókakaffið þeirra átti eins árs afmæli í dag. Þar dvöldum við dágóða stund. Drukkum kaffi spjölluðum við fólk og skoðuðum bækur. Alltaf gaman að koma þarna inn. Ég keypti mér bókina "Vatnið og hin duldu skilaboð þess" eftir Masaru Emoto. Hlakka til að glugga í hana í rólegheitum.

Eldaði kjúkling, ættaðan frá austurlöndum fjær og bakaði brauð með. Er alveg að fara að ausa honum á diskinn og dreypa á hvítvíni með.

Vona að þið eigið gott kvöld

 

Athugasemdir

[Hugarfluga, 6.10.2007 kl. 19:50]

Hvaða flugur ert þú að fá í höfuðið??? Ertu að halda framhjá mér?? hrmpf Og koddu nú með uppskriftina, vúman! Minnz langar í austurlenskan tjúttling!!

[Hrönn Sigurðardóttir, 6.10.2007 kl. 20:09]

jamm, verð að hanna uppskriftirnar. Get allavega sagt þér að þessi er góð.....

Laukur, hvítlaukur, bacon, gulrætur og kjúklingafile steikt á pönnu. Hellti svo yfir Rogan Josh sósu og lét malla smástund á meðan ég steikti nanbrauðið, sem lyfti sér á meðan ég var í menningarbókakaffinu.

Hrikalega gott

[Hugarfluga, 6.10.2007 kl. 20:17]

Allamalla, Sveinmundur Jófríðarson!! Hljómar undursamlega!! Takk!

[Hrönn Sigurðardóttir, 6.10.2007 kl. 20:28]

Gleymdi að segja þér að ég skar niður tómata og henti út í og lét þá malla með, hellti síðan rifnum osti yfir á diskana.......

Namm!!

[Dísa Dóra, 6.10.2007 kl. 20:46]

*slef* þessa uppskrift á ég örugglega eftir að prófa

[Marta B Helgadóttir, 6.10.2007 kl. 21:27]

mmmmmmm hljómar vel . Eigðu góða helgi.

[Fanney Björg Karlsdóttir, 6.10.2007 kl. 21:29]

mmm næs as júsjúal....

[Heiða Þórðar, 6.10.2007 kl. 21:36]

..er umþaðbil....að verða leið á kjúkling....knús í bæinn.

[Halldór Egill Guðnason, 6.10.2007 kl. 21:51]

Brilliant gleraugu! Bíddu annars góða mín.: "Skjáhvíligleraugu" og þú sem þolir ekki flókin orð...hummm.  er eitthvað verið að villa á sér, ha? Líst annars vel á þennan kjúllarétt. Hér voru nagaðir "hot wings" í kvöld. Beint úr pakkanum í ofn. 40% afsláttur í Bónus. Hálfgert hundafóður, en örverpið hesthúsaði einum og hálfum pakka, meðan gamli rétt náði hálfum og sat eftir bullsveittur af kryddinu.

[Ólafur fannberg, 7.10.2007 kl. 12:11]

vonandi ekki risabýflugur

[Ásdís Sigurðardóttir, 7.10.2007 kl. 15:15]

Ha, ha snilldar hugmynd.  Verst að ég gat ekki kíkt í bókakaffi í gær, ég var allavegana í fyrra við opnunina.  Sunnudagskveðja.

[Kristín Katla Árnadóttir, 7.10.2007 kl. 17:41]

Ég mundi vilja svona gleraugu skemmtu þér við að lesa bókina.Dúlla

[Ásthildur Cesil Þórðardóttir, 7.10.2007 kl. 19:55]

Skjáhvíligleraugu  þú ert óborganleg. Og njóttu súpunnar vel.  Greinilega góð súpa.   

[Hrönn Sigurðardóttir, 7.10.2007 kl. 20:25]

 Takk og Ólafur, ég lofa, ég skal ekki hafa býflugur.........

[Huld S. Ringsted, 7.10.2007 kl. 21:20]

Líst vel á þessi gleraugu......................

[Halla Rut , 9.10.2007 kl. 20:38]

Kjúlli að austurlenskum hætti og vín með....frábært.