Árás skordýranna

 Í allt sumar hef ég leyft kóngurló að spinna vef sinn í einu horninu í útidyragættinni hjá mér. Ég hef beygt mig framhjá honum, á ferðum mínum út og inn, til að eyðilegga hann ekki. Ég hef dáðst að honum í rigningu þegar hann glitrar allur og tindrar og á móti hefur hún lofað að halda flugunum í skefjum í mínu húsi.....

Í hádeginu kom ég heim til að heilsa upp á litla kút, (les. hleypa honum út að pissa og kjassa hann aðeins í leiðinni) opnaði  hurðina og BAMM kóngurlóin gerði árás!!! Hún var þá komin inn, einhverra hluta vegna, og hafði legið í leyni í loftinu og beðið átekta..... Ég sá hana útundan mér þar sem hún sveif á mig og spýtti um leið vef - ætlaði örugglega að binda mig og ná yfirráðum í húsinu.

 Ég beygði mig snarlega og öskraði snöfurmannlega um leið og ég greip kústinn og sópaði henni út fyrir. Í hefndarskyni eyðilagði ég vefinn hennar!! Þegar ég var búin að jafna mig fór ég út í garð með labbakút og sá þá hvar flokkur býflugna hvarf í skipulagðri röð undir tröppurnar.  Þá var mér nú allri lokið.....

 Ákvað svo, á meðan hundurinn valdi sér stað af kostgæfni til að míga, að taka bara Pollýönnu á þetta og vera ánægð með að þetta voru ekki geitungar  Hunsaði kóngurlóna algjörlega á leið minni inn aftur þar sem hún lá á tröppunum, þóttist vera dauð og beið færis.

Þegar ég kom svo heim áðan sá ég að hún var búin að færa sig...

...úr gættinni hjá mér yfir á dyrapallinn.....

Ég gaf henni ekki hýrt auga á leið minni inn.

 

Athugasemdir

[Kristín Katla Árnadóttir, 23.7.2007 kl. 20:30]

Jeuss ég hefði ger það sama og þú  Sú er kræf þær geta verið lúmskar. Kóngulærnar

[Jenný Anna Baldursdóttir, 23.7.2007 kl. 20:31]

Nú ertu búin að varna mér svefns út vikuna, þú snöfurmannlega kona.  Dreptu köngulóna, hún á annars eftir að verða þinn banabiti.  Þú veist að þær vinna að heimsyfirráðum? 

[Hrönn Sigurðardóttir, 23.7.2007 kl. 20:33]

Heldur betur Katla - og ég sem hélt við værum vinir.....

Já Jenný, ég geri mér grein fyrir því - enda aldrei fundist spiderman flottur

[Gunnar Páll Gunnarsson, 24.7.2007 kl. 08:34]

HALLÓ! Köngulær eru vinir okka, þær éta önnur skordýr og halda heimili okkar hreinu fyrir flugum. Það getur að vísu verið too much oh boy með 10 vefi í húsinu en ein eða tvær finnst mér OK! svo eru skordýr síðasta þrep dýraríkisins til að brjóta niður lífræn efni til moldar. prófaðu bara að GOOGLE myndir af kónulóm. 

[Hrönn Sigurðardóttir, 24.7.2007 kl. 08:44]

Ég veit GP þess vegna hef ég lagt mig fram um að vera vinur hennar og þeirra allra, sumar eftir sumar.....

Ég drap hana heldur ekki - sópaði henni bara út

[Jóna Á. Gísladóttir, 24.7.2007 kl. 22:40]

hahahaha. þar fór vináttan við kóngulóna fyrir lítið. Mér finnst þetta ekkert lítið fyndið. Hugrakka kóngulóarkonan breyttist í hoppandi trylltan fóbíusjúkling.

Heyrðu. hvernig stendur á því að við erum ekki bloggvinir?

[Guðný Anna Arnþórsdóttir, 24.7.2007 kl. 23:37]

Nú skaltu leggja augun aftur og sættat við kóngulóna (köngullóna...???) fyrir svefninn. Þetta var þó ekki svarta ekkjan, sem getur hæglega drepið mann, ef ekki með augnaráðinu þá bitinu. Góða nótt, skordýravinkona mín.