Góður maður og göngukort

 Heyrði í manni í síma í gær sem er skrifstofustjóri í Fjarðarbyggð. Agalega almennilegur maður. Símtalið hófst á faglegum nótum og þróaðist síðan yfir í spjall um gönguleiðir á Austurlandi. Ég trúði honum fyrir því að ég væri alltaf á leiðinni austur í gönguferð. Stefnan væri sett á Loðmundarfjörð. Hann var búinn að fara margar ferðir þangað og vissi allt um svæðið.

Benti mér á við hverja ég ætti að tala ef ég vildi fara í skipulagðar ferðir með leiðsögn - sem er náttúrulega alltaf skemmtilegra. Alltaf gaman að láta segja sér sögur af fyrirbrigðum í náttúrunni. Svo klikkti hann út með því að segja mér að hann ætti í geymslu þarna á bak við sig fullt af kortum yfir gönguleiðir á Austurlandi og hann skyldi senda mér þau með því skilyrði að ég kæmi austur og notaði þau.

Geri það örugglega! hugsið ykkur - enginn sími - engin tölva - ekkert áreiti..............                     bara ég, hundurinn, fjöllin og þögnin

Vúnderbar!!

 

Athugasemdir

[Kristín Katla Árnadóttir, 20.7.2007 kl. 13:30]

Já Hrönn gerðu það endilega ég er vissu að þetta verðu skemmtileg ferð já hugsa sér  eins og þú segir ekkert áreiti.

[Ólafur fannberg, 20.7.2007 kl. 14:41]

biddu bara ég finn þig hehehe sleppur ekki alveg svona vel frá áreiti.....

[Jenný Anna Baldursdóttir, 20.7.2007 kl. 15:56]

Þú ert prótótýpan af hermit.

[Hrönn Sigurðardóttir, 20.7.2007 kl. 15:57]

hehehehee þeink jú ol só möts

og Jenný - það eru engin afrit

[Guðný Anna Arnþórsdóttir, 21.7.2007 kl. 00:47]

---- og Austurland..............