Glögg, gleggri, gleggst

Ég er ómannglögg. Ég man aldrei nöfn. Hinsvegar er ég talnaglögg, svona svo þetta sé nú ekki tóm neikvæðni......  Ég man símanúmer og kennitölur út í eitt.

Einu sinni, á árum mínum sem skvísa í Reykjavík, mætti ég konu í Austurstræti sem mér þótti eitthvað svo kunnugleg, konan var og er á aldur við mömmu, þannig að ég ákvað að ég hefði örugglega hitt hana hjá henni sometimes, somewhere......

Af því að það var - og er - alltaf verið að skamma mig fyrir að heilsa ekki fólki og vera merkileg með mig, hleypti ég í mig hörku, brosti mínu blíðasta og heilsaði henni með virktum. Þetta var alveg svona KOMDU SÆÆÆÆÆL og BLESSUÐ heilsa

Gekk ég svo mína leið og tautaði í barm mér: "Hah! skammiði mig svo fyrir að heilsa aldrei!........" Það var ekki fyrr en ég gekk inn í tollinn að ég uppgötvaði að konan var Vigdís Finnbogadóttir.

Annars er það helst af mér að frétta að ég sá ekki snjómanninn ógurlega og heldur ekki prakkarann í dag.

PS - vissuð þið að ef maður gúgglar "ómannglögg" kemur vélstýran upp? Haa! vissuð þið það?

hehe

Athugasemdir

[SigrúnSveitó, 30.4.2007 kl. 08:08]

hahaha!!  Þetta er fyndið, þessu gæti ég hafa lent í.  Hitti einmitt mann um daginn sem borsti ægilega sætt til mín og virtist þekkja mig...ég kannaðist bara ekkert við hann...frekar pínlegt...kom síðan líka í ljós að ég átti að þekkja hann, við hittum hann einu sinni á 17. júní í Danmörku og eyddum öllum deginum með honum...en jæja, svona er ég (hef þetta frá pabba...).

[Guðríður Haraldsdóttir, 30.4.2007 kl. 09:15]

Vélstýran kemur upp við hvert gúggl hjá mér, ég er hætt að öskra núna en gerði það fyrst. hehehe, djók! Ég gúgglaði einu sinni nafnið mitt, Gurrí. Það kom engin mynd af mér, heldur bara af Önnu!

Hitti gamla skólasystur um daginn, það tók mig óralangan tíma að muna nafnið hennar en afmælisdaginn mundi ég!

[Ásthildur Cesil Þórðardóttir, 30.4.2007 kl. 09:21]

Ég hef líka lent í þessu sama, það er rosalega pínlegt.  Ég hef líka lent í því á hinn veginn, þegar ég gaf út plötuna mína var ég talsvert í viðtölum og slíku, og eins meðan ég sá um skíðavikuna, varð oft fyrir því að fólk kom og heilsaði mér með virktum eins og gömlum kunningja. 

[Jenný Anna Baldursdóttir, 30.4.2007 kl. 18:03]

Ég hef gúgglað á kynlíf, verkefni, útilegur, ferðalög, matseld, bóntegundir og fleira og vélstýran kemur ALLTAF upp.  Segi sonna.

[Hrönn Sigurðardóttir, 1.5.2007 kl. 02:11]

 jú Jóna, tekin frostaveturinn mikla.... Var annars að vona að fólk tæki mig frekar fyrir Vigdísi mér finnst hún alltaf flott frauka.