Skipulag fyrir lengra komna.

Ég vaknaði óvenju snemma í morgun eða rétt rúmlega fjögur.... sumir mundu líklega kalla þetta nótt. Mömmusinnardúlludúskur segði líkast til að hann vissi ekki einu sinni að klukkan YRÐI fjögur um morgun 

Þar sem ég bældi mig og reyndi að sofna aftur rann það upp fyrir mér af hverju ég vaknaði á þessum ókristilega tíma. Mér fannst ég nefnilega vera orðin á eftir í öllu og ekki síst lífi mínu! Ég fleygði bókinni, um Gamlingjann sem fór út um gluggann og hvarf, - ágætis bók bæþevei..... umsvifalaust frá mér, setti í vélina, stökk í sturtu, setti skrúbb framan í mig og fastan lit á augabrúnirnar. Reiknaði svo nokkur dæmi - bara svona til öryggis  og fór út með hundinn. Ó..... og upphugsaði sjö hnyttna en um leið fræðandi feisbúkkstatusa. Einn fyrir hvern dag vikunnar.

Nú sit ég - klukkan rétt að skríða í hálfníu og er búin að öllu.

Hvílíkur munur  

Athugasemdir

[Hrönn Sigurðardóttir, 6.2.2012 kl. 08:52]

Veit ekki hvað fólkinu niðri finnst um að ég setji í vélina svona snemma!

Æj.. þau eru hvort sem er nýflutt frá Bandaríkjunum og ábyggilega tímavillt ;)

Ég er líka soldið reiðileg svona nýlituð - þau þora ekkert að segja.

[Marta B Helgadóttir, 6.2.2012 kl. 09:46]

Góðan dag Hrönnslan og gleðilega nýja viku

...ég myndi leggja mig til hádegis eftir öll þessi afköst.

[Ásthildur Cesil Þórðardóttir, 6.2.2012 kl. 11:45]

Aldeilis dugleg, þegar eg vakna svona snemma á "morgnana" kemur fyrir, þá fer ég í að kúra mig niður og dreyma dagdrauma sem láta mér líða vel.  Ég myndi ekki NENNA að vera svona dugleg eldsnemma morguns eða seinnipart kvölds

[Hrönn Sigurðardóttir, 6.2.2012 kl. 17:23]

Góðan daginn Marta. Ligga mig? Nei - ég hélt áfram á fullu skriði. Þú ættir bara að vita hverju ég er búin að koma í verk núna :)

Nei Cesil. Ég er ekki vön þessu heldur ;)

[Marta B Helgadóttir, 7.2.2012 kl. 15:14]

núú?  Kvaddagera ?

[Hrönn Sigurðardóttir, 7.2.2012 kl. 16:11]

Ligga mig??? Hahahah hvað er það nú? Vitleysan sem kemur út úr manni....

Ligga ligga lá mig kannski? :P

[Marta B Helgadóttir, 7.2.2012 kl. 16:22]