Fimmtudagar....

....eru sjálfshátíðardagar hjá mér.

Þeir hefjast á morgungöngu og stjörnuskoðun með hund og kött upp úr hálfsex og enda á kóræfingu. Ég sver það ég er alltaf að verða betri og betri í kórnum. Ég að ég kunni alveg heil þrjú lög núorðið.......

Ekki versnuðu fimmtudagarnir við það að eftir hádegi er ég með peyja í starfsnámi og hann keppist við að segja mér hvað ég sé frábær! Mætti hreinlega halda að hann vissi að fimmtudagar væru sjálfshátíðardagar ;) Síðasta fimmtudag sagði hann mér að ég væri "afskaplega viðkunnanleg" ....já ég veit... ég hef ekki heyrt það síðan elstu skátar á Eyrarbakka voru ylfingar og í dag sagði hann mér, eftir að hafa spurt hvaða ár ég væri fædd, að ég liti út fyrir vera svona cirka þrítug. Ég tek það fram að ég þvingaði hann ekki á neinn hátt

Ég var að horfa á kiljuna hjá Agli í gær. Þetta er annar þátturinn í röð sem ég reyni að þrauka út heilan þátt og ég uppgötvaði í gær hvað það er sem truflar mig svona svakalega í þættinum. Veit einhver meilinn hjá Agli svo ég geti sagt honum mína skoðun umbúðalaust?

Farin að sofa! Á morgun er árshátíð og þá þarf kona að koma vel fyrir. Það er ekkert sem reddar því betur en átta tímarnir.

Lifið í lukku

Athugasemdir

[Anna Einarsdóttir, 19.2.2010 kl. 00:28]

Þú ert að verða betri í öllu.  Betri í kór, betri í bloggi, betri í svefni.

Þú ert hreinlega best. 

(óþvingað)

[Birna Dis Vilbertsdóttir (IP-tala skráð) 19.2.2010 kl. 09:16]

Já best óþvinguðGóða skemmtun á árshátíðinni

[Ásthildur Cesil Þórðardóttir, 19.2.2010 kl. 15:39]

Hehe Hrönn mín, það styttist í bónorð hjá stráknum.

[Jóna Á. Gísladóttir, 19.2.2010 kl. 19:20]

ha? árshátíð á föstudegi? Og ekkert blogg í dag? Ertu ennþá full?

[Ragnheiður , 20.2.2010 kl. 13:05]

Ó mæ....

sendu mér afrit af bréfi Egils- ég er viss um að ég er sammála því sem þú segir hahaha....(nýfarin að hafa af heila þætti)

Ég kann bara hálf lög og er ekki nothæf í kór nema til að þurrka af gleraugunum hjá kórfólkinu.

Vonandi var gaman í gær :)

[Hrönn Sigurðardóttir, 22.2.2010 kl. 17:25]

Geri það Ragga! Og já.... það var fáránlega gaman í "gær"