Ég fór tiltölulega edrú að sofa

...og vaknaði því algerlega óþunn. Mig dreymdi bleikan himinn og það, gott fólk, þýðir bara eitt. Þetta ár verður mér gott! Enda nýja ártalið óendanlega krúttlegt.

Ég klæddi mig í öll mín útiföt og við Ljónshjartað fórum út að ganga í frostinu. Kötturinn lét sig hverfa eitthvað út í morguninn, sjálfsagt búinn að uppgötva að einhversstaðar í nágrenninu er einhver að gefa fuglaskara....... og tunglið glotti til okkar yfir fjallinu. Ég glotti kuldalega á móti og ákvað, úr því að ég væri svona vel klædd á annað borð, að fara lengri leiðina.

Það eru afar fáir á ferli svona snemma á nýársdag eiginlega bara ég og nokkrir krummar........... Þeir  krunkuðu á staurum og buðu mér hæversklega góðan dag og gleðilegt ár. Ljónshjartað lét eins og hann sæi þá ekki - enda búinn að læra að Krummi er stríðinn.

Nú liggur Ljónshjartað og sefur í sófanum og Kisi steinsefur undir jólatrénu eins og hver önnur guðsgjöf

Mig langar hinsvegar í gott kaffi og feita rjómatertu og svei mér ef ég læt það ekki bara eftir mér

 

Athugasemdir

[Anna Einarsdóttir, 1.1.2010 kl. 13:07]

Þetta verður ár Hrannar, ekki spurning. 

Hafðu það ofboðslega gott í dag........ og alla daga.

[Hrönn Sigurðardóttir, 2.1.2010 kl. 09:35]

Takk Anna

[Ásthildur Cesil Þórðardóttir, 2.1.2010 kl. 12:47]

Verði þér að góðu með tertuna Hrönn mín og megi þú eiga gótt nýtt ár með gleði og hamingju. 

[Vilma Kristín (IP-tala skráð) 2.1.2010 kl. 13:58]

gleðilegt nýtta ár! Þetta verður örugglega frábært ár!

[Ragnheiður , 3.1.2010 kl. 00:27]

Brrr...manni verður kalt við að lesa þetta...

Máninn hátt á himni skín, hrímfölur og grár..

Gleðilegt ár mín kæra vinkona.

[Bergljót Hreinsdóttir, 3.1.2010 kl. 01:55]

Gleðilegt ár kæra bloggvinkona...þetta verður ár gleði og ástar...kærleika og jákvæðni...hamingju og heilla...drauma og ævintýra...þetta verður þitt ár...

Hafðu það sem best

[Hrönn Sigurðardóttir, 3.1.2010 kl. 12:53]

....og hrín við Hrönn

Takk stelpur og sömuleiðis óska ég ykkur gæfu og gengis á nýju ári

[Birna Dis Vilbertsdóttir (IP-tala skráð) 3.1.2010 kl. 23:02]

Gleðilegt nýtt ár Takk fyrir frábær blogg á árinu .Nýtt ár kemur með skemmtilegum og spennandi ævintýrum og tækifærum.

[www.zordis.com, 4.1.2010 kl. 08:17]

Gleði til þín mín kæra!

Það hefur verið yndislegt að fara út í brakandi umhverfið svona snemma á nýársdag. Þú býrð þá væntanlega yfir leyndarmálum framtíðar eftir að hafa átt leið um hrafnaþing með ljónshjartanu. Hvað sem öðru líður þá tippa ég á gott ár.

[Marta B Helgadóttir, 4.1.2010 kl. 16:13]

Gleðilegt nýtt ár

[Gulli litli, 4.1.2010 kl. 19:22]

Mjög rómó saga......óþunnur er bara svo fjarlægt mér...þunnur að eðlisfari skilurðu...þetta verður gott ár!

[Hrönn Sigurðardóttir, 4.1.2010 kl. 19:39]

Mjög rómó Gulli litli........ ;) Þetta verður óhuggulega gott ár!

Smjúts á ykkur stelpur mínar

[Ía Jóhannsdóttir, 6.1.2010 kl. 13:17]

Búin að bíða eftir þessum góðu draumum sem eiga að koma á nýju ári en það bólar ekkert á þessu hjá mér.  Bara leiðindi.  Æluvesen alla daga og mikið helv.  líður mér illa þessa dagana.  Mætti halda að ég væri ólétt, það er ég svo sem ekki neitt létt á mér, en ólétt neip löngu hætt á túr heheh................

[Hrönn Sigurðardóttir, 6.1.2010 kl. 13:37]

...og við þökkum Íu fyrir þessar upplýsingar um leið og við útnefnum hana konu ársins ;)

[Anna Einarsdóttir, 6.1.2010 kl. 23:04]

Klapp klapp klapp klapp. 

[www.zordis.com, 10.1.2010 kl. 16:53]

Hefði verið gaman ef Ía væri bomms ..... En ég klappa með Önnu ..... Svona dæmigerð Bítlastemming í þessu partý-i.

[Garún, 12.1.2010 kl. 12:38]

Bleikur himinn er fyrir góðu!  Nú fer ég að vera næstum uppá hvern einasta dag í bæjarfélagi þínu og þá fer mig að skorta afsakanir yfir að koma og kíkja á þig í heimsókn! 

[Hrönn Sigurðardóttir, 12.1.2010 kl. 18:41]

Hey Garún. Það væri súrt ef þú kæmir ekki og kíktir. Ég frétti af þér í kjötbollum í fyrra hjá vinkonu minni.......... Ég toppa það ábyggilega ekki en get allavega boðið upp á kaffi úr frystinum.

[Garún, 13.1.2010 kl. 13:20]

Ó guð minn góður þessar kjötbollur voru snilld....ég eeeellllssskkkaaa kjötbollur.  Og ætla meira að segja áð fá mér svoleiðis í kvöld....